البارت الخامس
نرمين تشبثت به وهي تشاركه شعوره اللي بيزيد مع كل ثانية، أنفاسهم بقت هادية ومسموعة في صالة الفيلا الواسعة، وطارق مابقاش قادر يسيطر على انفعاله بيها، شالها بين إيديه بكل خفة وهي لسه متعلقة في رقبته ورجليها لافة حوالين وسطه، وطلع بيها على جناحهم الخاص وهو بيقرب منها في كل حتة في وشها ورقبتها.
دخل الأوضة وأغلق الباب وقفله بالمفتاح، ونزل بيها على السرير الواسع، وبص في عينيها الدايبة وقال بنبرة مليانة حب واهتمام: “وربي في سماه.. ماليش عين ولا قلب يبص لغيرك، أنتي اللي بتشعللي الحماس في قلبي يا نيمو.”
نرمين ماردتش بكلام، شدت قميصه بكل قوتها لدرجة إن الزراير اتقطعت واترمت على الأرض، وقربت وشها من صدره وهي بتتنفس عِطره اللي بيسحرها، وبدأوا يعيشوا ليلة تانية من ليالي حبهم الجميل، ليلة كانت بترد فيها نرمين مكانتها عند طارق بكل جرأة وأنوثة، وطارق بيثبتلها إنها الست الوحيدة اللي قدرت تروض الأسد اللي جواه.
تاني يوم بالليل، نادين نزلت وهي لابسة فستان سواريه أنيق وضيق جداً على الآخر، وحاطة ميكب كامل وجريء، كانت واقفة في الريسبشن بتعدل شعرها ومستنية طارق، ملامحها كان فيها نظرة تحد وكبرياء وعايزة تعوض كسفة امبارح.
صوت كعب عالي ورقيق بدأ ينزل على السلم، نادين لفت برأسها عشان تشوف، وهنا الصدمة لجمتها من تاني. نرمين كانت نازلة زي الملكة، لابسة فستان أسود قطيفة طويل وضيق مجسم قوامها المرسوم، ومفتوح فتحة هادية من عند الساق مبينة رجليها بنعومة، وعاملة شعرها الناعم لورا، وحاطة روج أحمر ناري طابق على ملامحها الأنيقة.
وراء نرمين مباشرة، كان نازل طارق وهو لابس بدلة سودا شيك جداً من غير كرافتة، وفاتح أول زرارين من القميص، وعينيه منزلتش من على نرمين، كان باصص لضهرها وقوامها بنظرات كلها حب واهتمام، كأنه مش شايف حد تاني في الوجود.
نادين وقفت مكانها، وشها اصفر والغل يعصر قلبها، وقالت بنبرة حاولت تداري فيها صدمتها: “أوكي.. وأخيراً نزلتم، السواق بره مستني عشان نروح السهرة في ‘المارينا’.. جاهز يا طروقة؟”
طارق نزل من على السلم، وبدل ما يروح لنادين، راح لنرمين ومسك إيدها وأمسكها قدام نادين بكل رقة، ولف دراعه حوالين وسطها وضغط عليه بخفة وهو بيبص لنادين ببرود: “إحنا جاهزين يا نادين.. بس ياريت في المكان هناك، تفتكري كويس وأنتي بتتكلمي إنك مع طارق الشاذلي وحرمه.. بلاش حركات كندا دي هناك عشان برستيچنا في وسط الناس.”
نرمين لفت وشها لنادين وادتها ابتسامة نصر واضحة، وحركت ملامحها بدلع وهي بتقول: “يلا يا شاطرة.. ورينا بقى الأماكن الـ ‘واو’ بتاعتك، عشان طروقة مبيحبش يتأخر على سهرته معايا.”
……… وصلوا المكان اللي نادين اختارته، وكان مطعم وسهر شرقي على البحر مباشرة في الغردقة، ديكوراته كلها إضاءة خافتة باللون الأحمر والذهبي، وصوت المزيكا الشرقي والطبول مالي المكان.
نادين دخلت وهي حاسة بنشوة النصر، وبصت لنرمين بتحدي وقالت: “أنا اخترت المكان ده بالذات.. أصل الأجواء الشرقية والرقص والطبول وحشوني جداً في غربتي في كندا، قولت نغير جو ونشوف حاجة مفيش منها هناك.”
قعدوا على ترابيزة مميزة قدام الاستيدج (المسرح) مباشرة، وطارق قعد ونرمين لزقت جنبه، وإيده فضلت محاوطة وسطها تحت التربيزة بجرأة وتملك، كأنه بيطمنها إن وجود نادين ملوش أي قيمة عنده.
بعد شوية، دخلت الفنانة الاستعراضية على دقة طبلة سريعة وقوية، وبدأت تتحرك بمرونة وخفة هزت الصالة كلها. نادين كانت بتراقب طارق بعينيها، مستنياه يبص للاستعراض أو يتشد ليها، بس طارق كان عينيه بتسرح في تفاصيل نرمين وفستانها القطيفة الأسود اللي كان لافت على قوامها.
نادين لوّت بوزها وحبت تلعب لعبة خبيثة عشان تقيس نبض نرمين وتصغرها قدام طارق، مالت على التربيزة وقالت بصوت مسموع وسط المزيكا: “واو.. بجد البنت دي بتقدم استعراض شرقي رهيب! حركاتها وسحرها يجننوا.. تفتكر يا طارق في ستات تانية لسه بتعرف تعمل الحركة دي وتدلع بالطريقة دي؟”
طارق فهم ملعوب نادين، فحب يهزر مع نرمين ويناغشها وفي نفس الوقت يثبت لنادين إن مراته مفيش زيها. لف وشه لنرمين، وبص لملامحها بنظرة كلها شقاوة وغمز لها بعينه وقال بنبرة صوت دافية ومليانة خبث: “والله يا نادين البنت شاطرة.. بس أنا رأيي إن ادي العيش لخبازة وكل واخد وليه شغلتة المتخصص فيها .. إيه رأيك يا نيمو؟ بتعرفي تهزي وسطك وتعرضي زيها كدا؟ ولا بنات كندا غطوا عليكي؟”
نرمين لفت وشها لطارق ببطء، عينيها وسعت بسخرية ودلع واضح، ومسكت كاس العصير الفريش شربت منه ببطء وهي بتبص في عينيه بثقة هزت كيانه، وقالت بنبرة صوت واطية ومركوزة هزت طارق ونادين في نفس الوقت: “أنا أقدم استعراض زي دي يا طروقة؟ دي بتعرض لجمهور وبتتفرج عليها الصالة كلها.. إنما أنا لما بهز وسطي وبتدلع، بعرض لملك هز عرش قلبي .. بعرض لراجل واحد مبيعرفش يرفع عينه من عليا، وبخليه ينسى اسمه واسم اللي جابوه.، ولا أحب أفكرك قدام نادين؟”
طارق ريقه نشف في ثانية، وشه احمر وتأثر من جراءة كلام نرمين ودلعها الواضح، احتضنها بقوة لدرجة إنها تنهدت بخفة، وهمس في ودنها وصوته رايح خالص: “يخرب بيت سنينك يا نرمين.. أنتي كدا بتفتحي كمين مش هنعرف نقفله غير في الأوضة فوق.. ارحميني.”
نادين سمعت كلام نرمين وفهمت التلقيح، وشها جاب مية لون، والغل كان بياكل في قلبها وهي شايفاهم قلبوا الكلام لمغازلة وسهرة خاصة بيهم، وقالت بحدة وهي بتقوم: “أنا قايمة أروح التويلت.. الجو هنا بقى متعب أوي!”
أول ما نادين مشت، طارق شد نرمين لحضنه وقال “أنتي ناوية على الليلة دي يا نيمو.. وحياة ابني يوسف، السهرة دي مش هتكمل، وإحنا هنقوم حالا نرجع الفيلا.. أنا مابقتش قادر استحمل الفستان ده دقيقة واحدة كمان.”
……… نرمين ضحكت ضحكتها الساحرة والشريرة في نفس الوقت، وهي شايفاهم طالعين من باب المطعم الشرقي وراجعين الفيلا.
……… نرمين ضحكت ضحكتها الساحرة والشريرة في نفس الوقت، وهي شايفاهم طالعين من باب المطعم الشرقي وراجعين الفيلا. أول ما دخلوا من باب الفيلا، نادين كانت ماشية وراهم بتوجع، وشها عابس والغل يعصر قلبها من ليلة السهر اللي اتقلبت لصالحهما.
