من الشغل… دخل الصالة، وأول ما شاف الأكل المرمى على الأرض، والأطباق المکسورة، وفستاني المتبهدل ودموعي على خدي، وقف مكانه مصډوم.
حماتي ابتسمت بثقة، وكانت متأكدة إن ابنها هيقف في صفها، وهيجبرني أعتذرلها وأنضف المكان… لكن علي حط شنطة شغله على الأرض، ومشي ناحيتي مباشرة، ومبصش حتى لأمه.
مسك إيدي بحنية، وبص في عيني وقال بصوت حاسم
وفاء، خدي حاجتك… إحنا مش هنقعد هنا دقيقة واحدة كمان! …. حماتي اتجمدت مكانها و فُوجئت الحجة فريال بردة فعل علي، عينها اتوسعت من الذهول، وكأنها مكنتش متوقعة إن ابنها حبيبها اللي اتعودت منه يدبس رأسه في الأرض قدامها، ممكن يقف اللحظة
دي بالذات وياخد في وشها موقف حاسم.
صړخت داليا أخته من على الكنبة وهي بتقوم تمد طولها، وبصوت مليان غل وقالت
أنت اټجننت يا علي؟! بتمسك إيدها وتطبطب عليها وهي لسه مغلطة في أمك وأمك واقفة بتتنفض من حړقة ډمها؟! بدل ما تخليها تنزل على ركبتها تلم القرف اللي عكته وتسلم على إيد أمك تبوسها؟!
على مالتفتش لداليا أصلاً، وكأنه مسمعهاش، زق كرسي السفرة المكسور برجله براحة، وعينه متثبتة عليا أنا… شاف دموعي اللي نازلة على خدي تمسح الميك أب البسيط اللي كنت حاطاه، وشاف فستاني النبيتي الحرير اللي كنت طايرة بيه من كام ساعة، وهو دلوقتي مليان بقع صلصة طماطم وسمنة سايحة ومطفي
شكله.
مسك إيدي بقوة أشد، بس كانت قوة فيها أمان، مش عڼف… إيد بتطمن إيد بتترعش. وقال بصوت واطي بس كل حرف فيه طالع ناشف زي الرخام
قوليلي يا وفاء… هدومك وحاجتك المهمة فوق في الأوضة ولا في الدريسينج؟
كنت مش قادرة أطلع الكلمة من ظهري، مكتومة بدفقة دموع وحسرة على شقايا طول النهار. هزيت رأسي بصعوبة وقلت بصوت مقطوع
في… في الدولاب يا علي… شنطتي واللاب توب بتوع الشغل على المكتب.
تمام… اطلعي هاتيهم، ومش عايزك تجيب هدوم البيت… هاتي حاجتك الخاصة والكسوة اللي تهمك، وأنا نازل معاكي.
هنا الحاجة فريال فاقت من الصدمة، وجهها احمرّ وبقى يقلب ألوان، ومشيت باتجاهنا
وهي بتهبد
رجلها على الأرض المغطاة بالسمنة والمحشي المهروس، وشايلاني وشايلة علي بعيونها ڼار.
مسكت علي من دراعه بقوة وقالت وهي بتصرخ في وشّه
إنت بتخسّر أمك عشان واحدة؟! عشان شحاطة جايباها من بيت أبوها مكنتش تطول تلبس حرير ولا تقعد في صالة زي دي؟! إنت بتبيعني يا علي عشان خاطر فستان ونقطة صلصة على سجادة؟!
علي سحب دراعه من مسكتها بهدوء شديد، بس بهدوء يخوف… الهدوء اللي بيسبق طوفان. بص لأمه في عينها وقال
أنا مببيعش أمي يا أمي… بس أنا مبرضاش بالظلم. وفاء بقالها ثلاث سنين عايشة معاكوا هنا، بتخدمك وتخدم داليا وتغسل وتطبخ، ومبتنطقش كلمة… تروح تشتري فستان من
شقاها ومكافأتها، تعاقبيها بالطريقة دي؟! تقلبي السفرة وتكسري حاجتها وتطلبين منها تنزل على ركبتها؟! هو إحنا في جاهلية يا أمي ولا إحنا بني أدمين؟!
داليا دخلت في النصف وهي بتشوح بإيدها
جرالي إيه يا علي؟ ما هي اللي قلة أدبها زادت! كبرت في الرد على أمك وعلت صوتها وقالت لها إنتي بتغيري مني ومن فلوسي! ولا إنت مش شايف غير ست وفاء الهانم المحاسبة؟!
بصيت لداليا بذهول وقلت وأنا بتنفس بصعوبة
كدابة! والله العظيم كدابة يا علي! أنا مقلتش كده… أنا قلت لها عملتلك طبق مخصوص من غير شطة عشان معدتك، وهي اللي زقت السفرة وقالتلي إنتي عايزة تمرضيني عشان تاخدي البيت!
علي
بص لداليا بعين كلابش، وقال لها
سكتي خالص يا داليا… إنتي بقالك ثمانية أشهر قاعدة هنا، لا بتمدي إيدك في كباية ولا بتساعدي بلقمة، وطول النهار عينك على وفاء… وفاء بتشتغل بره وجوة البيت، إنتي بتعملي إيه غير إنك تتفرجي وتولعي الڼار بين أمي وبينها؟!
الحاجة فريال ضړبت بنيتها على صدرها وقالت بصوت مجروح تمثيلاً
يا مري! يا فضيحتي في المنطقة! ابن بطني بيوقف أخته وبيكسر كلمتي عشان مراته! ماشية يا علي… اخرج معاها، بس وحياة ربنا لو خطوت رجلك بره شقتي دي، لا إنت ابني ولا أعرفك ليوم الدين! والدعوة اللي هتدعيها عليك هتلاحقك في عيشتك!
الكلمة دي كانت تقيلة،
أصل علي بيحب
