نرمين لفت وشها بنعومة وبصت لنادين اللي واقفة على أول السلم وعينيها بتطق شرار، وقالتلها بنبرة مستفزة وكله رقة مصطنعة: “تصبحي على خير يا نادين يا حبيبتي.. نوم العوافي، الجو جوه الفيلا دافي أوي النهاردة، يارب تعرفي تنامي مع رطوبة الغردقة.”
نادين جزت على سنانها من غير ما ترد، ورزعت كعبها على السلم وطلعت أوضتها وهي بتنفخ. طارق سحب نرمين من وسطها وقرب وشه من رقبتها وهو بيضحك بصوت واطي: “يخرب بيت لسانك يا نيمو، البت هتتعب وتزعل بجد.. تعاليلي بقى أنا اللي هحضنك.”
نرمين زقته بدلع ولفت وشها الناحية التانية وهي بتظبط شعرها: “بس يا طارق.. نام بقى يا تبتو، أنا تعبانة وهلكانة من سهرة النهاردة، وكمان لازم أطلع أطمن على يوسف واشوف الناني بتاعته وأعرف يومهم كان ماشي إزاي والواد رضع ونام كويس ولا لاء.”
طارق رفع حاجبة واحتضنها بخفة: “ماشي يا ست مامي. هعديها الليلة دي عشان خاطر يوسف، بس افتكري إن ليكي عقاب مؤجل عندي.”
نرمين طلعت، اطمنت على ابنها ونامت في حضن طارق ليلة هادية ودافية.
تاني يوم الصبح، طارق صحي بدري ولبس بدلته الشيك ونزل الشركة عشان يخلص شوية شغل مهمين في فرع الغردقة، وساب نرمين في الفيلا براحتها. يوم الشغل كان طويل ومرهق، وطارق طول الوقت مكنش في باله غير نرمين وشقاوتها.
على المغرب، طارق رجع الفيلا وهو هلكان، دخل بهدوء، ملقاش حد في الريسبشن ولا نادين ولا نرمين. طلع على طول على أوضة النوم وهو بيفك كرافتته بتعب. أول ما حط إيده على مقبض الباب وفتحه، الأوضة كانت ضلمة كحل.
طارق مد إيده وضغط على كبس النور وفجأة.. الدنيا نورت بإضاءة حمراء خافتة وساحرة مالت الأركان، وصوت سماعات الأوضة اشتغل فجأة بأغنية “مسيطرة” لـ لميس كان بتوزيع عالي ومزلزل.
طارق اتسمر مكانه، عينه وسعت وريقه نشف تماماً والصدمة لجمت لسانه. نرمين كانت واقفة في نص الأوضة، لابسة زي احتفالي أحمر أنيق، قماشه ناعم، يبرز قوامها بشكل لافت، وروجها الأحمر الناري كان بيلمع، وشعرها الناعم الاسود الطويل متسيب على كتافها وبدأ يهتز مع دقات المزيكا.
نرمين بدأت تتحرك بخطوات بطيئة ودلع واضح على أنغام الأغنية، عينيها كانت في عينيه بنظرة كلها حب وثقة، وتتحرك بمرونة وسحر ملوش مثيل. قربت منه وهو واقف زي الصنم مش قادر يتحرك من كتر الصدمة والفرحة من المفاجأة اللي مش متوقعة وابتسامة علي وشه بانبهار من منظر نرمين بالزي الأحمر اللي أشعل حماسه.
تعال بقى وريني هتعرف تسيطر ولا أنا اللي مسيطرة الليلة دي وغمزت لية بابتسامة دلع ؟”
طارق مابقاش في وعيه، جنونها ودلعها طيروا الشغل والتعب من دماغه، سحب الكرافتة من إيدها بقوة ولف دراعاته الإتنين حوالين وسطها، قربها منه وهمس بصوت مكتوم ومليان حب وجنون: “أنتي مش مسيطرة بس.. أنتي ملكتي قلبي وعقلي وكياني.. يخرب بيت جمالك ده قال اسيب دا كله وابص برا دا انا ابقي غلطان….
مال عليها واحتضنها بحنان، واحتضان طويل أشعل الأوضة حبا، وبدأ يشاركها الحركة بهمسات وحب، وقلع جاكت البدلة ورماه على الأرض، نرمين ضحكت ضحكة مكتومة وساحرة وهي لسه بين إيديه، ولفت بوسطها بدلع أدهش طارق أكتر، وخلت الزي الأحمر يزيد من انفعال طارق في الأوضة مع المزيكا.
كانت بتتحرك بخفة ونعومة، وعينيها منزلتش من على عينيه، وكأنها بتثبتله بالدليل العملي إنها قادرة تخليه ينسى الدنيا باللي فيها.
طارق مكنش قادر يمسك نفسه، شالها فجأة بين إيديه وهي بتدلع وتضحك، ووداها لحد السرير، نزل بيها براحة وهو باصص لتفاصيل وشها وأناقتها اللي كانت لافتة بشكل يخطف الأنفاس.
بقلم انجي الخطيب
ميل عليها وهمس بصوت دافي من الشوق: “أنا كدا اللي مسيطر يا نيمو.. الزي ده ليلته مش هتعدي، وأنا مش هسيب تفصيلة في قوامك غير لما أقولها إنها ملكي أنا وبس.”
نرمين لفت دراعاتها حوالين رقبته، وسحبت وشه ليها بدلال: “طب ما توريني شطارتك يا طروقة.. أنا مستنية أشوف السيطرة دي على أصولها.”
طارق ماداهاش فرصة تكمل الكلام، وقرب منها واحتضنها احتضان طويل وحنون، احتضان دوب الروج الأحمر وطير الباقي من عقله. إيديه بدأت تتحرك بحنان على وسطها، واستسلموا هما الإتنين لليلة كلامها عشق وحب ملوش حدود في أحضان بعض… 😉
الأوضة اتحولت لجو حب حقيقي، وصوت أغنية “مسيطرة” بقى مجرد خلفية مسموعة ورا همساتهم الدافية اللي كانت بتملى المكان حب وعشق وجنون.
طارق نسى تعب الشغل والشركة، ونرمين نسيت الدنيا والغيرة، وما فضلش غير اتنين دايبين في بعض لأقصى درجة.
بعد ساعات من الهدوء نرمين كانت نايمة على صدر طارق، صوابعها بتتحرك على صدره بنعومة، وهو لافف دراعه حوالين ضهرها وبيمسح على شعرها الأسود الناعم الدايب على المخدة.
طارق لمس راسها بحنان وقال بنبرة مليانة رضا وحب: “وربي في سماه يا نرمين، أنا لو لفيت الدنيا دي كلها طول بعرض، ما هلاقي ست تملى عيني وقلبي وتجنني زي ما أنتي بتعملي.. أنتي عملتي فيا إيه؟”
نرمين رفعت راسها وبصتله بعيونها العسلية الدايبة وابتسمت بنصر: “عملت فيك اللي يخليك ملكي أنا وبس.. عشان تفتكر كويس قبل ما تفكر تهزر وتقارني بأي واحدة تانية، حتى لو كانت بنت عمك الغالية.”
طارق ضحك ضحكة رجت صدره، وضمها وحضنها أكتر لضلوعه: “بنت عمي إيه وزفت إيه.. دي زمانها هتتعب من غيرتها في الأوضة التانية.. تعالي بس نامي في حضني وخلينا في دنيتنا اللي مفيش فيها غير أنا وأنتي وبس.”
نرمين دفنت وشها في صدره واتنفست عِطره براحة، واستسلموا هما الاتنين لنوم عميق ودافي، ماليان أمان وحب ملوش نهاية بس مكنوش يعرفوا إيه اللي مخبياه ليهم نادين وهي في الأوضة اللي جنبهم وسامعة كل لحظة بينهم وإيه هي الخطة اللي هتعملها عشان تفرقهم….
على أذان الفجر، صحي طارق على صوت خروشة رقيقة في الأوضة. فتح عينيه براحة وبص جنبه مالاقاش نرمين. اتعدل في السرير ولف راسه، لاقاها واقفة قدام التسريحة في الإضاءة الخافتة، لافّة فوطة بيضا على شعرها المبلول ولابسة روب ستان أسود قصير وناعم، وبتدهن كريم بريحة الفراولة على كتافها.
بقلم انجي الخطيب
طارق ابتسم بامتلاك، قام من على السرير وخطى خطوات هادية من غير ما تعمل صوت، ووقف وراها فجأة. حط إيديه الإتنين على وسطها، واحتضنها وهو بيميل برأسه ويمسح رقبتها بحنان: “نعيماً يا روحي. صليتي الفجر. ؟”
نرمين اتسندت بضهرها على صدره وغمضت عينيها بدلع: “الله ينعم عليك يا حبيبي.. آه صليت الفجر ودعيتلك.. ودعيت لبيتنا ربنا يبعد عنه العين والناس الصفرا.”
طارق ضحك بصوت واطي وهو بيلفها ليه وبقت في مواجهته، رفع دقنها بصوابعه وبص في عينيها اللي لسه كحلها سايح ومكحل عينيها بشكل يجنن: “والله طول ما الوحش ده واقف في الكمين وبيدافع عن أرضه بالشكل بتاع إمبارح، ما فيه عين تقدر تخترق الحصن ده.. أنتي كنتي انفعال إمبارح يا نيمو.”
