إيميل بعتها له اتفهمت على إنها إهانة شخصية لوالده.
عاطف اتجمد في مكانه.
للحظات، ما قدرش ينطق بكلمة.
المعلومة دي ما كانتش موجودة في أي تقرير اتعرض عليه، ولا حد من فريقه تجرأ يقوله إن الإيميل ده هو السبب الحقيقي وراء تدهور المفاوضات.
بصلها پصدمة وسألها
إنتِ عرفتي الكلام ده منين؟!
مريم ردت بثقة
لأن والد الأستاذ محمود هو اللي أسس الشركة اليابانية بعد ما ورشته الصغيرة اتحرقت في حريق كبير من سنين طويلة. وحضرتك كتبت في الإيميل إن تاريخ شركتهم بقى مجرد ماضي قديم، وإن الفرص الحقيقية موجودة في السوق اللي إحنا بنعرضه عليهم دلوقتي.
عاطف حس إن معدته اتقبضت.
دي كانت مجرد صياغة تجارية! أنا ما قصدتش أهينه!
مريم بصت له من المراية وقالت
بالنسبة لحضرتك، يمكن كانت مجرد جملة في إيميل. لكن بالنسبة له، كانت إهانة لتاريخ والده وكل التعب اللي بنى بيه الشركة.
قبل ما عاطف يقدر يرد، التليفون رن مرة تانية.
كان محمود السيوفي.
مريم مدت إيديها لورا وقالت بهدوء
اديني التليفون، وخليني أتكلم معاه.
عاطف اتردد.
كل غروره وكبرياؤه كانوا بيمنعوه إنه يسلّم تليفونه للسواقة اللي طول عمره بيتعامل معاها كأنها مش موجودة.
لكن خوفه من
خسارة الصفقة والمليارات اللي ممكن تضيع، كان أقوى من غروره.
فتح مكبر الصوت، وناولها التليفون.
مريم بدأت المكالمة بتحية يابانية سليمة، وبنبرة احترام واضحة.
والغريب إن صوتها اللي كان طول الوقت هادي ومش مسموع، اتغير تمامًا.
بقى فيه ثقة وقوة واحترافية.
فضلت تتكلم مع محمود عدة دقائق، وسمعته باهتمام، وسألته أسئلة دقيقة عن مخاوفه، وبعدها شرحت له إن عاطف بيه كان حريص على نجاح الشراكة، وإنه مستعد يراجع بنفسه بعض بنود الاتفاقية بما يضمن احترام تاريخ الشركة اليابانية ومصالحها.
وبعد ما انتهت المكالمة، قفلت التليفون ومدته لعاطف.
الاجتماع اتأكد، وهيتم في معاده. الوفد مستنينا فوق.
عاطف كان بيتنفس بصعوبة، وكأنه لسه خارج من أزمة كبيرة.
فضل باصص لها شوية، وبعدين سألها بصوت متقطع
إنتِ مين؟! إنتِ مين بالظبط؟!
مريم بصت له من المراية، وقالت
أنا الست اللي بقالك 3 سنين بتأمرها تسكت، وبتعاملها كأنها مش موجودة.
سكتت لحظة، وبعدين أضافت
بس فيه حاجة تانية لازم تعرفها عن الصفقة دي يا عاطف بيه… حاجة أخطر بكتير من موضوع المترجم.
عاطف عقد حواجبه وسألها
حاجة إيه؟!
مريم بصت له بجدية وقالت
فيه سر خطېر جوه شركتك… والناس اللي
شغالين معاك في الإدارة عارفينه، لكن محدش فيهم عنده الجرأة إنه يقوله لحضرتك.
والسر ده ممكن يكون السبب الحقيقي في خسارتك للمليارات…
الجزء الثاني الخېانة اللي جاية من أقرب الناس
عاطف نزل من العربية ورجليه بتخبط في بعضها من التوتر.
إنتِ قصدك إيه بالظبط؟!
مريم شاورت بإيدها على الملف اللي سابه على الكنبة.
بند الحصرية اللي في صفحة 17. لو وافقت عليه زي ما هو مكتوب، شركتك هتخسر حق بيع تكنولوجيا معينة بره السوق الأوروبية لمدة 8 سنين كاملين.
عاطف فتح الورق وفضل يقلب فيه بسرعة وپخوف.
البند كان مكتوب قدامه بالنص زي ما قالت.
مديرة التسويق كانت عرضته عليه قبل كده على إنه شرط روتيني وما فيش منه أي خطۏرة.
وإنتِ إزاي لقطتي حاجة زي دي وعرفتيها؟!
عشان النص الياباني مش مكتوب بنفس المعنى اللي مترجمينه في النسخة الإنجليزية.
عاطف سكت خالص وما عرفش يرد.
ولأول مرة من يوم ما مريم اشتغلت عنده، نزل وفتح لها هو بنفسه باب العربية ودخلوا المبنى.
في الدور الاتناشر، كانت مستنياهم نهى
عبد الحميد، مديرة التسويق وأخت عاطف الصغرى.
دي بتعمل إيه هنا؟! سألت باستنكار أول ما شافت مريم داخلة ورا أخوها.
هتساعدنا في الترجمة.
نهى ضحكت بسخرية
وعدم تصديق
يا عاطف، إحنا بنفاوض على 6 مليارات جنيه! مش
