أبويا عايز يتجوز مرات عمي الغائبة، وأخويا قرر يبوّظ الجوازة عشان أمي بس الخطة كان وراها سر محدش توقعه!!!!!!!!!
أنا اسمي نادية، عندي 24 سنة، وبابا كان بالنسبالي طول عمره أحن راجل في الدنيا الراجل اللي كنت دايمًا شايفاه أمان البيت وسنده.
بس من يوم ما عمي غاب، كل حاجة في حياتنا اتغيرت.
عمي غاب من حوالي سنة، وساب مراته وولدين صغيرين ولد وبنت، الاتنين لسه في ابتدائي.
مرات عمي كانت لسه صغيرة، وملامحها حلوة، وهادية، وبتربي ولادها لوحدها من يوم ما جوزها غاب.
في الأول، بابا كان بيقف جنبها زي أي أخ شايل مسؤولية أخوه الغائب.
كان يروح يطمن على الولاد، يجيب لهم حاجات المدرسة، ولو احتاجوا حاجة كان بيساعدهم.
وإحنا كنا شايفين ده طبيعي.
لحد ما في يوم، بابا قال لنا الجملة اللي قلبت البيت كله.
قال أنا قررت أتجوز مرات عمكم.
افتكرت في الأول إنه بيهزر.
بصيت لأخويا، وبص هو كمان ليا، وبعدين بصينا لأمي.
أمي كانت قاعدة ساكتة، ووشها اتغير فجأة.
قلت لبابا إنت بتتكلم جد؟
قال بكل هدوء آه، جد.
أخويا وضع إيده على الترابيزة وقال إزاي يعني؟ دي مرات عمنا!
بابا بص له وقال وأنا أولى بولاد أخويا من أي راجل غريب.
وبدأ يشرح لنا إن الست دي لو اتجوزت راجل غريب، ممكن ياخد ولاد عمي ويبعدهم عننا، وإن ممكن حد يدخل البيت ويبقى هو اللي مسؤول عنهم.
قال أنا مش هسيب ولاد أخويا لحد غريب.
لكن أنا كنت حاسة إن الكلام ده مش هو كل الحقيقة.
لأن عينيه وهو بيتكلم عنها كانت بتقول حاجة تانية.
كان دايمًا يقول هي ست محترمة.
بتعرف تربي.
لسه صغيرة.
وأم ولاد أخويا.
بس كلمة لسه صغيرة كانت بتخليني أسأل نفسي هو ليه مركز في النقطة دي بالذات؟
دخلت على أمي أوضتها بعد ما بابا خرج.
لقيتها قاعدة على طرف السرير وساكتة.
قربت منها وقلت ماما إنتِ هتوافقي؟
بصتلي وهي بتحاول تمنع دموعها وقالت هو أبوكي لو حط حاجة في دماغه، حد يقدر يرجعه؟
قلت يعني هتسيبيه يتجوزها؟
ضحكت ضحكة مکسورة وقالت أنا أعمل إيه يا نادية؟ أخرب بيتي؟
وبعدين سكتت شوية وقالت بس أنا من جوايا مکسورة.
الكلمة دي وجعتني.
حصري علي روايات واقتباسات
لأني لأول مرة أشوف أمي بالشكل ده.
أمي اللي عمرها ما كانت بتشتكي.
أمي اللي كانت دايمًا بتقول لنا إن البيت أهم من أي حاجة.
خرجت من عندها وأنا مش عارفة أعمل إيه.
لكن أخويا كان عنده رأي تاني تمامًا.
دخل أوضتي وقفّل الباب وراه وقال إحنا لازم نوقف الجوازة دي.
بصيت له وقلت هنوقفها إزاي؟
قال نخليه يكرهها.
تفاجأت من كلامه.
قلت يعني إيه؟
قرب مني وقال هنعمل حاجة تخليه يشك فيها.
قلت إنت متأكد؟
قال مش مهم الطريقة المهم ننقذ ماما.
وبعدين بدأ يحكيلي عن خطة كان محضرها.
هيعمل حساب باسم مش معروف، ويبعت لمرات عمي رسائل، ويعمل كأن في واحد بيكلمها من فترة.
وقال لي وإنتِ هتقولي لبابا إنك شوفتيها أكتر من مرة بتتكلم مع واحد.
بصيت له وأنا مش مصدقة.
قلت بس دي غلط!
قال عارف.
ولو بابا عرف؟
قال مش هيعرف.
سكت.
كنت عارفة إن اللي بنتكلم فيه غلط.
بس في نفس الوقت كنت شايفة أمي قدامي.
شايفة ۏجعها.
شايفة إنها مش قادرة حتى تعترض.
وأخويا فضل يضغط عليا لو سكتنا، بعد كام أسبوع هنلاقيها قاعدة مكان ماما.
الكلمة دي أقلقتني. حصري علي روايات واقتباسات
قعدت طول الليل أفكر.
أقول لأخويا لأ؟
ولا أعمل اللي بيقوله؟
لحد ما في اليوم اللي بعده، بابا ناداني.
دخلت له وأنا قلبي بيدق.
قال لي إنتِ رأيك إيه في موضوع جوازي؟
اتجمدت مكاني.
قلت أنا معرفش.
قال قولي اللي جواكي.
افتكرت أمي.
وافتكرت كلام أخويا.
وبعدين بصيت لبابا وقلت أنا شفتها كذا مرة بتتكلم مع واحد.
بابا عقد حواجبه.
وقال مين؟
قلت معرفش.
قال يعني إيه معرفيش؟
قلت بس أنا متأكدة إني شفتها.
سكت لحظات، وبعدها قال إنتِ بتقولي الكلام ده عشان تبوظي الجوازة؟
قلبي وقع. حصري علي روايات واقتباسات
