
الست اللي عندها الحق تختار حياتها.
وفي آخر مراجعة للملف، وصلني إخطار إن إجراءات استرداد وتسوية الأموال المرتبطة بشركة القمة دخلت مرحلتها الأخيرة، مع استمرار بعض المطالبات القانونية.
قفلت الملف.
وبعدين فتحت درج مكتبي.
لقيت الكارت
القديم.
نفس الكارت اللي طارق رماه قدامي يوم الطلاق.
مسكته شوية.
وبعدين قصيته نصين.
مش لأن الكارت بقى بلا قيمة.
لكن لأن الحاجة اللي كان بيرمز لها انتهت.
احتفظت بدل منه بصورة قديمة لينا.
صورة من أول أيام جوازنا.
ما احتفظتش بيها عشان أرجع.
احتفظت بيها عشان أفتكر إن الماضي كان جزء من حياتي…
لكن مش لازم يفضل جزء من مستقبلي.
رن موبايلي.
كان سامح.
خلصتي؟
أيوه.
مرتاحة؟
ابتسمت.
جدًا.
سألني
لو رجع بيكي الزمن، كنتي هتعملي نفس الحاجة؟
بصيت من شباك مكتبي للمدينة.
وبعدها قلت
كنت هحب… آه.
وكنتِ هتخبي حقيقتك؟
هزيت راسي.
لأ.
سكت شوية، وبعدين كملت
أنا مش عايزة تاني قصة لازم أخبي فيها أنا مين عشان أعرف الشخص اللي قدامي بيحبني ولا بيحب اللي فاكره عني.
قفلت المكالمة.
وبصيت للمدينة.
وقتها فهمت إن أغلى حاجة خرجت بيها من كل اللي حصل ما كانتش التلاتين مليار.
ولا الشركة.
ولا حتى قدرتي على الاڼتقام.
أغلى حاجة كانت حريتي.
إنّي أخيرًا بقيت أقدر أقول
أنا
أختار مين
يدخل حياتي… ومين يخرج منها.
والأهم…
إني عمري ما هتنازل عن نفسي تاني عشان حد يفضل.
النهاية



