حماتي قلبت سفرة العزومة وبهدلتني بسبب فستان اشتريته بفلوسي وقالت إنزلي على ركبتك واعتذريلي يا وفاء! طول ما إنتي في بيتي، مش هسمحلك تغلطي فيا ولا ترفعي صوتك عليا…!!! كانت بتصرخ في وشي بأعلى صوتها، وبتشاور على بقايا الأكل اللي مرمية في كل حتة بعد ما قلبت السفرة كلها.
الأطباق اتكسرت، واللحمة وقعت على السجادة، والمحشي اتناثر على الأرض، وفستاني الجديد اللي لونه نبيتي اتلطخ بالصلصة والسمنة ، والأصعب من كل ده إني مكنتش عملت أي حاجة تستاهل الإهانة دي!
أنا اسمي وفاء، عندي 32 سنة، ومتجوزة علي بقالي 3 سنين. ومن يوم جوازنا وإحنا عايشين في بيت أمه، الحاجة فريال، في مدينة نصر.
الحكاية
بدأت قبلها بأسبوع، لما الشركة اللي بشتغل فيها محاسبة صرفتلي مكافأة 28 ألف جنيه، تقديرًا لمجهودي وشغلي طول السنة.
كنت فرحانة جدًا، وقررت لأول مرة من يوم جوازي إني أجيب لنفسي حاجة حلوة من غير ما أستأذن حد أو أحس إني لازم أبرر صرف فلوسي.
اشتريت فستان حرير شيك لونه نبيتي، وكنت مبسوطة بيه جدًا. حصري على صفحة روايات و اقتباسات.. أما باقي المكافأة فخصصت جزء منه لمصاريف البيت والعزومة، والباقي حوشته في حساب التوفير بتاعي.
وبما إننا كنا متفقين نعمل عزومة عائلية في البيت، صحيت من الساعة خمسة الصبح علشان أجهز كل حاجة بنفسي.
عملت فتة باللحمة، ورقاق باللحمة المفرومة، ومحشي، وبط مشوي،
وسلطة وحلويات… وكنت عارفة إن حماتي عندها مشاكل في المعدة ومبتستحملش الأكل الحراق، علشان كده عملتلها طبق لحمة مخصوص من غير شطة، وخليت بالي من كل التفاصيل علشان متشتكيش.
كنت بحاول أرضيها وأبعد عن أي خناقة ممكن تحصل.
أما داليا، أخت جوزي، فكانت عايشة معانا هي كمان بعد طلاقها من حوالي 8 شهور. حكايات مني السيد
وطول ما أنا واقفة في المطبخ من الفجر، هي قاعدة على الكنبة بتتفرج على الموبايل، ولا فكرت حتى تدخل تساعدني أو تسألني محتاجة حاجة.
بعد حوالي تسع ساعات من التعب والوقفة، أخيرًا خلصت تجهيز الأكل ورتبت السفرة بشكل جميل.
قلعت مريلة المطبخ، ولبست فستاني الجديد، وظبطت
شعري،
وبعدها ناديت عليهم علشان نتعشى.
نزلت حماتي فريال من أوضتها، وأول ما دخلت الصالة بصت على السفرة، وبعدها عينيها وقفت عند فستاني.
قالت باستغراب
إيه الفستان ده يا وفاء؟
ابتسمت وقلت
حلو يا ماما؟ ده جبته من مكافأة الشغل اللي قبضتها الأسبوع اللي فات.
بصتلي من فوق لتحت وقالت بسخرية
مكافأة إيه وزفت إيه؟! هو إنتِ مش شايفة إن البيت عليه مصاريف والتزامات؟ بدل ما تحوشي الفلوس وتنفعينا بيها، تروحي تشتري فستان علشان تتمنظري بيه!
داليا ضحكت من مكانها وقالت
يا ماما سيبيها، أصل وفاء شكلها بدأت تصدق إنها بقت هانم من ساعة ما بقت بتقبض مرتب!
اتضايقت من كلامهم، لكن بلعت إهانتي وسكت،
وقررت أعدّي الليلة على خير… حماتي قربت من السفرة، وخدت معلقة من المحشي وداقتها، وبعدها رمت المعلقة بعصبية وقالت
إيه الأكل ده؟! إنتي حاطة شطة في كل حاجة؟! مش عارفة إن معدتي تعبانة؟!
رديت بهدوء
لا يا ماما، أنا عاملالك طبق مخصوص من غير شطة، وكمان دوقت الأكل كله قبل ما أقدمه.
صړخت في وشي
اخرسي! إنتي فاكرة إني مش فاهمة اللي بتعمليه؟! إنتِ عايزة تمرضيني علشان تستفردي بابني وتاخدي بيتي!
بصتلها پصدمة وقلت
إيه الكلام ده يا ماما؟! أنا عمري ما فكرت في حاجة زي دي!
لكنها مردتش، وفجأة مسكت طرف السفرة وزقتها بكل قوتها.
في ثواني، كل حاجة اتقلبت! الأطباق وقعت واتكسرت، والفتة
اتكبت، واللحمة اتناثرت على السجادة، وحلة المحشي وقعت جنب رجلي.
حتى فستاني الجديد اتبهدل واتلطخ بالأكل! وقفت مكاني مش قادرة أستوعب اللي حصل، وبصيت للسفرة اللي قضيت يوم كامل بجهز فيها، وبعدها بصيت لفستاني اللي لسه شاريه من فلوسي.
داليا فضلت قاعدة مكانها وقالت بكل برود
بدل ما تقفي ټعيطي، قومي لمّي الژبالة اللي إنتِ عملاها دي!
قربت مني حماتي لحد ما بقت واقفة قصادي، وقالت باحتقار
وكمان لما تخلصي تنظيف، هتكلمي أبوكي وأمك ييجوا ياخدوكي! لو مش عارفة تحترمي جوزك وأهله، ارجعي بيت أبوكي يتربى من جديد!
الكلام وجعني، ودموعي نزلت ڠصب عني… كنت خلاص هرد عليها، لكن فجأة سمعنا
صوت مفتاح الباب الخارجي.
علي رجع
