مراتى كانت معزومه فى حنه صاحبتها اللى كلها بنات وكانت بتصور الحنه ولما جت بليل كانت بتفرجنى على صورها وهى بتفرجنى قولتلها ماتعمللنا كوبايتين شاى قامت وسابتنى وانا فضلت اتفرج على الفديوهات ولفت نظرى فديو لواحده صاحبتها كانت بترقص بشكل محترف و عجبتنى ودخلت دماغى وفضلت اتفرج على باقى الفديوهات وكل تركيزى كان على البنت دى بس وقبل ما مراتى تيجى وتفرجنى باقى الصور بنفسها سبت الموبايل ولما جت فرجتنى عليها تانى بس طبعا كانت بتشيل فديوهات صاحبها اللى بيرقصوا ولما بتفرجنى على صورهم الجماعيه سالتها عن اسامى صدقائها وانا بمثل إنه بدافع الفضول وهى قالت اساميهم كانت صوره قبل ما يلبسوا لبس الحنه وفى وسط الاسماء قالت اسم صاحبتها فضلت طول الليل افكر في البنت دى واتخيلها بترقصلى مكنتش عايزه تروح من دماغى كنت هموت عليها حرفياً وطول الليل احلم بيها صحيت بدرى وخليت مراتى نايمه واخدت موبايلها وفضلت ابحث بإسم صاحبتها لحد ما لقتها وجبت رقمها وكمان صفحه الفيس وقررت انى لازم اقرب منها وقد كان اتصلت بيها وكلمتها وماقولتلهاش انا مين وهى قفلت السكه فى وشى مره واتنين وتلاته وده كان بيزيد تعلقى بيها كنت ادخل صفحتها واشوف صورها وافضل أتابع كل حاجه عنها وفضلت محاصرها ومع حصارى ليها أخيرا بدأت تتجاوب معايا وقررت اقابلها ولما قبلتها عرفتنى من اول مره وفضلنا نتكلم وقولتلها عشان خاطرها انا ممكن تعمل اى حاجه واوافق على كل طلباتها ولما سالتنى شوفتنى فين قولتلها شوفت صورك وعحبتينى ضحكت وفضلت أتكلم معاها وأحاول أقرب منها،
لكنها فجأة بصتلي بجدية وقالت:ـ إنت جوز حور، صح؟
اتخضيت من سؤالها، وحاولت أداري ارتباكي وقلتلها: ـ أيوه، عرفتي منين؟ردت بمنتهى الهدوء: ـ أنا بشوف صورك معاها، وبشوف صوركم في المناسبات، يعني مش محتاجة ذكاء عشان أعرف. حاولت أضحك وقلتلها: ـ طب وإيه المشكلة؟ هو أنا لو متجوز مينفعش أتعرف على ناس جديدة؟
بصتلي باستغراب وقالت: ـ المشكلة مش إنك متجوز، المشكلة إنك بتكلمني بالطريقة دي، وبتقولي إنك مستعد تعمل أي حاجة عشاني، وكأنك بتشتري رضاياقولتلها: ـ أنا معجب بيكي ومش عارف أبطل تفكير فيكي. هزت راسها باستهجان وقالت: ـ إنت ليه بتفكر بالطريقة دي؟ إنت سطحي أوي!
شوفتني برقص في حنه صاحبتى ، فعجبتك، فقررت إنك لازم تقرب مني! طب إنت تعرف عني إيه؟ تعرف أنا بحب إيه؟ بكره إيه؟ عندي طموح إيه؟ ولا كل اللي شاغل بالك شكلي ورقصي؟سكت شوية، وبعدين قولتلها: ـ أنا ممكن أعرف كل ده مع الوقت.
ردت بسرعة: ـ لأ، إنت محتاج تعرف الأول إن أنا مش مجرد بنت شوفتها في فيديو وعجبتك، أنا إنسانة وليا حياتي، والأهم إني مش عايزة أكون سبب في خراب بيت واحدة تانية. حاولت أغير الموضوع وقلتلها: ـ إنتِ مكبرة الموضوع ليه؟
