لو مادفعتش هتحبس
ردت بسخرية: ـ أهو ده اللي أنا كنت خايفة منه، إنت لسه شايل همها وبتفكر فيها، وأنا بقيت آخر اهتماماتك. ومن يومها المشاكل بينا زادت، كل حاجة بقت سبب للخناق، لو طلبت أكل من بره وقلت لها مش قادر، تزعل، ولو رفضت أشتريلها حاجة تقول إني اتغيرت، ولو حاولت أوفر في مصاريف البيت تتهمني إني بخيل.
وفي مرة رجعت من الشغل لقيتها قاعدة متضايقة، وأول ما دخلت قالتلي: ـ أنا مش هقدر أكمل بالشكل ده يا سامح. ـ في إيه تاني؟ـ أنا اتجوزتك عشان أعيش، مش عشان أفضل أحسب الفلوس وأشوف هنجيب إيه ومش هنجيب إيه، أنا مش متجوزة راجل يصرف مرتبه كله على مراته القديمة وابنه ويسيبني أعيش على الباقي.
قلتلها بعصبية: ـ ليلى مش مراتي القديمة لما يخص ابني، ده ابني وأنا مسؤول عنه، وإنتِ كنتِ عارفة من الأول إني متجوز وعندي طفل. ردت: ـ أنا كنت عارفة إنك متجوز، بس ماكنتش أعرف إنك هتفضل طول عمرك مربوط بيهم، أنا عايزة أعيش زي ما كنت بتوعدني، عايزة أخرج وأشتري وأتدلع، مش عايزة أفضل عايشة في شقة إيجار وكل شهر مستنية المرتب.
ساعتها لأول مرة حسيت إن شمس اللي كنت فاكر إني لقيت معاها الحب والسعادة، مش قادرة تستحملني لما مبقتش قادر أوفر لها كل اللي نفسها فيه. أما ليلى، فكانت عايشة في شقتها مع ابنها، وأمي بتساعدها وبتقف جنبها، وبدأت تستعيد حياتها من جديد، لا بتطلب مني حاجة غير حقوق ابنها، ولا بتحاول ترجعني.
وأنا فضلت واقف في نص طريق أنا اللي اخترته، خسرت بيت كان مليان حب وستر، ومرات كانت بتشيلني وتشيل أمي وابني من غير ما تشتكي، وجريت ورا مشاعر مؤقتة افتكرتها سعادة، ولما ظهرت المسؤولية الحقيقية اكتشفت إن اللي كنت فاكره حب مش مستعد يستحمل معايا حتى ظروف الحياة.
وساعتها فهمت إن مش كل اللي بنسيبه بيكون سهل يتعوض، وإن في ستات بنعرف قيمتهم بعد ما نخسرهم، لكن للأسف بيكون فات أوان الندم. وفى الناحيه التانيه الوضه اختلف خالص عند ليلى
