منوعات

الخدامه الفقيرة شروق خالد 4

قلتله:
“أنا ما عملتش غير اللي أبويا علمني أعمله.”
بصلي وقال:
“طب تسمحيلي أكمل معاكي باقي عمري؟ مش علشان أنا محتاج حد يهتم ببنتي، لكن علشان بقيت مش قادر أتخيل حياتي من غيرك.”
دموعي نزلت، وافتكرت أبويا، وافتكرت كل الخوف اللي عشته من يوم ما دخلت القصر.

ابتسمت وقلت:
“موافقة، بس بشرط.”
ضحك وقال:
“إيه هو؟”
قلتله:
“مريم تفضل أول واحدة في حياتك، وتفضل فاكر إن الحب مش بالكلام بس، الحب إننا نسمع بعض حتى لو الشخص اللي قدامنا مش قادر ينطق.”
آسر مسك إيدي وقال:
“وعد.”
بعد سنة، كان القصر مليان ضحك وزينة.

أنا وآسر اتجوزنا في حفل بسيط، ومريم كانت أجمل واحدة في الفرح، لابسة فستان أبيض، وماسكة إيدي طول الوقت. وقبل ما نقطع التورتة، طلعت مريم على المسرح، ومسكت الميكروفون. الكل سكت، لأنها كانت من شهور طويلة مش بتتكلم قدام الناس.

ا

بصت لأبوها، وبعدها بصتلي، وقالت بصوت صغير لكنه واضح:
“أنا بحب بابا… وبحب ملك… ومش خايفة تاني.”
آسر نزل من مكانه وحــ,,ـــــضنها، وأنا حــ,,ـــــضنتهم الاتنين وعيطت من الفرحة. وفي اللحظة دي فهمت إن أبويا، رغم إنه مشي من الدنيا، كان سايبلي أمانة أكبر من أي كنز.

كان سايبلي فرصة أنقذ طفلة من الخوف، وأرجّع لعيلة اتكسرت معنى الأمان من جديد. وساعتها عرفت إن مش كل الناس اللي مش بتتكلم مش عندها حكايات… ساعات بيكون جواها وجع أكبر من إن الكلام يقدر يوصفه، وكل اللي محتاجاه قلب يسمعها ويفهمها.#حكايات_شروق_خالد#حصري

وهكذا انتهت حكاية ملك ومريم، حكاية بدأت بخوف ووجع وأسرار مدفونة، وانتهت بالحب والعدل وراحة البال. اتعلمنا إن مش كل ساكت مرتاح، ومش كل غني سعيد، وإن أوقات كلمة حنينة واهتمام صادق يقدروا يغيروا حياة إنسان بالكامل.

وربنا ما بيضيعش حق المظلوم، حتى لو الحق اتأخر سنين. تمت بحمد الله ❤️
حكايات شروق خالد 🌸
اللهم صلِّ وسلم وبارك على سيدنا محمد ﷺ

5 من 5التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى