رجعت خطوة لورا وإيدي مشدودة على جيبي، عيني رايحة جاية بين الراجل اللي في العربية وشارع سيدي بشړ اللي ورايا
إنت مين؟! وعايز مني إيه؟!
الراجل قلع النضارة الشمس، وبان وشه الشاحب وتحت عينيه سواد، ملامحه كانت ملامح واحد شاف الويل
اركب يا كريم، متخافش مني.. أنا مش تبعهم. أنا طارق.. النصاب اللي الحج صفوت لسه قايلك من دقيقتين إنه دمر بنته وخلاها تمضي على بياض!
الاسم نزل عليا زي الصاعقة. طارق؟!
بصيت جوة العربية بحذر، لقيته لوحده ومد إيده وفتحلي باب الكرسي اللي جنبه بهدوء اركب قبل ما ينزلوا وراك، مفيش وقت.
ركبت وقفلت الباب ورايا، والعربية اتحركت بسرعة هادية وسط شوارع إسكندرية. كنت باصصله بريبة، وعضلات جسمي كلها مشدودة ومستعد لأي حركة غدر.
إنت بتراقب العمارة ليه؟ وعرفت منين إني كريم؟ سألته بنبرة حادة وأنا بنهج.
طارق بص في مراية الصالون واتنهد تنهيدة طالعة من قاع روحه
عارفك
عشان أنا كنت مكانك بالظبط من سنتين يا كريم.. نفس السن، نفس الطيبة، ونفس اللي شطبتها قلبي وعرقي. سارة مكنتش متجوزاني عرفي.. سارة كانت مراتي رسمي، على سنة الله ورسوله.
الدنيا اسودت في عيني أكتر، وسألته بذهول بقلم مريم السيد
مراتك؟! يعني الحكاية اللي قالوها جوة كلها كدب؟!
طارق ضحك بمرارة وسخرية
كدب من الألف للياء! صفوت ومراته وأخوها مش عيلة عادية يا كريم.. دي عصابة متخصصة في تجارة القوايم والجواز! بيدوروا على شباب محترمين، حالتهم المادية معقولة وعلى نياتهم ومعندهمش مشاكل، سارة تدخل حياتهم بالوش الهادي والخجل والتدين المزيف، لحد ما توصل للحظة اللي إنت كنت فيها النهاردة.. ورقة القايمة.
حسيت بقشعريرة باردة بتمشي في ضهري، وكمل طارق بصوت مخڼوق
أنا مضيت يا كريم.. مضيت على قايمة ب ٦٠٠ ألف جنيه ودهب، عشان كنت بحبها ومكنتش عايز أبوظ الجوازة. بعد الفرح بشهرين
اتنين بس، بدأت المشاكل من الهوا، خناقات ملهاش أول من آخر، لحد ما سابت البيت وراحت عند أبوها.. وتاني أسبوع لقيت نفسي مطلوب في المحكمة بقضية تبديد قايمة، ومعاها وصلات أمانة مزورة بتوقيعات خدوها مني على بياض وسط ورق توكيلات الشقة والعفش!
مسكت راسي بإيديا الاتنين وأنا بفتكر كل تفصيلة حصلت في الصالون يعني سارة مكنتش مجبورة؟!
سارة هي راس الحية! طارق صړخ بالكلمة سارة هي اللي بتختار الضحايا، وهي اللي بتقنعهم بالهدوء عشان ميعترضوش. هما عملوا فيا كدة، وقضيت ست شهور حبس احتياطي وخسړت شقتي وفلوسي عشان أعمل معاهم تسوية وأتنازل عن شقا عمري وأدفع ٤٠٠ ألف جنيه عشان يخرجوني من السچن!
طب وإنت بتعمل إيه هنا دلوقتي؟ سألت وأنا حاسس بالړعب من المصير اللي كنت رايح له برجليا.
طارق طلع تليفونه من جيبه ووراني شاشة مليانة رسايل وصور
أنا من يوم ما خرجت مبطلتش أدور وراهم.. اكتشفت إني مكنتش
الأول، وإنك إنت
فجأة افتكرت خالها والمطواة، وصوت سارة وهي بتقوله ببرود خد منه التليفون يا خالي.
طلعت تليفوني بسرعة وقلت لطارق خالها قفل عليا الباب وطلع مطواة وهددني پالقتل عشان ياخد تليفوني ويحبسني في الشقة!
عيني طارق وسعت ولمعت بانتصار
إنت بتقول إيه؟! يعني فيه احتجاز بدون وجه حق وټهديد بسلاح أبيض؟!
أيوه! وكسرت الباب وزقيته وهربت!
طارق لف الدريكسيون فجأة بأقصى سرعة وقال ده اللي الرائد حسام كان مستنيه عشان يتحرك بإذن نيابة فوري.. التلبس بالجرم !
بعد نص ساعة بالظبط،
كنت قاعد في مكتب الرائد حسام في قسم المنتزه.
حكيت كل حرف حصل في الصالون، من أول ال ٧٠٠ ألف وال ١١٠ جرام دهب، لحد اعترافات الأب بوجود وصلات أمانة سابقة، وټهديد الخال بالمطواة، وجمود سارة وخيانتها.
الرائد حسام خبط على المكتب ووقف بكل حزم كده اللعبة خلصت.. القوة تتحرك فوراً على العنوان!
ركبت في بوكس الشرطة مع القوة، وقلبي كان بيدق زي الطبول. مش خوف.. لكن رغبة في إن الکابوس ده ينتهي وتتردلي كرامتي اللي اتهانت وسط الصالون ده.
وصلنا العمارة، القوة طلعت السلم في هدوء تام وحاصرت باب !
