قال: “أبوكي كان اسمه محمود عبدالسلام؟”
هزيت راسي وقلت: “أيوه، ده أبويا الله يرحمه.”
آسر قعد على أقرب كرسي، وحط الصورة على الترابيزة وقال:
“أبوكي أنقذ حياتي من عشر سنين.”
بصيتله بصدمة. وكمل: “كنت وقتها لسه في بداية شغلي، وكنت راجع من إسكندرية للقاهرة بالعربية، وعلى الطريق حصلت دــ,,ـــــادثة كبيرة.
عربيتي اتقلبت، والناس كانت خايفة تقرب بسبب البنزين اللي كان بينزل منها.”
سكت لحظة، وبعدين كمل:
“أبوكي كان معدي بالعربية بتاعته، ولما شافني محبوس جوه العربية، نزل وحاول يطلعني. كان عنده إعاقة في السمع، لكنه كان أسرع وأشجع من كل الناس اللي وقفت تتفرج.
”
دموعي نزلت من غير ما أحس. أبويا عمره ما حكالي عن الحكاية دي. آسر كمل: “فضل معايا لحد ما الإسعاف وصلت، وبعدها اختفى قبل ما أعرف حتى أشكره. فضلت أدور عليه فترة طويلة، لكن معرفتش أوصله.”
مسحت دموعي وقلت: “أبويا عمره ما كان بيحب يتكلم عن الخير اللي بيعمله.
”
آسر بصلي وقال: “كان راجل عظيم، وأنا مدين له بحياتي.”
لكن داليا اتدخلت فجأة وقالت: “الكلام ده كله مش معناه إن البنت دي مناسبة تشتغل عندنا.”
آسر بص لأخته بغضب: “كفاية يا داليا! الراجل ده أنقذ حياتي، ودي بنته، وأنا مش هسمح لحد يقلل منها.”
داليا سكتت، لكن نظراتها كانت مليانة غضب. في اللحظة دي، مريم خرجت من ورا ضهري، وقربت من أبوها، ومسكت إيده. آسر ابتسم لأول مرة من ساعة ما شوفته، وشالها على رجله. لكن مريم رفعت إيديها وبدأت تعمل إشارات بسرعة. أنا ركزت معاها، وبدأت أترجم كلامها. قالت:
“بابا، ملك كويسة.
.. متخليهاش تمشي.”
آسر بصلي والدموع اتجمعت في عينيه. قال: “هي بتقول إيه؟”
ابتسمت وقلت: “بتقول إن حضرتك متخلينيش أمشي.”
آسر حــ,,ـــــضن بنته وباس راسها، وقال: “محدش هيخليكي تمشي يا حبيبتي.”
لكن مريم ما خلصتش كلامها. رجعت أشارت تاني، وملامحها اتغيرت، وبقت مرعوبة. كانت بتقول:
“ملك لازم تعرف.
.. الراجل اللي بييجي بالليل مش الدكتور بس… في حد تاني بيفتحله الباب.”
حسيت بقشعريرة في جسمي. سألتها بإشارات: “مين اللي بيفتحله الباب يا حبيبتي؟”
مريم بصت ناحية داليا. وبعدين رفعت إيدها وأشارت ناحيتها بوضوح. اتجمدت مكاني. داليا صرخت: “إنتِ بتعملي إيه؟! إنتِ بتتهميني أنا؟
”
آسر وقف من مكانه، وبص لأخته بصدمة. قال: “داليا، مريم بتقول إيه؟”
داليا اتلخبطت وردت بسرعة: “دي طفلة مش طبيعية يا آسر! إنت هتصدق واحدة غريبة على أختك؟”
أنا ما اتكلمتش، لكن مريم كانت لسه بتحاول توصل رسالتها. رفعت إيديها تاني وقالت:
“هي بتدخل أوضة ماما… وبتاخد حاجة من الدولاب… وبعدين الدكتور بيجي.”
آسر وشه شحب. لأن أوضة نادين، مراته المتوفية، كانت مقفولة من يوم وفاتها، وممنوع أي حد يدخلها. بص لأخته وقال بصوت مخيف:
“إنتِ دخلتي أوضة نادين؟”
داليا رجعت لورا وقالت: “أنا… أنا كنت بنضفها بس.
”
آسر رد: “إنتِ قولتيلي إنك عمرك ما دخلتيها من يوم ما ماتت!”
وقبل ما داليا تقدر ترد، موبايلها رن. طلعت الموبايل بسرعة، لكن الشاشة نورت قدامي، وظهر عليها اسم المتصل. الدكتور سامح. آسر شاف الاسم، ومد إيده وخد منها الموبايل.
وفي نفس اللحظة، وصلته رسالة على الشاشة من نفس الرقم:
“البنت بدأت تتكلم بالإشارة مع الخدامة الجديدة. لازم نتصرف قبل ما تفهم اللي حصل.”
ساد الصمت في القصر كله. آسر رفع عينيه ناحية أخته، وكان واضح إنه مش قادر يصدق إن أقرب الناس ليه ممكن يكونوا السبب في عذاب بنته.
لكن اللي ماكنش يعرفه آسر، إن الرسالة دي كانت مجرد بداية لحقيقة أخطر بكتير. لأن في سر مستخبي من يوم وفــ,,ـــــاه نادين، ولو ظهر للنور، مش بس حياة مريم اللي هتتغير…ده كمان هيكشف إن مــ,,ـــــوت نادين نفسه ممكن ماكانش دــ,,ـــــادثة زي ما كلهم فاكرين!
