آسر فضل واقف ماسك موبايل أخته، وعينيه بتتنقل بين الرسالة وبين وش داليا، وكأنه مستني منها تقول إن كل ده كدب. قال بصوت هادي لكنه مليان غضب:
“إيه معنى الرسالة دي يا داليا؟”
داليا وشها اصفر، وحاولت تاخد الموبايل من إيده.”آسر، إنت فاهم الموضوع غلط، اسمعني الأول.”
شد إيده بعيد عنها وقال:
“أنا عايز أسمعك، بس عايزك تقوليلي الحقيقة. إيه اللي بينك وبين الدكتور سامح؟”
ردت بسرعة:
“الدكتور سامح بيعالج بنت أخويا من سنة، طبيعي يكون بينا مكالمات ورسائل!”
آسر رفع الموبايل قدامها وقال:
“وبيتصرفوا إزاي قبل ما بنت أخوكي تفهم اللي حصل؟”
داليا سكتت.
أما أنا فكنت واقفة جنب مريم، حاضناها وبحاول أهديها، لأن البنت كانت بتترعش من الخوف. نزلت على ركبتي قدامها وسألتها بلغة الإشارة:
“إنتِ خايفة من عمتك؟”
هزت راسها، وبعدها أشارت ناحية الأرنب اللي في حــ,,ـــــضنها. استغربت وسألتها:
“الأرنب فيه حاجة؟
مريم هزت راسها، وبدأت تفك خياطة صغيرة موجودة تحت بطن الأرنب. وفجأة طلعت من جواه فلاشة صغيرة ملفوفة في قطعة قماش. اتصدمت!سألتها بإيدي: “إيه ده يا مريم؟”
ردت:
“ماما حطتهولي قبل ما تمشي.”
آسر أول ما سمع اسم مراته قرب بسرعة.”مريم!
إنتِ بتقولي إيه؟”
أنا ترجمتله كلامها، فمد إيده وأخد الفلاشة وهو مش قادر يستوعب. قال بصوت مرتعش:
“قبل ما ماما تمشي؟ يعني إيه يا حبيبتي؟”
مريم بدأت تعيط، ورفعت إيديها تاني.”ماما قالتلي أخبيها، وقالتلي لو حد سألني عنها ما أقولش.
وبعدها سمعت صوت خناقة، وماما كانت بتعيط.”
آسر رجع خطوتين كأنه اتضــ,,ـــــرب على دماغه.”خناقة؟ مع مين يا مريم؟”
البنت بصت ناحية داليا، وبعدها أشارت للدكتور سامح. أنا حسيت إن الموضوع أكبر من اللي كنا متخيلينه. آسر مسك الفلاشة وقال:
“هاتوا اللابتوب بتاعي حالًا.”
بعد دقائق، كنا قاعدين في مكتبه، وآسر وصل الفلاشة باللابتوب. ظهر ملف فيديو واحد، وتاريخه قبل وفــ,,ـــــاه نادين بيومين. ضغط تشغيل. ظهرت نادين على الشاشة، قاعدة في أوضتها، ووشها باين عليه الخوف. كانت بتتكلم بصوت واطي:
“لو الفيديو ده وصل لآسر، يبقى أنا غالبًا مش موجودة.
أنا اكتشفت إن في حد بيسرق من شركاته، وبيستخدم اسم مريم علشان يحول فلوس لحسابات بره مصر.”
آسر قرب من الشاشة، وعينيه اتسعت. نادين كملت:
“حاولت أواجهه، لكنه هددني ببنتي. مش قادرة أقول لآسر دلوقتي، لأن الشخص ده قريب منه جدًا، وعنده صلاحيات يدخل كل مكان.
”
وفجأة ظهر صوت خبط على الباب في التسجيل. نادين بصت ناحية الباب بخوف، وقالت:
“لو حصل لي حاجة، دور على التسجيلات اللي في أوضة المكتب القديمة.”
وبعدها الفيديو انتهى. آسر فضل ساكت، وبعد لحظات ضــ,,ـــــرب بإيده على المكتب وقال:
“مين اللي كان بيسرق من شركاتي؟!”
في اللحظة دي، موبايله رن.
كان اتصال من مدير الأمن الخاص بالقصر. رد آسر بعصبية:
“في إيه؟”
جاله صوت الراجل بيقول:
“يا فندم، الدكتور سامح موجود عند البوابة، وبيطلب يدخل فورًا.”
آسر بصلي، وبعدها بص لداليا. وقال:
“محدش يدخل القصر من غير إذني.”
لكن داليا فجأة قامت من مكانها وصرخت:
“إنتوا مش فاهمين حاجة!
الدكتور سامح ملوش ذنب!”
آسر وقف وبصلها.”إنتِ بتدافعي عنه ليه بالشكل ده؟”
داليا بدأت تعيط وقالت:
“علشان هو كان بيحاول يساعدني!”
آسر قرب منها وقال:
“يساعدك في إيه؟”
داليا نزلت عينيها للأرض، وبعد لحظات قالت بصوت مكسور:
“أنا اللي طلبت منه يدي مريم المهدئات.
”
آسر اتصدم.”إنتِ عملتي إيه؟!”
قالت وهي بتنهار:
“كنت خايفة عليها، كانت بتسأل عن أمها طول الوقت، وبتعيط وبتصرخ، والدكتور قال إن المهدئات هتخليها تهدى وتنسى اللي حصل.”
آسر مسك راسه بإيديه.”وإنتِ صدقتيه؟! دي بنت عندها ست سنين يا داليا!”
داليا في العياط وقالت:
