
إيده وطلع ورقة صغيرة. آسر فتحها. كانت مكتوب فيها أسماء وتواريخ وأرقام حسابات. وفي آخر الورقة كان فيه اسم واحد متكرر أكتر من مرة. اسم خلاني أنا وآسر نبص لبعض بصدمة. داليا الجبالي!آسر فضل باصص للورقة، وبعدها قال بصوت مخنوق:
“مستحيل… داليا أختي، عمرها ما تعمل كده.”
لكن مدير الأمن رد بجملة خلت الصمت يسيطر على الأوضة:
“يا فندم، إحنا راجعنا التحويلات المالية، ولقينا إن أخت حضرتك كانت بتحوّل مبالغ كبيرة للدكتور سامح من حسابها الشخصي.”
وفجأة موبايل آسر رن. كانت مكالمة فيديو من القصر.
فتحها، وظهر وش مريم على الشاشة، وكانت بتعيط وبتحاول تتكلم بلغة الإشارة. قربت من الشاشة وبدأت أترجم:
“ملك… عمتي داليا دخلت أوضة ماما، وبتدور على حاجة… ولما شافتني قالتلي إن دوري جه.”
اتجمدت مكاني. لكن مريم رفعت إيديها مرة تانية، وقالت حاجة أخطر:
“هي مش لوحدها…
معاها راجل، وبيقول إن بابا لازم يمــ,,ـــــوت!”
آسر حاول يقوم من السر,,ـــــير رغم إصابته، وصرخ:
“اتصلوا بالشرطة! محدش يقرب من بنتي!”
وفي اللحظة دي سمعنا صوت مريم بتصرخ، والمكالمة اتقطعت فجأة. ولما حاولنا نتصل بالقصر تاني، اكتشفنا إن كل خطوط الاتصال اتقطعت، وإن مريم اختفت من أوضتها!
#حكايات_شروق_خالد#حصري
آسر أول ما المكالمة اتقطعت، نسي إصابته تمامًا، وشال المحلول من إيده وحاول يقوم من السر,,ـــــير. صرخت فيه:
“إنت رايح فين؟ إنت لسه تعبان!”
رد عليّا بعصبية:
“بنتي هناك يا ملك! دي آخر حاجة فاضلالي في الدنيا، ومش هسيبها تضيع مني!”
مدير الأمن طلب من رجاله يتحركوا فورًا على القصر، وأنا ركبت مع آسر رغم اعتراضه. طول الطريق كان ماسك تليفونه وبيحاول يتصل بمريم، لكن مفيش أي رد. وأول ما وصلنا، لقينا باب القصر مفتوح، والحراس واقعين على الأرض، وفيه آثار خناقة في كل مكان.
آسر جري ناحية أوضة بنته، وأنا وراه. الأوضة كانت فاضية، والسر,,ـــــير متبهدل، وعلى الأرض لقيت دبدوب مريم. شيلته من الأرض، ولاحظت إن في ورقة صغيرة متعلقة في رقبته. فتحتها، ولقيت مكتوب:
“لو عايز بنتك تعيش، تعالى لوحدك للمخزن القديم، ومتجيبش معاك حد.
”
آسر خطف الورقة من إيدي، وأول ما قرأها عرف إن فؤاد هو اللي ورا الموضوع. قال بغضب:
“كفاية بقى! أخويا بقى عايز ي. بنتي كمان!”
مسكت إيده وقلتله:
“مش هتروح لوحدك. إحنا هنرجع مريم، بس لازم نفكر بعقل.”
مدير الأمن قال:
“إحنا هنكون وراك من بعيد، ومش هنسمحله يأذيها.
”
وصلنا للمخزن القديم بعد نص ساعة. كان مكان مهجور على أطراف القاهرة، والجو ضلمة، ومفيش صوت غير صوت الهوا. آسر دخل لوحده زي ما فؤاد طلب، وأنا فضلت في العربية مع رجال الأمن. بعد لحظات، سمعنا صوت فؤاد:
“أخيرًا يا آسر! كنت مستنيك من زمان.
”
ظهر فؤاد من وسط الضلمة، وكان ماسك مريم من إيدها، والطفلة مرعوبة وبتعيط. آسر صرخ:
“سيب بنتي يا فؤاد!”
فؤاد ضحك وقال:
“إنت لسه فاكر إنك تقدر تأمرني؟ أنا اللي بنيت إمبراطوريتك، وأنا اللي كان المفروض أبقى مكانك!”
آسر رد عليه:

