روايات وقصص

سـر القـايمه 3 حكايات مـريم الـسيد

سمعنا صوت كركبة وصړيخ مكتوم من جوة، وحركة سريعة كأنهم بيلموا هدومهم أو بيستعدوا للهروب.
أمين الشرطة كسر الباب بكتفه في ثانية، واقټحمت القوة الشقة.
المشهد جوة كان يفضح كل حاجة
شنطتين سفر كبار مفتوحين في الصالة، وأم سارة بتلم الدهب والفلوس، والخال كان
بيحاول ينط من منور المطبخ ومعاه شنطة صغيرة، بس رجالة المباحث مسكوه وثبتوه في الأرض، والمطواة وقعت من جيبه ورنت على البلاط.
وسارة.. سارة كانت واقفة عند باب الأوضة، وشها أصفر زي الليمونة، ولما شافتني داخل ورا الظابط، رجليها سابت وقعدت في الأرض وهي بتصرخ پهستيريا.
أبوها وقع على الكنبة وحط إيده على قلبه، ملامح الجبروت والغل اللي كانت في وشه اتبدلت بذل وړعب يا باشا والله إحنا ناس غلابة.. كريم ده كان خطيب بنتي وحصل خلاف عادي بين نسايب!
الرائد حسام شاور لأمناء الشرطة يفتحوا شنطة الخال، وطلعت منها المفاجأة
دفاتر شيكات، ووصلات أمانة ممضية على بياض، وعقود بيع شقق فاضية، وبطاقتين مزورين بأسماء تانية!
الرائد حسام بص لأبو سارة باحتقار وقال
خلاف نسايب برضه يا صفوت؟! ده إنتوا ملفكم أسود في المديرية.. كلابشات يا ابني، كلابش في إيد الأستاذ وأخو مراته، والهانم وأمها قدامي على البوكس!
لما جه العسكري
يحط الكلبش في إيد
أنا حبيتك والله العظيم، أهلي هما اللي ضغطوا عليا.. أرجوك يا كريم قولهم يتنازلوا!
وقفت قدامها، وبصيت في عينيها اللي كنت زمان بشوف فيها شريكة عمري وأم ولادي.. ملقيتش جوايا غير الشفقة والاحتقار.
قلت بهدوء، وصوتي كان أثبت من الجبل
إنتي لا حبيتي ولا هتعرفي تحبي يا سارة. إنتي كنتي عايزة تدفنيني حي في السچن وتبيعي شقايا عشان ترضي طمعك. الحمد لله إن ربنا كشفك في آخر لحظة.. حبل الكدب قصير، وأنا ربنا نجاني من بير خيانتكم.
طأطأت راسها وهي بټعيط بحړقة، والعساكر خدوهم ونزلوا بيهم وسط ذهول وصدمة الجيران اللي
اتلموا في مدخل العمارة بيتفرجوا على الڤضيحة اللي طالما حاولوا يداروها.
رجعت بيتنا في الفجر. بقلم مريم السيد
أول ما فتحت الباب، لقيت أبويا قاعد في الصالة لابس جلابيته ومسك سبحته في إيده، وعينيه مليانة قلق وتعب كأنه كان حاسس إن ابنه في خطړ.
جريت عليه، رميت نفسي في حضنه وبكيت.. بكيت من التعب، ومن الصدمة، ومن كمية الغدر اللي شوفتها في ليلة واحدة.
أبويا طبطب على ضهري بحنان الدنيا كلها، ومسح دموعي بإيده الخشنة وقال
مالك يا ابني؟ حصل إيه؟ سارة وأهلها عملوا معاك إيه؟
حكيتله كل حاجة من طقطق لسلامو عليكم.. حكيتله عن القايمة، وعن المؤامرة، وعن طارق وعربيات الشرطة.
أبويا اتنفس بارتياح وسجد في الأرض
سجدة شكر طويلة، وبعد ما رفع راسه بصلي وقال بحكمة هزت قلبي
مش قولتلك يا كريم الجواز مش سباق؟ ربنا حبك يا ابني.. حماك بعين رحمته لما خلاك تتمسك بحدود طاقتك ومتمضيش على اللي ميرضيش ربنا. اللي بيشتري بالكدب بيخسر بالحق، واللي يبدأ حياته بطمع نهايته كلبش وڤضيحة.
مسكت إيد أبويا وبوستها، وحسيت براحة وسکينة مكنتش حاسس بيها من سنين.
عرفت وقتها إن الخسارة مش إنك تفسخ خطوبة أو تفركش جوازة.. الخسارة الحقيقية إنك تبيع مبادئك وتمضي على صك استعبادك بإيدك عشان ترضي ناس ميعرفوش ربنا.
نمت ليلتها وأنا راضي، وصحيت تاني يوم مستعد أبدأ حياتي من أول وجديد.. بقلب أهدى، وبأمل أكبر، وعين مفتحة على الدنيا بجد.
تمت
حكايات_
مريم_السيد

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى