“أنا ماكنتش عارفة إنه بيديها جرعات زيادة! والله ماكنتش عارفة!”
وقبل ما آسر يرد، سمعنا صوت تكسير جاي من ناحية المدخل. جرينا كلنا ناحية الصالون، ولقينا باب القصر مفتوح، والدكتور سامح واقف عند المدخل، وورا منه اتنين من رجال الأمن بيحاولوا يمنعوه.
كان وشه متغير، وعينيه بتدور في المكان لحد ما شاف الفلاشة في إيد آسر. صرخ:
“هات الفلاشة دي يا آسر! إنت مش فاهم إنت بتلعب في إيه!”
آسر وقف قدامه وقال:
“أنا فهمت كل حاجة، وعايز أعرف مين . مراتي!
”
الدكتور سامح ضحك ضحكة باردة وقال:
“إنت لسه فاكر إن مراتك ماتت في دــ,,ـــــادثة عادية؟”
آسر مسكه من ياقة قميصه وقال:
“اتكلم!”
الدكتور بصلي فجأة، وابتسم ابتسامة خلت قلبي يقبــ,,ـــــض. وقال:
“اسأل المربية الجديدة عن أبوها الأول.
.. هي أكتر واحدة تعرف الحقيقة.”
آسر ساب قميصه وبصلي باستغراب.”ملك؟ إنت تعرف أبوها منين؟”
أنا حسيت إن رجلي مش شايلاني. لأن الدكتور سامح طلع من جيبه صورة قديمة، وحطها قدام آسر. كانت صورة أبويا، لكن المرة دي كان واقف فيها مع نادين، مراته المتوفية.
وتحت الصورة كان مكتوب بخط إيد أبويا:
«لو حصل لي حاجة، أوعى تسيب بنتي لوحدها… هي مفتاح الحقيقة كلها.»
وفي اللحظة دي، فهمت إن أبويا ماكانش مجرد راجل أنقذ آسر من دــ,,ـــــادثة من عشر سنين.
أبويا كان عارف سر وفــ,,ـــــاه نادين، وكان بيدفع تمن معرفته بالسر ده لحد آخر يوم في عمره!#حكايات_شروق_خالد#حصري
فضلت باصة للصورة ومش قادرة أستوعب اللي بيحصل. حسيت إن كل ذكرياتي مع أبويا بتتجمع قدامي، وكل كلمة كان بيقولهالي زمان بقى ليها معنى مختلف.
آسر قرب مني وسألني بقلق:
“ملك، إنتِ تعرفي حاجة عن الكلام المكتوب ده؟”
هزيت راسي ودموعي بتنزل.”والله يا فندم ما أعرف حاجة… أبويا عمره ما حكالي عن نادين هانم ولا عن الدكتور ده.”
الدكتور سامح ضحك وقال:
“طبعًا ما حكاكيش، لأنه كان عارف إن مجرد ما تتكلمي ممكن حياتك تنتهي زي حياته.”
آسر مسكه من هدومه وقال بغضب:
“إنت هتتكلم وتقول كل حاجة، وإلا مش هتشوف الشمس تاني!”
الدكتور رد بسخرية:
“إنت فاكر نفسك تقدر تعمل فيا حاجة؟ إنت مش عارف مين اللي ورا الموضوع ده!
”
آسر أشار لرجال الأمن وقال:
“خدوه على المكتب، ومحدش يسمحله يستخدم تليفونه أو يتواصل مع أي حد. واتصلوا بالمحامي والشرطة فورًا.”
رجال الأمن أخدوه، لكن قبل ما يخرج بصلي وقال:
“اسألي أمك عن اللي حصل ليلة مــ,,ـــــوت أبوكي.
.. هي عارفة أكتر مما إنتِ متخيلة.”
الكلام ده خلاني أحس إن نفسي اتسحب مني. أمي؟!إيه علاقة أمي بكل اللي بيحصل؟طلعت أجري ناحية مريم، لقيتها قاعدة على الكنبة وحاضنة الأرنب بتاعها، وعينيها مليانة خوف. قعدت جنبها ومسحت على شعرها وقلت بلغة الإشارة:
“خلاص يا حبيبتي، محدش هيقدر يأذيكي تاني.”
مريم رفعت إيديها وردت عليا:
“هو الدكتور مش هيرجع؟”
ابتسمت رغم دموعي وقلت:
“لأ، وإحنا مش هنسمحله يقرب منك.”
لكن مريم أشارتلي بحاجة خلت قلبي يتوجع. قالت:
“أنا عايزة ماما.”
حــ,,ـــــضنتها وقلت:
“عارفة يا حبيبتي، عارفة إنك وحشاكي أوي.
”
وفجأة آسر قرب وقعد على ركبته قدامنا. رفع إيده وحاول يقلد الإشارة اللي كنت بعملها. قال بصعوبة:
“أنا… بحبك يا مريم.”
البنت بصتله، وبعد لحظات مدت إيديها وحــ,,ـــــضنت رقبته. آسر انفجر في العياط. فضل حاضنها وبيكرر:
“سامحيني يا بنتي.
.. سامحيني إني ما فهمتكيش.”
المشهد ده خلاني أعيط أنا كمان. بعد شوية، آسر قام وقال:
“ملك، أنا محتاج منك طلب.”
بصيتله. قال:
“عايزك تفضلي مع مريم، ومش عايزها تبعد عنك. وأنا هروح أتصرف في موضوع أمك وعلاجها.”
اتصدمت وقلت بسرعة:
“لأ يا فندم، أنا مش عايزة حضرتك تدفع حاجة عشاني.
