
دخلت مكتبي وهي مختلفة تمامًا عن الست اللي كانت كملت
الدائنين بيضغطوا عليه، والبيت مهدد بالحجز.
قلت
اللي حصل مش بسبب إلغاء الكارت يا طنط فاطمة. اللي حصل سببه مشاكل مالية ومخالفات في الشركة.
دموعها نزلت.
أنا عارفة.
وبعد لحظة قالت
وأنا غلطت في حقك.
بصيت لها من غير ما أتكلم.
قالت
أنا كنت عارفة إن طارق بيخونك.
اتجمدت للحظة.
كنتي عارفة؟
هزت راسها.
أيوه.
وكنتِ ساكتة؟
كنت فاكرة إن سارة أنسب له.
ضحكت بحزن.
ولما عرفت إني عرفت بخيانته؟
دموعها زادت.
سمعتك وإنتي بټعيطي.
سكتُّ شوية.
كنت فاكرة إني خلاص عدّيت المرحلة دي.
لكن بعض
الچروح، حتى بعد ما تلتئم، تفضل فاكرة مكانها.
قالت
سامحيني.
رديت
ممكن أسامحك في يوم.
بس السماح مش معناه إني هرجع أمول حياتكم.
هزت راسها، وخرجت.
بعد فترة، وصلتني رسالة من طارق.
وبعدها جواب بخط إيده.
فتحته.
كتب عن أول يوم قابلني فيه، وعن الأيام اللي كنا فيها مبسوطين، وعن كل مرة كنت واقفة جنبه وهو فاكر إن النجاح كله بسببه.
وفي آخر الجواب كتب إنه فهم متأخر إنه ما خسرش زوجة غنية.
هو خسر الإنسانة اللي كانت بتحبه قبل ما تحتاج منه أي حاجة.
قريت الجواب كله.
وبعدين حطيته في درج مكتبي.
ما رديتش.
بعد ست شهور، قابلته بالصدفة في مؤتمر اقتصادي.
وقف قدامي.
نادية.
إزيك؟
أحسن.
ضحكت بخفة.
كويس.
سكت شوية، وبعدين سأل
إنتي سعيدة؟
بصيت له.
جدًا.
هز راسه.
أنا لسه بحبك.
قلت بهدوء
يمكن بتحب الست اللي خسرتها لما اكتشفت إنها أهم مما كنت فاكر.
لو رجع الزمن، كنت هعمل حاجات كتير بشكل مختلف.
وأنا كمان.
بصلي باستغراب.
يعني فيه فرصة؟
هزيت راسي.
لأ.
سكت.
كملت
مش لأنك أسوأ شخص في الدنيا، لكن لأن اللي حصل علّمني إن العلاقة اللي محتاجة مني أخبي نفسي عشان أعرف
إذا كنت محبوب، مش العلاقة اللي عايزاها.
قال
يعني خلاص؟
ابتسمت.
خلاص.
وبعدين قلت
إحنا ممكن نبدأ من جديد… بس كل واحد في طريقه.
ومشيت.
بعد سنة، أعلن N Capital عن إطلاق صندوق جديد لدعم شركات ناشئة في التكنولوجيا والصحة والتعليم.
وقفت قدام فريق العمل وأنا بعلن الخطة الجديدة.
في اللحظة دي، افتكرت كل حاجة.
الطلاق.
الكارت اللي اترمى قدامي.
الثلاثين مليار.
صورة طارق وسارة.
والليلة اللي اكتشفت فيها إن الشخص اللي كنت مستعدة أخسر الدنيا عشانه، كان مستعد يخسرني عشان واحدة تانية.
لكن وسط كل ده، اكتشفت حاجة أهم.
أنا ما كنتش محتاجة أثبت لطارق إني غنية.
ولا محتاجة أخليه يندم.
ولا حتى محتاجة أنتقم.
كنت محتاجة بس أرجع أكون نادية.



