لو إنتِ بتقري الكلام ده، يبقى أنا مش موجود جنبك، ومش قادر أحميكي بنفسي. عايزك تعرفي إن أبوكي عمره ما كان خايف من المــ,,ـــــوت، لكنه كان خايف يسيبك لوحدك في الدنيا. أنا ساعدت نادين علشان أنقذ بنتها، وحاولت أحميها من الناس اللي عايزين يدمروها.
لكن اكتشفت إن الموضوع أكبر من سرقة فلوس. في مستندات بتثبت إن في حد كان بيخطط يستولي على شركات آسر، وإن وفــ,,ـــــاه نادين مش مجرد دــ,,ـــــادثة. خلي بالك من آسر، لأنه مش عارف الحقيقة كلها. والأهم…ما تثقيش في الشخص اللي هيقولك إنه بيحميكي.”
وقفت عند آخر جملة، وحسيت بقشعريرة.
رفعت عيني ناحية آسر.”هو يقصد مين؟”
آسر أخد الجواب وقراه، وبعدها قال:
“مش عارف، لكن هنكتشف.”
فجأة سمعنا صوت تكسير زجاج جاي من الصالة. آسر وقف بسرعة، وطلب مني أدخل أوضة النوم وأقفل الباب. لكن قبل ما أتحرك، ظهر تلاتة رجالة ملثمين من باب الشقة.
ال
واحد منهم صرخ:
“هاتوا الصندوق، ومحدش يتحرك!”
آسر وقف قدامي وقال بغضب:
“إنتوا مين؟ وعايزين إيه؟”
واحد منهم طلع مطواة وقال:
“إحنا مش جايين نأذيك، إحنا عايزين اللي في إيدك وبس.”
أنا مسكت الصندوق وضمّيته لصدـ,,ـــري. صرخ واحد منهم:
“خدي بالك يا بنت محمود، أبوكي مات بسبب العند، وإنتِ مش أحسن منه!”
الجملة دي خلت دمي يغلي. صرخت:
“إنتوا اللي .توه؟!”
لكن الراجل قرب مني بسرعة. آسر حاول يمنعه، وحصلت خناقة بينهم، وفي وسط الارتباك سمعت صوت طلقة.
آسر وقع على الأرض!صرخت بأعلى صوتي:
“آسر!”
الرجالة خطفوا الصندوق من إيدي، وجريوا ناحية الباب. لكن قبل ما يخرجوا، دخل رجال الأمن اللي كانوا مستنيين بره، وبدأوا يطاردوهم. نزلت على ركبتي جنب آسر، ولقيت إيده بتنزف.
كان مصاب في كتفه، ووشه شاحب. مسكت إيده وقلتله وأنا بعيط:
“إوعى تسيبني، أرجوك!”
فتح عينيه بالعافية وبصلي وقال:
“الصندوق… ملك… أهم حاجة الصندوق ما يروحش.”
قلتله:
“خلاص، هيرجع، بس إنت خليك معايا.”
في المستشفى، الدكتور طمّنا إن الإصابة مش خطيرة، وإن الرصاصة كانت في الكتف بعيد عن الأعضاء الحيوية.
فضلت قاعدة بره العمليات، مش قادرة أوقف عياط. بعد حوالي ساعتين، خرج الدكتور وقال إن حالته مستقرة. دخلت أشوفه، لقيته صاحي وبيحاول يتحرك. أول ما شافني ابتسم وقال:
“إنتِ لسه هنا؟”
قلتله وأنا بمسح دموعي:
“كنت فاكرني همشي وأسيبك؟”
ضحك رغم تعبه وقال:
“أنا كنت عارف إنك بنت محمود، بس ماكنتش أعرف إنك عنيدة زيه.”
ابتسمت لأول مرة من ساعات. لكن الفرحة ما كملتش. دخل مدير الأمن ومعاه لابتوب وقال:
“يا فندم، إحنا قدرنا نرجع جزء من التسجيلات اللي كانت على كاميرات البيت القديم.
”
آسر سأله:
“والرجالة اللي ؟”
رد:
“واحد منهم اعترف إنه كان بياخد تعليماته من رقم مسجل باسم شركة تابعة لفؤاد الجبالي.”
آسر قفل عينيه بغضب. لكن مدير الأمن كمل:
“وفي حاجة يا فندم. إحنا لقينا إن الفلاشة اللي كانت في الصندوق اتسرقت، لكن كان فيه ورقة وقعت من الصندوق أثناء .
