فصل الثالث والاخير
سكت علي على الناحية التانية من التليفون، الصمت كان تقيل وزي الجمر بينّا. كنت سامعة صوت نفسه المحبوس، كأنه مكنش متوقع إن وفاء المطيعة اللي قضت ثلاث سنين بتعدي وتسامح وتستحمل، هتطير منها الهيافة وتوقف له على الواحدة بالشكل ده.
رد علي بصوت مبحوح ومضغوط يا وفاء افهميني أرجوكِ! أمي لسه طالعة من جلطة، والدكتور قال نصاً أي زعل أو انفعال ممكن يقضي عليها! هي شايفاكِ أنتِ السبب في اللي حصل، وشايفة إنك قللتي احترامها لما لبستي الفستان النبيتي واشتريتيه من غير ما تقولي لها، ولما رديتي عليها في موضوع الشطة… أنا مش بطلب
منك تنزلي من كرامتك، أنا بطلب منك تعدي الكلمتين عشان دور العلاج الطبيعي ده يعدي على خير ونعرف نلم بيتنا!
ضحكت ضحكة قصيرة مليانة مرارة، وقلت له تعدي الكلمتين يا علي؟! أنت سامع نفسك بتقول إيه؟! أمك مش طالبة إني أعدي كلمتين، أمك أختك داليا محفظاها تقول إن وفاء ترجع تعتذر وتبوس الإيدين وتخدم، عشان يضمنوا إن الضحېة ترجع للمذبح ورجلها مکسورة! إنت نسيت كلمة أمك ليّ قبل ما تقلب السفرة؟ نسيت صرخاتها وهي بتقول انزلي على ركبتك واعتذريلي يا وفاء؟! إنت بطلبك ده بتنفذ رغبتها يا علي، بس بتغلفها بكلمة صلح وتجميع البيت.
يعني إيه يا وفاء؟! علي صوته بدأ يعلى
بنرفزة وعجز يعني أرمي أمي وهي مريضة ومش قادرة تتحرك من على السرير عشان أرضيكِ؟! أقولها مش هجيبلك وفاء تخدمك وأسيب داليا تشيل الهم لوحدها؟!
داليا قاعدالك في البيت بقالها ثمانية أشهر يا علي! رديت بصوت ڼاري هز التليفون داليا أختك اللي مكنتش بتمد إيدها في كوباية مية، خليها تقوم بدور الابنة البارة وتخدم أمها! أنا كنت زوجة وست بيت وبراعي ربنا فيك وفيها، لكن عمري ما كنت ولا هكون خدامة بتتهان وتتربى من جديد! كلم أبويا يا علي… من هنا ورايح الكلام مش معايا، الكلام مع الراجل اللي خرجت من بيته بكرامتي!
قفلت الخط في وشه قبل ما ينطق بكلمة زيادة. إيدي
كانت
بتترعش، بس قلبي كان متثبت زي السد. أمي دخلت عليا الأوضة، كانت سمعت صوتي العالي، قعدت جنبي وطبطبت على كتفي وهي بتقول صح يا وفاء… اللي يتنازل مرة في الكرامة، بيعيش طول عمره يمسح الأرض. أبوكِ مستنيه، ولو هو راجل وبيحبك وهيشتريكِ، هيعرف يجي إزاي.
مرت الأيام، وعلي مكلمنيش تلات أيام كاملين. علميًا، كان محتاس بين خدمة أمه اللي نص جسمها اليمين تقيل ومش قادرة تتحرك، وبين أخته داليا اللي مكتفتش إنها مادتش إيدها في حاجة، دي كانت طول النهار تتخانق معاه وتشتكي إنها تعبت من شيل وحط أمه، وتزن في ودنه شايف الهانم مراتك؟ سبتك في أزماتك وراحت تقعد في بيت أبوها
تتنعم بالمكافأة ال 28 ألف!
بس علي بدأ يكتشف الحقيقة المرة… اكتشف إن الشقة اللي كانت بتبرق وزي الفل، بقت مزبلة من بعد ما سبتها. الفتة واللحمة والأطباق المکسورة فضلت على السجادة يومين كاملين لأن داليا رفضت تلمها وقالتله أنا مش خدامة وفاء عشان ألم قرفها! اكتشف إن الأكل بقى بيجي من المحلات بفلوس وشقا، وإن أمه پتبكي كل يوم من قسۏة داليا عليها وطريقة معاملتها الجافة ليها وهي بتغيرلها أو بتأكلها، لأن داليا مكنش عندها طول بال ولا حنية على حد.
في اليوم الرابع، حماتي قعدت على السرير، وبصت لعلي اللي كان طالع عينيه بين شغله في الصبح، وبين تنظيف البيت وعلاجات
أمه بالليل، ووشه بقى أصفر وفاقد النطق. قالتله بصوت ثقيل ومكسور بسبب تأثير الجلطة على لسانها علي… هي… هي وفاء فين؟
علي بص لأمه باستغراب وقالها وفاء في بيت أبوها يا أمي… مش إنتي اللي قولتي مش عيزاها غير لما تعتذر؟
الحاجة فريال دموعها نزلت على خدها الصاعد، وبصت للأرض وقالت بنبرة مکسورة أول مرة علي يسمعها منها أنا… أنا كنت زعلانة من الفستان… داليا هي اللي قالتلي إنها بتغيظنا بيه ومستكبرة علينا بمرتبها ومكافأتها… وداليا هي اللي قالتلي ازقي السفرة عشان نكسر عينها… بس داليا سايباني يا علي، مبتدينيش العلاج في ميعاده، وبتصرخ في وشي لما أطلب
مية…
