لبارت الاول
اتسدلت ستائر الليل على منطقة “الزمالك”، و”مندور” قاعد ورا مكتبه الخشبي الفخم، بيولع سيجارة ورا الثانية بعصبية مش عارف يداريها. أربعين سنة من عمره عدوا وهو بيبني هيبة العيلة دي وبيحافظ على اسمها وفلوسها من الضياع، لييجي أبوه النهاردة، الحاج “توفيق”، الراجل اللي كسر السبعين سنة، ويقرر يهد كل حاجة بنوها فوق دماغ الكل.
السبب؟ واحدة! ومش أي واحدة… دي بنوتة لسه مكملتش عشرين سنة، اسمها “ليالي”، والناس في الكباريهات والملاهي الليلية عارفينها باسم “لي لي”.
قاطع أفكاره صوت الباب وهو بيتفتح بقوة، ودخل الحاج توفيق ماسك عصايته الأبنوس، وضحكة الجنان والانبساط مالية وشّه، وقال بتحدي:
”اسمع يا مندور.. أنا خلاص حسمت أمري، لي لي هتبقى حرم الحاج توفيق، وهكتب لها فيلا المعادي والمحلين بتوع العتبة مهر ليها!”
وقف مندور بطوله الفارع وملامحه الحادة، وهو بيبص لأبوه بنظرة هادية بس مليانة ، وقال بصوت واطي وزي الفحيح:
”على جثتي يا حاج.. طول ما أنا حي على وش الأرض، رجل الرقاصة دي مش هتعتب البيت ده، ولا جنيه واحد من فلوسك هيروح لها.”
في نفس الليلة، وفي الكواليس ورا المسرح في كباريه في الهرم، كانت “ليالي” واقفة قدام المراية بتبطّل الكحل الأسود في عيونها الواسعة. ليالي مكنتش مجرد بنت حلوة وخلاص، دي كانت شاطرة وذكية وعارفة الدماغ كويس، عرفت إزاي تلف على الراجل العجوز وتخليه يقتنع إنها بتحبه هو مش فلوسه.
ابتسمت لنفسها في المراية وقالت بثقة:
”خلاص يا لي لي.. كلها أسبوع واحد وتبقي ست هوانم وتسيبي القرف والسهر ده كله ورانا.”
بس اللي هي خططت له حاجة، واللي هيحصل حاجة ثانية خالص.
وهي طالعة من الباب الخلفي للكباريه ورايحة على عربيتها، لقت عربية سوداء ضخمة قفلت عليها السكة. نزل منها اثنين شباب ضخام، وقبل ما تلاحق أو تستوعب، كانت جوة العربية ومنديل على وشها.
فتحت ليالي عينيها بالعافية، لقت نفسها في صالة كبيرة وفاخرة جداً، ورائحة العود الملوكي مالية المكان. حاولت تقوم بس لقت تقيل وهي قاعدة على كنبة جلد. قدامها كان واقف راجل أربعيني، عريض، لابس بدلة شيك جداً، وبيبص لها بعيون زي الصقر.
قامت بفركة وحاولت تجمع شتات نفسها ورسمت وش القوة اللي متعودة تقابل بيه الناس:
”انت مين يا جدع انت؟! وعايز مني إيه؟ انت عارف أنا مين؟ والله لأوديك في داهية!”
مشى مندور خطوتين ناحيتها بالراحة، وابتسامة تريقة مرسومة على وشّه، وقف قدامها وشاف صغر سنها مع الجمال اللي فيها، وقال بصوت تقيل يرعب:
”عارفك كويس قوي يا ‘لي لي’.. عارف إنك حاطة عينك على راجل عنده ٧٠ سنة عشان تلهفي فلوسه وتخربي بيته.. بس حظك الأسود بقى إنك وقعتي في إيدي أنا.. مندور.”
برقت عينيها من الصدمة والخوف:
”انت… انت ابن الحاج توفيق؟”
قرب مندور منها أكتر، ووطى شوية وتكلم في أذنها بصوت حاسم ومفهوش هزار:
”أنا اللي هسحبك من القاع اللي انتي فيه ده يا حلوة.. أبويا مش هيتجوزك، ولا حلمك ده هيتحقق. من النهاردة انتي تحت إيدي وتحت رحمتي.. والبيت اللي كنتي عايزة تخربيه، هتدخليه… بس بشروطي أنا ومكان ما أنا عايز!”
رقاصة هزت عرش قلبي بقلمي زهرت الثالوث
حط مندور إيده في جيبه ورجع خطوة لورا، وفضل بيبص لـ “لي لي” بنظرة استعلاء وتحدي، وهي لسه واقفة قدامه بتتفاض من الغضب والخوف. مسح بصباعه على طرف مكتبه وقال بنبرة هادية بس فيها صريح:
”بصي يا حلوة.. الحاج توفيق فاكر إنك وقعتي في حبه، ومستني اليوم اللي هتدخلي فيه بيته ست الملاح. بس أنا مش هسمح لرقاصة تهز اسم عيلة مندور أو تلهف قرش واحد من اللي تعبت فيه طول عمري.”
ليالي بلعت ريقها بالعافية، وحاولت تسترجع قوتها وشراستها اللي بتواجه بيها الزبائن في الكباريه، وقربت منه بصدر مفرد وقالت بتحدي:
”وانت فاكر إنك لما تخطفني بالأسلوب ده هترعبني؟ أنا أروح للبوليس وأضيعك يا مندور بيه! وأبوك لو عرف إنك عملت معايا كده، مش هيسكتلك وهيرميك برة حياته!”
ضحك مندور ضحكة مكتومة وصوتها ، وقرب منها لحد ما بقى وشّه في وشّها، ونفخ بخار نفسه وقال بصوت تقيل:
”البوليس؟ وأبويا؟ انتي لسه مش فاهمة انتي وقعتي مع مين! أبويا أنا اللي ممشيه، والبوليس مش هيلاقي ليكي أثر لو أنا قررت إخفيكي من على وش الأرض.”
سكت شوية وهو بيتأمل ملامحها الناعمة اللي طالع منها المكر، وكمل بكلام زي المشرط:
”بس أنا مش .. أنا هعلمك الأدب بطريقتي. انتي بتعرفي ترقصي وتعملي حركات عشان تعجبي الرجالة ؟ تمام.. أنا طالب منك ‘حفلة خاصة
