روايات وقصص

حكايات محمد نور

طبطب على كتف سارة قبل ما يبص لي. أو أعيط وأتمرغ في الأرض. أو أعمل بالظبط اللي الناس متوقعاه من ست مکسورة ومذلولة قدام حبيبها. بس أنا ما عملتش أي حاجة من دي خالص.
بصيت له بكل هدوء وقلت
قصدك إيه بالظبط بتكبري الموضوع أكتر من حجمه؟ زياد كشړ عن حواجبه
إنتِ عارفة أنا أقصد إيه كويس.
لا، مش عارفة. فهمي إنت بقى.
سارة مسحت دمعة كدابة بظهر إيدها، وبصت له بندم مصطنع
يا دكتور زياد، خلاص، مفيش داعي.. الحق عليّا أنا من الأول. أنا مكنتش أعرف إن صورة عادية ممكن تعمل المشاكل دي كلها.
منى ضحكت ضحكة ناشفة تستفز الأعصاب
إنتِ شغالة في مستشفى يا بنتي! هو إنتِ مكنتيش تعرفي إن تصوير مريضة غايبة عن الوعي من غير إذنها ممكن يودّيكي في داهية؟
سارة لوت بوقها
ما أنا قلت مكنش قصدي وحش وخلاص. منى ردت عليها بحدة
ده ما يغيرش الحقيقة، مهما حاولتي تبرري.
زياد رفع إيده عشان يسكتهم
بس.. كفاية كده.
الأوضة سكتت تمامًا. مش عشان كان عنده هيبة تخلّينا نخاف، لكن لأنه اتكلم بطريقة واحد حاسس إنه آمر ومطاع. وأنا، لحد اللحظة دي، كنت للأسف مدياه الصلاحية والسلطة دي في حياتي بزيادة.
يا حبيبة
قال بصوت هادي
البوست اتمسح وخلاص. المستشفى هتدفع تعويض مناسب. وسارة هتعتذر رسميًا قدام الكل. مفيش أي داعي إننا نحول الموضوع لحرب تضيّع مستقبل ومصالح الكل.
بصيت له بنص عين
مستقبل الكل مين دول، معلش؟
أومال إنتِ مفكرة إيه؟
طيب، هل مستقبلي أنا كمان من ضمن الكل دول؟
سكت وبلع ريقه
أكيد طبعًا.
حلو.. يبقى نبدأ بالحتة دي.
وأشرت بإيدي على تليفون منى
اسمي بقاله ساعات متربط بخبر إجهاض كداب. ومعاه كمان تهمة شرف وعلاقة محرمة. شركتين كبار كلموا مديرة أعمالي عشان يتأكدوا إذا كان فيه شبهة أخلاقية تستدعي فسخ العقود اللي بيننا. ومخرج كبير علّق اجتماع اختيار الممثلين للفيلم الجديد. وفريقي كله من الصبح بيحاول يثبت للصحافة إني داخلة أعمل عملية زايدة، مش حامل وفقدت جنيني.
سكت ثانية وسألته بجدية
تفتكر يا زياد، أنهي مستقبل فيهم اللي المفروض أدافع عنه الأول؟
سكت. مفيش أي رد. الدكتور رأفت اتدخل بسرعة
يا آنسة حبيبة، أكيد طبعًا إحنا معترفين بحجم الضرر الكبير ده. نقدر نطلع بيان توضيحي رسمي من المستشفى. ونأكد للناس إن الكلام اللي نزل على السوشيال ميديا غلط تمامًا وبلا أساس.
ريهام، مديرة أعمالي، اللي كانت لسه داخلة الأوضة والتليفون على ودنها، قطعت الكلام بحزم
لا.. مفيش الكلام ده.
الكل لف وبص لها. ريهام قفلت المكالمة وقالت بصوت قاطع
المستشفى ما يقدرش ينشر تشخيص مريضة زي حبيبة من غير إذنها الصريح، لمجرد إنه عايز يغطي على غلطته أو يداري بلاوي موظفة عنده.
الدكتور رأفت وشه جاب ألوان
طبعًا.. أنا ما قصدتش كده.. أنا قصدي… قاطعته ريهام
اللي المفروض تقولوه وتأكدوه للناس، إن موظفة من عندكم صورت مريضة غايبة عن الوعي ونشرت صورها من غير إذنها، وكتبت كلام مهين وكدب تسبب في انتشار إشاعات سخيفة.
ريهام بصت لي وقالت
التشخيص الطبي خط أحمر، ومحدش ينطق بيه إلا بقرار من حبيبة وبس.
هزيت رأسي موافقة. سارة رفعت حاجبها باستهزاء
هو إنتوا هتعملوها قضية رأي عام ورواية بوليسية ولا إيه؟
ريهام بصتلها نظرة كانت كفاية تخرسها، وقالت ببرود
أيوه.. وبكل الطرق القانونية.
سارة شكلها اتلخبط، ومبقاش عاجبها الوضع. بس زياد اتدخل تاني
يا ريهام، اهدي.. حبيبة محتاجة ترتاح دلوقتي. وكل الحوارات دي ممكن نحلها بعدين وبهدوء.
ريهام ردت عليه من غير ما تهتز
يا دكتور زياد، مع كامل احترامي ليك، أزمة السمعة دي شغالة دلوقتي وبالدقيقة. وعلى ما كنا بنتكلم كلمتين، التريند انتقل

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى