
طارق التقط أنفاسه وضحك بذهول وهو بيشاور على الموبايل: “يا شيخة حرام عليكي! دي بنت من فريقي في بابجي، كنا بنلعب ضد تيم تاني ومحتاجين نكمن (ننام) عشان محدش يشوفنا! قلبتي الفيلا مقبرة ليه؟”
نرمين وقفت مكانها، وشها بقى أحمر من الكسوف والغيظ في نفس الوقت، حاولت تتماسك: “أنت.. أنت بتقولها نامي على بطنك عشان محدش يشوفنا في لعبة؟”
طارق بدأ يضحك بصوت عالي، ورمى نفسه على السرير وهو بيضحك بوجع من جرحه: “يا بنتي دي استراتيجية! انتي وصلت بيكي الغيرة للدرجة دي؟ ده أنا يا دوب بقالي كام يوم بادئ اللعبة عشان أضيع وقت.”
نرمين قربت منه، لسه ملامحها فيها حده، بس نظرة عينيها بدأت تلمع بإعجاب وهي بتشوفه بيضحك بالشكل ده، طارق شدها من إيدها بقوة خلتها تقع فوق صدره.
“غيرتك دي هي اللي بتجنني،” همس طارق في ودنها وصوته اتغير تماماً، بقى دافئ، إيده بدأت تمسح على شعرها ببطء وتنزل علي وشها بعشق “كنتي فاكرة إني ممكن أبص لغيرك وأنتي موجودة؟ ده إنتي اللي في القلب، واللعبة دي كلها ولا تساوي لمسة من إيدك.”
نرمين استسلمت، ملامحها دابت وهي بتبص في عينيه اللي كانت محاوطاها بعشق: “كنت هموتك يا طارق، قسماً بالله كنت هخلص عليك.”
طارق ضحك ضحكة عميقة وهو بيقرب منها أكتر، أنفاسهم اختلطت ببعض: “موتيني بحبك يا نيمو.. موتيني كل لحظة بس بشرط ابقي قدام عينك وشفايفك دي وشايفك وانتي بتقطعيني.”
نرمين بصتله وقالت: “لا انا هموتك بجد، مفيش اللعبة دي تاني فاااهم” وقامت وقفت علي السرير وبدأت ترقص بدلع وتقوله “يا انا يا مفيش، أصلي معنديش في الحب هزار” وتدلع وتضحك….
طارق سحبها لحضنه وبدأت إيده تنزل علي زراير الشيميز اللي لابساه وبدأ يفك أول واحد وإيده بتنزل علي التاني بكل دلع وهو قاصد يلمس جسمها بصوابعه، وبدأ يهمس في ودنها بكلمات بتشعل الشوق في قلبها وخلتها مستسلمة ليه.. لحظة رومانسية عاشوا فيها هما الاتنين. انجى الخطيب
اتحولت أوضة النوم لهمسات عشق، الأوضة اتشحنت بطاقة مختلفة تماماً، طارق بطل يتكلم عن الألعاب، وبدأ يتكلم لغة تانية….
“مش عايز غيرك،” قالها طارق وهو بيميل عليها، ونرمين جاوبته بهمس: “وأنا ملكك….”
ودابوا الاتنين في عشق محدش يعرفه غيرهم ووو… نرمين شفايفها تاهت في شفايفه في بوسة طويلة وعنيفة، بوسة كان فيها كل الوجع والخوف اللي عاشته وهي فاكراه بيخونها، واتحولت في ثانية لبركان شوق ملوش آخر.
طارق كان بيضمها لضلوعه كأنه عايز يدخلها جواه، وإيديه بتتحرك على ضهرها بنعومة وجرأة، بيحسس على تفاصيل جسمها اللي وحشته، والشيميز بتاعها بدأ يتزحلق من على كتافها البيضا ببطء، معلن استسلامها الكامل ليه….
نرمين غرزت ضوافرها في كتفه العريان، كانت بتتنفس بصعوبة وأنفاسها السخنة بتلهب رقبته، همست بصوت دايب من كتر المشاعر: “طارق.. حاسب جرحك.. خايفة عليك.”
طارق ماردش بكلام، رد بفعل، زقها علي السرير وبقى هو اللي فوقيها، وعينيه بتلمع برغبة وحب جنوني، نزل بوشه على رقبتها يبوسها ويبتلع كل حتة فيها بشغف، وهمس وهو صوته رايح خالص: “جرح إيه بس يا نيمو.. أنتي مجنناني.. أنتي اللي مدوباني.. جسمي كله بيخف وأنا في حضنك.”
الأوضة مابقاش مسموع فيها غير صوت أنفاسهم المتلاحقة، ودقات قلوبهم اللي كانت بتدق زي الطبول، كل لمسة من إيد طارق كانت بتخلي جسم نرمين يتنفض من العشق والشوق، مشاعرهم كانت حقيقية وواصلة لقمة الانفجار، نسيوا الدنيا، نسيوا التعب، ونسيوا الخناقة، وما فضلش غير اتنين دايبين في عشق مالوش حدود، بيعوضوا كل لحظة خوف بعدت بينهم.
فجأة، ومن وسط قمة الرومانسية والانسجام، تليفون طارق اللي كان مرمي على السرير بدأ يرن بصوت عالي ومزعج، وكان شغال سبيكر، وصوت بنت طالع منه بتقول بعصبية: “إيه يا كابتن طارق! رحت فين؟ التيم التاني هيموتنا وأنت نايم في الكمين مش بتتحرك! يا طارق رد عليا! يا طارق رد عليا!”
نرمين فتحت عينيها فجأة والرومانسية اللي كانت في عينيها اتحولت لشرار، بصت لطارق اللي اتجمد فوقيها ووشه جاب ألوان، وبص للتليفون وهو بلع ريقه بصعوبة.
نرمين زقته بكل قوتها من عليها وقعدت على السرير، وشدت الشيميز تستر كتافها وهي بتنهج من الغيظ: “الكمين ها؟ لسه البت في الكمين يا طارق؟”
طارق قعد بسرعة وهو بيحاول يلطف الجو ويمسك إيدها: “والله العظيم قفلت المايك! دي اللعبة لسه شغالة لوحدها في الخلفية! يا نيرمين بوظتي اللحظة، يخرب بيت بابجي على اللي بيلعبوها!” انجى الخطيب
نرمين خطفت الفون من على السرير، وبصوت جهوري هز الأوضة صرخت في المايك: “اسمعي يا بت أنتي وهي! كابتن طارق اعتزل اللعبة، ولو شفت اسمك تاني على الشاشة دي هجيبك من شعرك في الزون وساعتها محدش هيعرف يصحيكي! غوري!”
قفلت الخط وعملت ديليت للعبة وهي بتبص لطارق وعينيها بتطلع نار، طارق بص للبرنامج وهو بيتمسح، وبص لنرمين اللي واقفة وشعرها منكوش وشكلها زي القطة الشرسة المثيرة، مكنش قادر يمسك نفسه من الضحك، سحبها من وسطها تاني للسرير وقفل الموبايل خالص ورماه على الأرض: “غارت اللعبة وغار التيم.. تعاليلي بقى يا شرسة، عشان الكمين الحقيقي هيبدأ دلوقتي، ومفيش حد في الدنيا هيخلصك مني.” نرمين ضحكت ضحكة رنت في الأوضة، وغمزتله بدلع وهي بتفلت من تحت إيده: “لما ينام بقى يا بطل.. وريني شطارتك.”


