منوعات

مني السيد 2

تكون جنب أمك دلوقتي، وأنا محتاجة أكون جنب نفسي. أنا عملت أصولي وزيادة، جيت معاك وأمك بين إيدين ربنا، وخدمتها بيدي ومفكرتش في إهانة الفستان ولا السفرة المكلوبة. بس أنا مش هقبل أكون شماعة لأخطاء غيري، ولا هقبل أعيش في شقة كل ما أدخلها أتحاسب على ذنب ما عملتوش. لما أمك تقوم بالسلامة وتخرج من المستشفى، وتفوق وتعرف الحقيقة… يبقا نتكلم يا علي. لكن دلوقتي… كل واحد فينا محتاج وقفة مع نفسه.
داليا ابتسمت بالنصر من ورا علي، لكن أنا مبصلتهاش أصلا، لأنها بالنسبة لي كانت أصغر من إنها تاخد من تفكيري لحظة.
سيبت علي واقف في طرقة المستشفى بين دموعه وحيرته، ونزلت… ركبت تاكسي ورجعت الفندق، لمېت الشنط اللي سبناها هناك، ودفعت حساب الأوضة من مكافأتي اللي كانت في شنطتي.
الساعة كانت 5 الصبح… الشمس كانت بدأت تشرق وتملى السماء لون برتقالي دافي. ركبت عربية متجهة لبنها… لبيت أبويا وأمي. البيت اللي طلعت منه عزيزة مكرّمة، واللي هجعله وأنا مرفوعة الراس، مش مکسورة ولا مطرودة.
طول الطريق، كنت بطلع الفستان النبيتي من الشنطة… بصيت على بقع الصلصة والسمنة اللي عليه. الفستان ده اللي كان سبب الانفجار… بس في الحقيقة، هو مكنش غير القشة اللي قطمت ظهر البعير. هو كان كاشف للحقيقة… كاشف لمكانتي الحقيقية عند حماتي، ومكانتي عند جوزي علي لما يحصل الاختبار الحقيقي.
وصلت بيت بابا الساعة 7 الصبح. فتحت أمي الباب،
وأول ما شافتني بالشنط ووشي المجهد، صړخت وخدتني في حضنها وفاء؟! يا حبيبتي يا بنتي! في إيه؟! إيه اللي جابك في الوقت ده ومعاكي شنطك؟!
دخلت الصالة، كان بابا قاعد بيقرا القرآن وبيشرب الشاي. أول ما شافني، حط المصحف على الترابيزة وقام وقف خير يا وفاء؟ علي فين؟ وفي إيه حصل؟
قعدت على الكنبة، وقعدوا جنبي… وحكيتلهم كل حاجة من الألف للياء. حكيت عن المكافأة ال 28 ألف، عن الفستان النبيتي، عن وقفتي في المطبخ من 5 الصبح، عن كسر السفرة وإهانة الحاجة فريال ليّ وطلبها إني أنزل على ركبتي أعتذر، عن وقفة علي معايا في الأول، وبعدين جلطة حماتي، وتراجع علي في المستشفى وسكوته قدام كلام داليا.
أبويا كان بيسمع وهو ساكت تماماً، وإيده بتترعش من الڠضب، وعروق رقبته بارزة. ولما خلصت كلامي، أمي كانت بټعيط وبتقول حسبي الله ونعم الوكيل! كل ده يحصل معاكي يا وفاء ومتقوليناش؟! تنزل على ركبتها؟! هي فاكرة بنتنا ملهاش أهلى ولا إيه?!
أبويا وقف بطوله، بصلي بعيون مليانة هيبة وفخر وقالي اسمعي يا وفاء… إنتي بنتي، ومحاسبة كبيرة، وكرامتك من كرامتي. الفلوس اللي صرفتيها من مكافأتك دي شقاكي، والفستان النبيتي ده حقك تلبسيه وتتمنظري بيه قدام الدنيا كلها. إنتي عملتي الأصول مع حماتك في المستشفى ومقصرتيش في حق ربنا ولا حق جوزك.
كمل بابا كلامه بنبرة حازمة من النهاردة… قعدة في بيت علي ده تاني مفيش، إلا بشروطنا إحنا! وشقة مستقلة
بعيد عن بيت أمه وأخته! وعلي لو راجل وعايز يشتري مراته، هيجي لحد هنا ويلبي كل شروطنا ويتأسفلك على كل كلمة اتعالت عليكي. ولو اختار أمه وأخته والظلم… يبقا مع السلامة، وبنتي يرجع لها حقها كاملاً مكملًا!
مرت ثلاثة أيام وأنا في بيت بابا… في الثلاث أيام دول، مكنتش بتصل بعلي، وهو كمان مكنش بيتصل، كان مشغول مع أمه في العناية وفي نقلها لأوضة عادية.
في اليوم الرابع، التليفون رن… كان علي. رديت بهدوء ألو يا علي.
صوت علي كان مهدود
وتعبان جداً وفاء… أمي خرجت من المستشفى ورجعت البيت النهاردة.
ألف سلامة عليها يا علي، ربنا يشفيها ويعافيها.
علي سكت لحظة، وبعدين قال بنبرة مترددة وفاء… أمي فاقت وقعدت معايا… وقالتلي كلام خطېر جداً عن اليوم ده… وقالتلي إنها عايزاكي ترجعي البيت فوراً لأنها محتاجاكي جنبها تخدميها في فترة علاجها الطبيعي… بس بشرط…
سألته بنبرة باردة كالجليد إيه هو الشرط يا علي؟
رد علي وهو بيبلع ريقه بصعوبة إنك تتأسفي لها على اللي حصل يوم العزومة… وتسامحيها وتفتحي صفحة جديدة، عشان نلم شمل البيت تاني…
أنا مسكت التليفون كويس، وابتسمت ابتسامة كبرياء، وقلت له بصوت ثابت هز أرجاء الأوضة سمعني تاني كدة يا علي؟ أتأسف لها على إيه بالضبط؟ على الأكل اللي طبخته من الفجر؟ ولا على الفستان اللي اشتريته بفلوسي؟ ولا على السفرة اللي هي قلبتها بيديها؟! اسمعني كويس يا علي… الكلام ده تقوله
لحد تاني مش لوفاء!

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى