لف قديم كنت محتفظة بيه على هارد خارجي، ولقيت نسخة من عقد شراكة اتبعتتلي من حوالي سنة.
قريت العقد مرة واتنين، لحد ما وقفت عند بند صغير في آخر صفحة.
كان فيه توقيع إلكتروني منسوب لوالدي بعد ۏفاته بشهور!
ساعتها فهمت إن الموضوع مش مجرد اختلاس.
دول زوروا مستندات علشان ينقلوا ملكية جزء من أصول الشركة، ويثبتوا إن والدي وافق على تنازلات مالية وهو مټوفي أصلًا.
حسيت إن إيدي بتترعش.
فتحت تليفوني وبعت صورة المستند للمقدم أحمد، وكتبتله ده ممكن يكون دليل تزوير كمان.
بعد شوية رد عليا احتفظي بالأصل زي ما هو. إحنا هنحتاج نفحصه رسميًا.
الساعة قربت من خمسة الفجر.
سمعت نادية بتخبط على باب أوضتي.
قالت بصوت مليان حنية مصطنعة هالة يا حبيبتي، إنتِ صحيتي؟
رديت وأنا بتظاهر إني لسه صاحية أيوه يا ماما، في حاجة؟
دخلت وهي مبتسمة، وبصت على الشنطة.
قالت أنا عملتلك شاي، قلت يمكن تحتاجيه قبل السفر.
شكرتها، وحطت الكوباية على الكومودينو.
وبعدين سألتني إنتِ متأكدة إنك لازم تسافري النهارده؟ ممكن تأجلي الاجتماع يومين.
قلت ليه؟
ردت بسرعة أصل كريم تعبان شوية، وكنت عايزاكي تفضلي جنبه.
بصيتلها وقلت كريم تعبان؟ ده أنا سمعته من شوية بيتكلم في التليفون بصحة كويسة.
اتغيرت ملامحها لثانية، لكنها رجعت ابتسمت.
ما هو التعب مش لازم يبان يا حبيبتي.
خرجت من الأوضة، وبعدها بدقايق سمعت صوتها بتكلم حد في التليفون
أيوه، هي لسه هتسافر. خليكم جاهزين.
ساعتها عرفت إنهم مش ناويين يستنوا الساعة ستة.
الساعة 540، جالي اتصال من المقدم أحمد.
قال هالة، إحنا قريبين منك. ماتتحركيش بالشنطة، وخليكي طبيعية. فيه إجراءات بتتعمل دلوقتي.
بعد المكالمة بدقايق، كريم دخل الأوضة.
كان لابس قميصه وساعته، وشكله مستعجل.
قال يلا يا هالة، أنا هوصلك المطار.
بصيتله باستغراب إنت هتصحى بدري عشاني؟ دي أول مرة.
رد وهو بيحاول يضحك هو أنا ماليش حق أوصل مراتي؟
قلت طبعًا ليك.
قرب من الشنطة ومد إيده يشيلها، لكني سبقته وقلت سيبها، تقيلة شوية وأنا هتعامل معاها.
بصلي بحدة وقال إنتِ مخبية فيها إيه؟
ضحكت وقلت هدومي يا كريم، هو إنت نسيت أنا مسافرة ليه؟
وفجأة رن جرس الباب.
كريم اتوتر، وبص لأمه اللي كانت واقفة في طرقة البيت.
قال مين اللي جاي في الوقت ده؟
خرج يفتح، وسمعت صوت رجالة بتعرف نفسها، وبعدها صوت المقدم أحمد
صباح الخير يا فندم، إحنا محتاجين نتكلم مع الأستاذة هالة بخصوص بلاغ متعلق بأمتعتها.
كريم وقف مكانه، ونادية وشها اتغير تمامًا.
دخل المقدم ومعاه أفراد من القوة، وطلب إن محدش ېلمس الشنطة، وإن الإجراءات تتم قدام الجميع.
نادية بدأت تصرخ إيه اللي بيحصل ده؟ هو إحنا في بيتنا ولا إيه؟
المقدم رد بهدوء حضرتك لو سمحتي، إحنا بننفذ إجراءات قانونية بناءً على معلومات وبلاغ، وكل حاجة هتتم بشكل رسمي.
كريم حاول يتدخل
