بعد ما ولدت

بعد ما ولدت لوحدي، أخدت ال 10 مليار بتوع جوزي ومشيت أنا والعيال. وبعد تلات أيام اكتشفت إن الفلوس دي ما كانتش علشان أمشي أبداً… هاتي عيل كمان. دي كانت كل الكلمة اللي قالها جوزي أول ما ابننا الأولاني كمل سنتين. لا كان فيه حنية، ولا كلمة بحبك، ولا حتى سألني إذا كنت قادرة أو عايزة أعدي بتجربة الحمل دي تاني ولا لأ.

ورغم كل ده، وافقت.
لأني على مدار تلات سنين كنت مقنعة نفسي إن العيشة دي مش وحشة أوي كده. كنا عايشين في فيلا كبيرة، عمري ما شلت هم مصاريف ولا فواتير، وكل شهر كان بينزلي مصروف مئات الآلاف غير طلباتي. وجوزي، ناصر الزهيري، كان ملتزم بالحرف بكل حاجة اتفقنا عليها قبل ما نتجوز… كل حاجة ما عدا إنه يخليني أحس إن لي قيمة حقيقية في حياته.
لما ولدت بنتنا، فهمت الحقيقة أخيرًا.
ناصر ما جاش المستشفى. جدته هي اللي جت، بصلت للبنت بصة واحدة وقالت بنت؟ يالله، مش مهم، كويسة برضه. ومشيت.
مضيت على أوراق الخروج لوحدي. لمېت هدوم البنت لوحدي. وركبت الكرسي بتاعها في العربية لوحدي.
وأنا شايلة بنتي اللي لسة مولودة وشايفة ابني مستنينا مع الدادة، فهمت حاجة بسيطة أوي أنا مش عايزة أعيش سنة كمان بالشكل ده.
القصة مش إن ناصر مش بيحبني، أنا عمري ما طلبت منه حب. جوازنا من الأول كان أشبه بصفقة؛ هو محتاج ست بيت واجهة، وعيلته محتاجة يتربى فيها الورثة، وأنا كنت محتاجة أمان واستقرار. الموضوع مشي ونجح لفترة، بس بعد تلات سنين… ناصر ما بقاش حاطط في دماغه حتى يحسسني إني جزء من عالمه.
علشان كده لما المحامي بتاعه ظهر بعد الولادة بيومين بورقة وتحويل ب 10 مليار، ما سألتش كتير. قريت البند الرئيسي، ومضيت، واستلمت الفلوس، وأخدت العيال ومشيت.
كنت فاكرة إن ناصر بيشتري نهاية هادية ونظيفة لجوازنا. ما عيطتش، ما اشتكيتش، وما طلبتش منه يتمسك بينا.
بعد تلات أيام كنت في شرم الشيخ. ابني بيلعب في البسين، وبنتي نايمة في عربيتها. ال 10 مليار زي ما هما في البنك مش ممسوسين، وما كنتش لسة عارفة هعمل بيهم إيه… كل اللي كنت عايزاه إني أتنفس.
فتحت الموبايل، لقيت المساعد بتاع ناصر لسة منزل بوست على الواتساب النهارده ناصر بيه مزاجه في العلل، كل واحد

يدعي لنفسه بقا.
الصورة كانت لمكتبه؛ فنجان قهوة مكسور على الأرض، الأباجورة مقلوبة، والكرسي متزحزح من مكانه. من غير ما أفكر، عملت لايك.
بعد تلات ثواني، البوست اتمسح. وموبايلي رن على طول… ناصر.
يعني إيه اللايك ده؟
رديت جت بالغط.
فاكرة عشان معاكي ال 10 مليار إنك تقدري تتريقي عليا؟
أنا مش بتريق.
أنت مسحتي رقمي من عندك.
أيوة.
طب ولما مسحتيه، بتعملي لايك على بوست المساعد بتاعي ليه؟
بصيت للشاشة وقلت رديت عليك خلاص، جت بالغلط.
عدت دقيقة… بعدين تلاتة… وبعدين خمسة. افتكرت المحادثة خلصت، لحد ما جت رسالة تانية
العيال عاملين إيه؟
رديت كويسين.