
تعرفيه يا سعاد؟!سعاد هزت راسها وهي بتعيط.— أيوه يا ياسين… ده مش مجرد واحد من رجالة حمدي. الراجل حاول يجري ناحية الباب، لكن الحراس مسكوه ووقعوه على الأرض، وسحبوا منه المسدس. ياسين نزل لمستواه، وشد الشال من على وشه. وأول ما شاف ملامحه، اتصدم.
— مستحيل!الراجل رفع راسه وابتسم.— وحشتني يا ابن أخويا. ياسين رجع خطوة لورا، وهو مش قادر يصدق. الراجل اللي قدامه كان عمه صابر الجبالي، اللي العيلة كلها دفنته من خمستاشر سنة!ياسين صرخ:
— إنت إزاي عايش؟! وإيه حكاية أمي؟!صابر ضحك وقال:
— أمك هي اللي هتجاوبك يا ياسين.
.. لأنها لو ظهرت قدامك، هتكتشف إن كل اللي إنت فاكره عن أبوك وأمك كان كدبة كبيرة!وفجأة، جرس القصر رن. كل اللي في الطرقة لفوا ناحية البوابة، والحارس دخل يجري وهو بيقول:
— يا ياسين بيه، فيه ست كبيرة واقفة بره، وبتقول إنها أمك!
ياسين حس إن الدنيا وقفت. بص ناحية البوابة، وبعدها بص لعمه صابر اللي كان بيضحك. وفي اللحظة دي، عرف إن اللي جاي هيغيّر حياته كلها. ياسين وقف مكانه، مش عارف يروح ناحية البوابة ولا يرجع لأبوه اللي لسه بين الحياة والمو. ت.
بص للحارس وقال بصوت عالي:
— إنت بتقول إيه يا بني آدم إنت؟! الست اللي بره دي قالتلك اسمها إيه؟!الحارس رد وهو بيلهث:
— بتقول إنها الحاجة زينب يا بيه، وإنها أم حضرتك، وإنها جاية تشوف ابنها قبل ما يفوت الأوان!ياسين حس إن رجليه مش شايلاه. الحاجة زينب!
الاسم اللي عاش عمره كله فاكر إنه مكتوب على شاهد قبر أمه. لف ناحية عمه صابر، اللي كان قاعد على الأرض وإيديه متكتفة، ولقاه بيضحك. ياسين قرب منه ومسكه من هدومه.— إنت عارف حاجة عن الموضوع ده، صح؟! اتكلم يا صابر، وإلا أقسم بالله ما هتعرف تنطق بعدها!
صابر ضحك وقال:
— روح شوف أمك يا ابن أخويا… روح شوف الست اللي أبوك ضحك عليك وقالك إنها ماتت. بس خليك فاكر إن مش كل اللي بيرجع من المو. ت بيكون راجع عشان يحبك!ياسين زقه بعيد عنه، وجرى ناحية السلم. نزل على البوابة وهو بينادي:
— افتحوا البوابة! افتحوها بسرعة!الحراس فتحوا الباب الحديد، وياسين وقف مكانه أول ما شاف الست اللي واقفة بره. كانت ست كبيرة، لابسة عباية سودا واسعة، وطرحتها البيضا مغطية شعرها. وشها كان باين عليه التعب، وفي إيديها شنطة صغيرة قديمة. أول ما شافته، دموعها نزلت، ورفعت إيديها على بقها.
— ياسين… يا ضنايا!ياسين فضل واقف مكانه، مش قادر يتحرك. الست قربت منه خطوة، وقالت وهي بتعيط:
— تعالى في ح. ضني يا حبيبي… تعالى لأمك اللي اتحرمت منك خمسة وعشرين سنة!ياسين رجع خطوة لورا، وهز راسه بعنف.
— لأ! لأ، إنتِ مش أمي! أمي ما. تت! أنا حضرت جنازتها، وشفت ق. برها بعيني!الست حطت إيدها على صدرها وقالت:
— حقك عليا يا ابني… والله ما كان بإيدي!
أنا اتخ. طفت غصب عني، واتحبست سنين طويلة، وكل يوم كنت بمو. ت مي. ت مرة وأنا بفكر فيك. ياسين صرخ فيها:
— طب ليه ما رجعتيش؟
ليه سيبتيني أعيش كل السنين دي فاكر إن أمي ماتت؟! أنا كنت طفل يا ست إنتِ! كنت كل ما أشوف طفل ماشي مع أمه، أرجع أوضتي وأعيط لوحدي!الست انهارت على الأرض وهي بتعيط.— سامحني يا ياسين… سامحني يا ضنايا!ياسين كان واقف قدامها، قلبه بيتقطع، لكنه مش قادر يصدقها.
في اللحظة دي، سعاد وصلت ورا ياسين، وأول ما شافت الست، جريت عليها ووقعت على ركبتها.— يا حاجة زينب! إنتِ جيتي؟! الحمد لله إنك وصلتي بالسلامة!زينب ح. ضنت سعاد وفضلت تعيط. ياسين لف لسعاد بعصبية.— إنتِ كمان تعرفيها؟!سعاد رفعت وشها وقالت:
— أيوه يا ياسين. دي الست اللي ساعدتني أهرب من حمدي، وهي اللي كانت بتبعتلي أكل وفلوس وأنا محبوسة. هي اللي أنقذت حياتي. ياسين بص لأمه، وبعدها بص لسعاد، وحس إن كل الناس اللي حواليه كانوا عارفين الحقيقة إلا هو.
يعني كلكم كنتوا عارفين؟! كلكم كنتوا بتضحكوا عليا؟!زينب قامت بالعافية، ومدت إيدها ناحيته.— لأ يا ابني، والله ما حد كان عايز يوجعك. أبوك كان خايف عليك، وأنا كنت خايفة عليك، وسعاد كانت بتحاول تحميك.
كلنا غلطنا لما خبينا عنك الحقيقة، بس والله ما كان قصدنا نكسرك. ياسين مسح وشه بإيده، وبعدها قال بحدة:
— أنا مش عايز أسمع كلام تاني! عايز الحقيقة من أولها لآخرها، واللي هيكدب عليا المرة دي، مش هسامحه طول عمري!
زينب هزت راسها وقالت:
— حاضر يا حبيبي. بس لازم تطلعني لأبوك الأول، لأن الوقت مش في صالحنا. ياسين اتوتر.— أبويا؟! إنتِ عارفة إنه عايش؟!زينب بصت له بصدمة.— جابر هنا؟!— أيوه، وهو مصاب ونايم جوه!زينب شهقت، وحطت إيدها على قلبها.
— يا ساتر يا رب! هو لسه عايش؟! الحمد لله يا رب!ياسين مسك دراعها وسندها وهو بيدخلها القصر.— تعالي يا أمي، بس قبل ما تدخلي، عايزك تجاوبيني على سؤال واحد. زينب بصت له.— اسأل يا حبيبي. ياسين قرب منها وقال:
— إنتِ كنتِ عارفة إن عمي صابر عايش؟
!زينب سكتت، ووشها اتغير. ياسين فهم من سكوتها إن فيه مصيبة تانية مستخبية.— ردي عليا يا أمي!زينب أخدت نفس طويل، وقالت بصوت مرتعش:
— أيوه يا ياسين… كنت عارفة. ياسين ساب دراعها، وبص لها بذهول.— إنتِ كمان؟! هو فيه إيه في العيلة دي؟! كل واحد فيكم مخبي مصيبة عن التاني؟
!زينب مسكت إيده وقالت:
— صابر مش بس عايش يا ياسين… صابر هو اللي كان ماسك الخيوط كلها من البداية. ياسين بص لها بغضب.— يعني إيه؟!زينب قربت منه وهمست:
— هو اللي خ. طفني من خمسة وعشرين سنة، وهو اللي دبّر مو. تي المزيف، وهو اللي خلّى حمدي يفتكر إن أمه ماتت، وهو اللي حاول يخلّص على أبوك النهارده.
ياسين اتصدم، وبص ناحية المكتب اللي عمه محبوس فيه.— طب هو عمل كل ده ليه؟!زينب دموعها نزلت، وقالت:
— عشان الورق اللي أبوك مخبيه من سنين… الورق اللي لو ظهر، صابر هيفقد كل حاجة. ياسين مسك كتفيها وقال:
— ورق إيه يا أمي؟



