آسر فضل واقف مكانه بعد ما سمع اسم أخوه، وكان واضح إنه مش قادر يصدق إن فؤاد ممكن يكون ورا كل المصايب دي. قرب من أمي وقال:
“يا طنط هدى، أنا محتاج أعرف كل حاجة بالتفصيل. فؤاد عمل إيه في محمود؟ وليه كان عايز يموّت نادين؟
”
أمي مسحت دموعها وقالت:
“أبوك يا ملك اكتشف إن فؤاد كان بيسرق من شركات آسر، وكان بيحوّل فلوس لحسابات بأسماء وهمية. ولما نادين عرفت بالموضوع، قررت تواجهه وتهدده إنها هتبلغ جوزها.”
آسر حط إيده على دماغه وقال:
“يعني نادين كانت عارفة إن أخويا بيسرقني؟”
أمي هزت راسها.
“أيوه، وكانت خايفة عليك وعلى بنتها. أبوكي كان بيساعدها تجمع الأدلة، لكن فؤاد عرف، وبدأ يهدد أبوكي.”
أنا مسكت إيد أمي وسألتها:
“طب ليه ما بلغتيش الشرطة يا ماما؟ ليه سيبتيه يضيع من غير ما ناخد حقه؟”
أمي في العياط.
“علشان بعد ما أبوكي مات، فؤاد جه لحد عندي، وقاللي بالحرف الواحد: لو بنتك غالية عليكي، انسي إنك عرفتي أي حاجة. وكان معاه صورة ليكي وإنتِ راجعة من الجامعة.”
حسيت بوجع رهيب في قلبي. أبويا مات، وأمي عاشت سنين في الرعب، وأنا كنت فاكرة إن كل اللي حصل مجرد دــ,,ـــــادثة قضاء وقدر.
آسر قبــ,,ـــــض إيده وقال:
“أنا هجيب حق محمود ونادين، حتى لو الموضوع كلفني كل حاجة.”
لكن أمي مسكت إيده وقالت:
“خلي بالك يا ابني، فؤاد مش لوحده.”
بعد ما خرجنا من المستشفى، آسر طلب من السواق يرجع القصر، لكن أنا وقفته وقلتله:
“لازم نروح بيتنا القديم الأول.”
بصلي باستغراب وقال:
“إنتِ لسه خارجة من عند أمك، ومش هينفع أخاطر بيكي.”
قلتله بإصرار:
“الأمانة دي تخص أبويا، ومش هرتاح غير لما أعرف هو سابلي إيه.”
آسر سكت شوية، وبعدها طلع تليفونه واتصل بمدير الأمن.”عايز عربيتين حراسة قدامنا وورانا، ومحدش يعرف إحنا رايحين فين.
”
وصلنا بيتنا القديم في شبرا بعد المغرب. البيت كان مقفول من سنين، والدهان واقع من الحيطان، والباب الخشب متآكل. أول ما دخلت، حسيت بريحة أبويا. نفس المكان اللي كنت بجري فيه وأنا صغيرة، ونفس الكرسي اللي كان بيقعد عليه كل ليلة يعلمني لغة الإشارة. دموعي نزلت وأنا ببص للمكان.
آسر وقف جنبي وقال بهدوء:
“كان واضح إنه راجل طيب.”
ابتسمت بحزن وقلت:
“كان أحن أب في الدنيا. عمره ما زعقلي، وكان بيقولي إن اللي معندوش فلوس ممكن يكون عنده قلب أغنى من أصحاب الملايين.”
آسر بصلي وسكت.
بدأنا ندور في المكان لحد ما وصلنا لأوضة الصلاة الصغيرة. ركعت على الأرض وبدأت أتحسس البلاط جنب المكان اللي كان أبويا بيصلي فيه. بعد شوية، لاحظت إن في بلاطة مختلفة عن الباقي. ناديت آسر.”ممكن تساعدني هنا؟”
جاب مفك من شنطة العربية، وبدأ يحاول يرفع البلاطة بحرص.
وبعد محاولات، البلاطة اتحركت. كان تحتها صندوق معدني صغير، متغلف بكيس بلاستيك قديم. قلبي كان بيدق بسرعة وأنا بفتحه. جواه لقيت جواب بخط إيد أبويا، وفلاشة تانية، وصورة ليا وأنا طفلة، واقفة في حــ,,ـــــضنه. فتحت الجواب وبدأت أقرا:
“بنتي ملك…
