ياسين كان راكع على الأرض، حاضن أبوه وبيخبط على وشه بخفة وهو بيصرخ من قلبه.— يا بابا! افتح عينك يا حبيبي! والنبي ما تسيبني تاني! أنا لسه ملحقتش أشبع منك يا بابا!الرجالة اتلمت حواليه، وكل واحد فيهم واقف مش عارف يعمل إيه. ياسين رفع راسه وزعق فيهم:
— إنتوا واقفين تتفرجوا عليا؟! هاتوا الدكتور حالًا! واللي يقدر ينقذ أبويا وما يعملش كده، أقسم بالله لأدفنه بإيدي!واحد من الحراس جري ناحية البوابة يجيب الدكتور، واتنين شالوا الحاج جابر بالراحة ودخلوه القصر. ياسين كان ماشي جنبهم، ماسك إيد أبوه ومش راضي يسيبها.— خلي بالك منه يا دكتور!
ده أبويا، فاهم؟! أبويا اللي أنا دفنته بإيدي من عشر سنين! أنا مش هسمح إنه يمو. ت قدامي المرة دي!الدكتور دخل أوضة كبيرة في القصر، وطلب من الكل يخرج. ياسين وقف قدام الباب، حاطط إيده على راسه، وبيمشي رايح جاي زي الأسد المحبوس. سعاد كانت واقفة بعيد، بتعيط وبتدعي.
قربت منه وقالت:
— ربنا يقومه بالسلامة يا ياسين. لف لها، وعينيه مليانة غضب ووجع.— إنتِ كنتِ عارفة إن أبويا عايش، وعارفة إن أمي عايشة، وسايباني عشر سنين عايش في كدبة؟!سعاد وطّت راسها.— أنا ما كنتش أعرف إن أمك عايشة يا ياسين، والله ما كنت أعرف.
أنا كل اللي عرفته من أبوك إنه لسه عايش، وإنه مستخبي عشان يحميك. ياسين ضحك بمرارة.— يحميّني من مين؟! من حمدي؟! ولا من أمي؟! ولا من الدنيا كلها؟!سعاد قربت منه، وقالت:
— استنى لما أبوك يفوق، وهو هيحكيلك كل حاجة. ياسين بص لها بحدة.
— أنا مش هفضل مستني حد يحكيلي! من النهارده، كل واحد في العيلة دي هيتحاسب على كل كدبة قالها ليا. وقبل ما سعاد ترد، باب الأوضة اتفتح، والدكتور خرج وهو بيمسح العرق من على جبينه. ياسين جري عليه.— طمني يا دكتور! أبويا عامل إيه؟
!الدكتور قال بجدية:
— الرصاصة كانت قريبة من كتفه، والنزيف كان شديد، بس الحمد لله قدرنا نسيطر عليه. هو محتاج راحة، وممنوع يتعرض لأي ضغط عصبي. والأهم إن محدش يدخل له دلوقتي غير لما يفوق. ياسين حط إيده على صدره، وكأنه أخيرًا قدر ياخد نفسه.
— الحمد لله… الحمد لله يا رب. دخل الأوضة بهدوء، وقعد جنب سرير أبوه. فضل باصص له، ودموعه بتنزل من غير ما يحس.— ليه يا بابا؟ ليه عملت فيا كده؟ أنا كنت كل ليلة بنام وأنا فاكر إنك مش هترجع تاني.
كنت بروح أقعد عند قبرك وأحكيلك اللي حصل في يومي، وإنت كنت عايش في مكان تاني!مسك إيد أبوه وباسها.— بس والله ما هسيب حقك يضيع. واللي ض. ربك هجيبه، حتى لو كان آخر واحد في الدنيا. بعد حوالي ساعة، الحاج جابر بدأ يحرك صوابعه، وفتح عينيه بالراحة.
ياسين انتفض من مكانه.— بابا! يا بابا، سامعني؟!جابر بص له، وابتسم ابتسامة ضعيفة.— لسه عايش يا واد يا ياسين؟ياسين ضحك وهو بيعيط.— أيوه يا بابا، عايش، وغصب عني كمان! إنت اللي عامل فيا المقلب ده كله!جابر حاول يضحك، لكنه اتألم. ياسين سند ضهره وحط له مخدة.
الراحة يا حبيبي، الدكتور قالك ما تتحركش. جابر مسك إيده وقال:
— أنا عارف إنك زعلان مني، ومن حقك. بس لازم تعرف الحقيقة كلها. ياسين قعد جنبه وقال:
— أنا سامعك يا بابا. احكيلي كل حاجة من أولها، من غير ما تخبي عني حرف واحد.
جابر أخد نفس طويل، وبعدها بدأ يتكلم.— من خمسة وعشرين سنة، أمك ما ماتتش زي ما أنا قلتلك. أمك اتخ. طفت يا ياسين. ياسين فتح عينيه بصدمة.— اتخ. طفت؟! مين خ. طفها؟!— عيلة الراوي. كانوا عايزين ينتقموا مني بسبب خلاف قديم على أرض، وخ. طفوا أمك عشان يضغطوا عليا.
ولما قدرت أوصل لمكانها، لقيت إن فيه ناس من عيلتنا نفسها ساعدوهم. ياسين قبض إيده.— مين من عيلتنا يا بابا؟!جابر بص له بحزن.— عمك صابر. ياسين رجع بضهره لورا.— عمي صابر؟! ده مات من زمان!— أيوه، مات، بس قبل ما يمو. ت اعترف لي إنه كان شريك معاهم.
نا كنت خايف إنهم يوصلوا لك، فاضطريت أقولك إن أمك ماتت، عشان محدش يقدر يستخدمك ضدي. ياسين هز راسه بعدم تصديق.— طب وإنت ليه اختفيت؟ ليه سبتني أعيش كل السنين دي لوحدي؟!جابر غمض عينيه، ودمعة نزلت من طرف عينه.
— عشان بعد ما اختفيت، عرفت إن فيه حد بيخطط يقتلك، وحد من أقرب الناس ليا كان متورط. كنت فاكر إن لو بعدت عنك، هتعيش في أمان. ياسين مسك إيده.— طب وأمي؟! هي فين دلوقتي؟!جابر سكت شوية، وبعدين بص له وقال:
— أمك عايشة يا ياسين، وهي أقرب لك مما تتخيل.
ياسين وقف من مكانه.— فين يا بابا؟! قولي هي فين وأنا أروح أجيبها حالًا!جابر شد إيده وقال:
— استنى يا ابني. أمك هي اللي بعتتلي خبر إن حمدي ناوي يقتلك، وهي اللي ساعدت سعاد تهرب من المخزن. ياسين بص له بذهول.— يعني أمي عارفة كل اللي بيحصل؟!
— أيوه، وهي بتحاول تحميك من بعيد من سنين. لكن فيه سبب مخليها مش قادرة تظهر لك. ياسين قرب منه وقال:
— إيه السبب؟!جابر فتح بقه عشان يرد، لكن فجأة سمعوا صوت صريخ جاي من بره الأوضة.
ياسين جري ناحية الباب وفتحه، ولقى واحد من الحراس واقع على الأرض، والتاني بيحاول يمسك راجل لابس جلابية سودة، ووشه متغطي بشال. ياسين صرخ:
— امسكوه! محدش يسيبه يهرب!الراجل زق الحارس وجري ناحية السلم، لكن ياسين لحقه ومسكه من هدومه. الراجل لف فجأة وض. رب ياسين في صدره، فوقع على الأرض.
الحارس جري يساعد ياسين، والراجل استغل اللحظة وطلع مسدس.— ابعدوا عني، وإلا هض. رب نار!ياسين قام بسرعة ورفع مسدسه.— انزل سلاحك يا ابن الكلب! إنت فاكر نفسك داخل على مين؟!الراجل ضحك وقال:
— أنا جاي آخد اللي لسه عايش، قبل ما يحكي لك الحقيقة!ياسين قرب منه خطوة.
— تقصد أبويا؟!الراجل ما ردش، لكنه بص ناحية الأوضة اللي فيها الحاج جابر. وفي اللحظة دي، سعاد خرجت من الطرقة، وأول ما شافت الراجل، صرخت:
— إنت؟! إنت اللي كنت بتجيبلي الأكل في المخزن!الراجل لف لها بسرعة، وسعاد رجعت لورا وهي بتترعش.
