قلت بسرعة لا.
قام من مكانه وقال يبقى وريني.
بصيت له وأنا مش عارفة أعمل إيه.
قال لو كلامك صح، أنا هتصرف.
خرج من الأوضة.
أول ما خرج، جريت لأخويا وحكيت له.
ابتسم وقال خلاص وقعنا أول حجر.
وبالفعل، في نفس الليلة، بدأ ينفذ الجزء التاني من الخطة.
كان الحساب جاهز.
والرسائل اتبعتت.
وبعدها بساعتين، أخويا بص لي وقال دلوقتي الدور عليكِ.
قلت هعمل إيه؟
قال هخلي بابا يروح لها بنفسه.
وفعلًا، تاني يوم، بابا راح عندها.
وأنا كنت قلقة.
كنت مستنية يرجع وهو مصدق كلامي ويقرر يبعد عنها.
لكن بدل ما يرجع، تليفوني رن.
كان أخويا.
رديت عليه بسرعة.
قال بصوت متوتر نادية في مشكلة.
قلت إيه اللي حصل؟
قال بابا شاف الموبايل.
سكت.
قلت يعني إيه؟
قال الرسائل اللي إحنا عملناها لقاها.
قلت طب كويس كده هيصدق.
لكن أخويا ما ردش.
وبعد ثواني قال جملة خلت الخوف يتجمد في عروقي المشكلة مش في الرسائل المشكلة إن بابا لقى في موبايلها حاجة إحنا عمرنا ما كنا نعرف عنها.
قلت حاجة إيه؟
سكت.
وبعدين قال تعالي البيت بسرعة بابا رجع ومعاه تليفونها.
قفلت المكالمة وأنا مش فاهمة حاجة.
وأول ما دخلت البيت، لقيت بابا قاعد في الصالة، وأمي جنبه، وأخويا واقف قدامهم.
بابا كان ماسك الموبايل في إيده.
رفع عينه عليا وقال تعالي يا نادية.
قربت منه وأنا قلقة.
حط الموبايل قدامي وقال إنتِ كنتِ عايزة تعرفي أنا ليه عايز أتجوزها؟
بصيت للشاشة….
وأول ما شفت الصورة اللي عليها، حسيت إن رجلي ما بقتش شايلاني.
لأن الصورة ما كانتش لراجل غريب!!!!!
يتبع.
حكايات_مريم_السيد
