لفصل الثالث أنا مش خاطفة ابنك يا أستاذ!
فضلت باصة للراجل اللي واقف قدامي، ومش قادرة أستوعب هو بيقول إيه.
عشرة مليون!
أنا لو معايا عشرة مليون جنيه، مش هكون واقفة قدام محل سجق أصلاً!
هكون قاعدة في فيلا، وبطلب السجق دليفري!
بصيت له وقلت
حضرتك، أنا مش عايزة عشرة مليون، أنا عايزة أعرف بس إيه اللي بيحصل هنا؟ أنا لقيت ابنك بيعيط في الشارع، وخدته عشان أساعده، واتصلت بالشرطة، واشتريت له سندوتش، ودي كل الحكاية!
الراجل ما ردش.
فضل مركز معايا كأنه بيحاول يكتشف إذا كنت بكذب ولا لأ.
وبعدين بص لابنه وسأله
ياسين، هي عملت لك حاجة؟
الولد هز راسه بسرعة.
لأ يا بابا، طنط جابت لي سجق وعصير.
الراجل بص للسندوتش اللي في إيدي، وبعدين بص للطفل.
بس كده؟
ياسين فكر شوية وقال
وكمان مسحت لي بقي، وقالت لي إني لو كلت بسرعة هتجيب لي بطاطس.
غمضت عيني بضيق.
يا نهار أبيض!
الولد هيخليني أتحاسب على وجبة كاملة!
الظابط الكبير قرب من الراجل وقال
حضرتك الأستاذ أمين الشاذلي؟
الراجل هز راسه.
أيوه.
إحنا استقبلنا مكالمة من الآنسة دي، وكانت بتقول إن معاها طفل ومش قادرة تستحمل وجوده أكتر من ربع ساعة، وإنها لو ما اتحركناش بسرعة هتسيبه وتمشي.
أمين بص لي.
إنتِ قلتي كده فعلًا؟
هزيت راسي.
أيوه، بس كنت أقصد إني هتأخر على الشغل! مش هسيب ابنك في الشارع!
الظابط كتم ضحكته بصعوبة.
لكن أمين ما ضحكش.
كان واضح إنه لسه مش مطمن.
مد إيده وطلع محفظته، وفتحها، وبعدين قال
أنا آسف لو اتهمتك من غير ما أسمعك. ابني مختفي من امبارح، وإحنا كنا بندور عليه في كل مكان. أي حد كان ممكن يكون أخده مقابل فلوس.
قلبي وقع.
مختفي من امبارح؟!
أيوه.
طب وإزاي محدش بلغ الشرطة؟
أمين سكت لحظة.
وبعدين قال
بلغنا. بس اللي حصل إن آخر مكان اتشاف فيه كان بيتنا، والكاميرات أظهرت إنه خرج مع واحدة من العاملات، وبعدها اختفت.
افتكرت كلام ياسين.
الطنط اللي قالت له يستناها.
سألته بسرعة
هي الست دي كانت عاملة عندكم؟
أمين بص لي باهتمام.
أيوه. اسمها نادية.
طب هي كانت لابسة إيه؟
ليه؟
عشان ابنك ممكن يتعرف عليها.
ياسين رفع إيده الصغيرة وأشار ناحية الست اللي كانت واقفة وسط الناس من أول ما وصلت الشرطة.
هي دي يا بابا!
كلنا لفينا ناحيتها.
الست كانت لابسة بالطو بيج، وشنطة
كبيرة على كتفها.
أول ما ياسين أشار عليها، حاولت ترجع لورا بهدوء.
لكن واحد من أفراد الشرطة وقف قدامها.
حضرتك، من فضلك، مكانك.
نادية بدأت تصرخ
أنا ماليش دعوة! الطفل بيكدب! أنا عمري ما شفته!
ياسين استخبى ورايا.
هي هي! دي اللي خدتني من عند باب البيت!
أمين اتقدم خطوة.
نادية؟
الست بصت له، وبعدها اڼفجرت في البكاء.
يا أستاذ أمين، أنا كنت بحاول أساعدك!
تساعديني في إيه؟
مدام ليلى تعبانة، وإنت مش بتسمع كلامها! أنا خفت على الولد!
أمين قبض إيده.
إنتِ خرجتي ابني من البيت من غير إذني، وسبتيه في الشارع، وبتقولي بتساعديني؟!
الست ما ردتش.
الظابط طلب منها تيجي معاه القسم، وطلب من زميله يراجع كاميرات المول والمحال اللي حواليه.
كنت فاكرة إن كده الموضوع انتهى.
لكن أمين فجأة لف ناحيتي.
إنتِ اسمك إيه؟
سارة.
بتشتغلي فين؟
مجموعة شركات الثروة.
وشه اتغير.
إيه؟
مجموعة شركات الثروة، أنا اتعينت عندكم النهارده.
سكت ثواني.
وبعدين بص لي باستغراب.
إنتِ الموظفة الجديدة اللي المفروض تبدأ في إدارة العلاقات العامة؟
هزيت راسي.
أيوه، بس واضح إن أول يوم ليا باظ.
أمين بص لساعته.
الساعة دلوقتي عشرة إلا ربع.
فتحت عيني پصدمة.
عشرة إلا ربع؟!
أنا كده اتأخرت ساعة كاملة!
حطيت إيدي على راسي.
خلاص! أنا اترفدت قبل ما أشتغل!
أمين قال بهدوء
محدش هيفصلك.
حضرتك تقدر توعدني؟
أيوه.
حتى لو دخلت الشغل بكرة؟
أيوه.
وحتى لو النهارده مش هقدر أروح؟
ابتسم لأول مرة.
حتى لو مش هتقدري تروحي النهارده.
تنفست براحة.
وبعدين سألته
طب ممكن آخد أجازة من النهارده وأبدأ بكرة؟
الظابط اللي واقف جنبي ضحك بصوت عالي.
حتى أمين ابتسم.
لكن ابتسامته اختفت بسرعة لما تليفونه رن.
بص للشاشة، ورد.
أيوه يا دكتور… إيه؟!
وشه شحب فجأة.
إنت متأكد من اللي بتقوله؟
سكت شوية.
وبعدين قال
أنا جاي حالًا.
قفل التليفون، ولف لينا.
لازم أروح المستشفى.
سألته
مين تعبان؟
رد بصوت منخفض
مراتي.
وبص لياسين، اللي كان ماسك في إيدي.
والدته من امبارح في غيبوبة، ومحدش عارف السبب.
في اللحظة دي، افتكرت جملة ياسين اللي قالها قبل شوية
الست قالت لي لو ما اختفيتش النهارده، ماما عمرها ما هتفوق تاني.
حسيت بقشعريرة في جسمي.
قربت من أمين وقلت
أستاذ أمين، استنى.
لف لي.
نعم؟
أنا عايزة أسألك
سؤال مهم.
اتفضلي.
قبل ما مرات حضرتك تدخل المستشفى، كانت أكلت أو شربت حاجة معينة؟
بص لي باستغراب.
مش فاهم.
يعني مثلًا، كانت بتاخد علاج جديد؟ أو فيه حد كان بيجهز لها الأكل مخصوص؟
أمين فضل ساكت.
وبعدين قال
الأكل بتاعها كان بيتجهز في البيت، ونادية كانت مسؤولة عن خدمتها.
بصيت ناحية نادية، اللي كانت الشرطة لسه بتاخدها.
وبعدين قلت
أنا مش عارفة ليه، بس حاسة إن اختفاء ياسين وتعب والدته ليهم علاقة ببعض.
أمين قرب مني.
إنتِ تقصدي إيه؟
قبل ما أرد، ياسين شد إيدي.
طنط سارة…
نزلت لمستواه.
نعم يا حبيبي؟
أنا سمعت طنط نادية بتقول لواحد في التليفون إن لو ماما صحيت، كل حاجة هتضيع.
أمين اتجمد.
واحد مين يا ياسين؟
الولد بص للأرض.
مش عارف. بس كان بيقول لها إن الورق لازم يخلص قبل يوم الجمعة.
أمين وشه اتغير تمامًا.
وبص للظابط وقال
محدش يمشي من هنا قبل ما نعرف كل حاجة.
لكن قبل ما حد يتحرك، تليفون أمين رن مرة تانية.
المرة دي كانت مكالمة من رقم المستشفى.
رد بسرعة.
أيوه؟
سمعنا صوت الدكتور من الناحية التانية
أستاذ أمين، لازم تيجي فورًا. حصل تطور في حالة مدام ليلى.
أمين سأل بقلق
حالتها ساءت؟
الدكتور سكت لحظة.
وبعدين قال جملة خلت أمين يترنح مكانه
لأ، هي بدأت تفوق… لكن أول ما فتحت عينيها، طلبت تشوف ابنها، وقالت إن فيه حد حاول ېقتلها.
الفصل الرابع الست اللي كانت بتدور على ابنها!
أمين اتحرك ناحية عربيته بسرعة، وأنا كنت واقفة مش عارفة أعمل إيه.
بص لي وقال
سارة، ممكن تيجي معانا؟
استغربت.
أنا؟ ليه؟
لأن ابني متعلق بيكي، ولأنك سمعتي كلامه من الأول، وممكن يكون عندك تفاصيل إحنا ماخدناش بالنا منها.
بصيت لساعتي.
وبعدين افتكرت إني خلاص خسړت أول يوم شغل.
قلت لنفسي يا سارة، واضح إن اليوم ده مش مكتوب له يبقى طبيعي.
ركبت العربية مع أمين وياسين.
وفي الطريق، الولد نام على الكرسي الخلفي، وهو حاضن علبة العصير الفاضية.
أمين كان ساكت، مركز في الطريق، وإيده بتضغط على الدركسيون.
بعد شوية، سألته
حضرتك واثق إن مراتك هتقدر تتكلم؟
الدكاترة قالوا إن حالتها بدأت تتحسن، لكن لسه مش عارفين سبب الغيبوبة.
طيب، هي عندها أي أمراض؟
لأ. كانت بصحة كويسة جدًا.
حصل بينكم مشاكل الفترة الأخيرة؟
أمين بص لي من المراية.
ليه بتسألي؟
عشان
نادية قالت إن مدام ليلى كانت تعبانة وإنها بتحاول تساعدها، وياسين قال إنها كانت بتتكلم عن اختفاءه عشان ماما ما تفوقش. أنا بحاول أفهم بس.
أمين تنهد.
الحقيقة إن ليلى كانت بتشتكي من نادية من
