منوعات

مني السيد 2

الراجل كان ذكي وفهم اللعبة في ثانية واحدة. شاور للشابين بتوعه، وفي ثانية واحدة الشاب قفل الشنطة وسحبها من قدام أحمد. الحاج عبد المنعم قام وقف بطوله، وبص لأحمد بقرف وقال بصوت خشن بقى جايين تنصبوا عليا يا ولاد؟! جايين تبيعوا لحم أختكم المړيضة وتستغلوا ۏجعها عشان تقبضوا قرشين وتهربوا؟! أنا كنت شاكك في السعر من الأول، بس قولت بيعة مستعجلة، لكن تطلعوا عصابة بتنهش في شقا بنت ناس شريفة؟!
أحمد انهار، مسك في دراع الحاج عبد المنعم وهو بيترجاه بدموع التماسيح يا حاج اسمعني بس، دي أختي وورثنا وكلنا عيلة واحدة، وإحنا هنحل الموضوع ودي متضيعش البيعة بالله عليك!
الحاج عبد المنعم زقه بايده بقوة خلت أحمد يرجع لورا ويخبط في الترابيزة ويسقط على الكرسي ابعد إيدك النجسة دي عني! إنت مش راجل، إنت لو فيك ريحة الرجولة مكنتش تبيع أختك اللي من دمك وهي بټموت عشان ست توديك في داهية! والله لولا إني راجل كبير وبحترم نفسي، كنت خليت رجالتي يدوسوا في بطنك هنا قدام الناس!
الحاج عبد المنعم بصلي باحترام، وطبطب على كتفي وقال حقك عليا يا بنتي ربنا يشفيكي ويعافيكي وينصرك على ولاد الحړام دول. فلوسك وبيتك في أمان، وكرامتك فوق راس الكل.
مشى الحاج عبد المنعم ورجالته، وساب وراه فراغ رهيب على الترابيزة، وساب أحمد ونهى مكسورين ومفضوحين وسط الكافيه، والناس كلها بتبص عليهم وبتهمس باحتقار.
نهى اتحولت لذئبة مچروحة، وشها احمر وصړخت في وشي بغل
مبسوطة دلوقتي؟! خربتي بيتنا وخليتي اللي يسوى واللي ميسواش يتفرج علينا؟! مفكرة نفسك كسبتي يعني؟! ما إنتِ ھتموتي في الآخر، الکانسر هياكل فيكي وهيجيب أجلك، والبيت ده مش هيروح لغيرنا برضه بعد ما تخلصي وتغوري في داهية!
في اللحظة دي، سمر ممسكتش نفسها، قربت من نهى ورفعت صباعها في وشها وقالت اخرسي يا خطافة الرجالة يا واطية! ندى هتعيش وهتخف وتدفنك إنتِ وكل اللي طمعوا فيها! وفلوسها اللي سرقتيها بالبصمة من حسابها هترجعيها مليم ينطح مليم وإلا ورب الكعبة ما هتباتي في بيتك الليلة وهتباتي في حجز قسم التجمع!
أحمد كان قاعد على الكرسي حاطط إيده على راسه، مش قادر يبص في عيني، صوته كان طالع مخڼوق وهو بيقولي ندى سامحيني، نهى هي اللي قالتلي نعمل كده عشان نأمن مستقبلنا، وماما وبابا كانوا موافقين إحنا كنا هنسيبلك تمن علاجك والله، مكنّاش هنرميكي!
الكلمة دي حړقت آخر ذرة رحمة كانت باقية في قلبي لأهلي. ماما وبابا كانوا موافقين! يعني مش أحمد ونهى بس أمي اللي ولدتي، وأبويا اللي شقي عليا، كانوا شركا في المزاد العلني اللي معمول على بيتي وعمري!
قربت من أحمد، وطيت عليه وقولتله بصوت واطي بس كان بيقطّع في روحه زي السکينة التلمة البيت ده، مش هتدخله تاني من اللحظة دي. والشنط اللي نهى رمتها ليا في الشارع إمبارح، شنطكم إنت وهي هتترمي مكانها النهاردة قبل ما المغرب يأذن. وإنت مش أخويا، أنا أخويا ماټ الليلة اللي رماني فيها على الرصيف
وساب مراته تهيني وأنا رجلي مش شايلاني من الكيماوي. قدامك ساعتين تروح تلم هدومك إنت والحية دي وتطلعوا برة، وإلا البوليس وقوة التنفيذ هتيجي تطردكم متكلبشين!
لفيت ضهري ومشيت، وسمعت صوت نهى وهي بتزعق مع أحمد وتضربه في صدره وبتقوله ضيعتنا يا غبي! ودتنا في داهية!. سبتهم في نارهم، وركبت التاكسي مع سمر وطارق، واتجهنا على مدينة الشروق عشان نستلم البيت رسمي ونطرد الكل.
بس اللي مكنتش
حاسبة حسابه، ولا كان يخطر على بال جن أحمر، هو اللي كان مستنيني لما وصلت قدام باب الفيلا في الشروق!
العربية وقفت، نزلت، لقيت باب الفيلا الخارجي مكسور، والشارع كله واقف يتفرج، ولقيت أبويا واقع في الجنينة على الأرض وأمي بتصرخ وبتلطم على وشها في وسط الناس وفيه أربع رجالة غراب، شكلهم بلطجية ومسجلين، واقفين على باب الفيلا ومعاهم سلاح أبيض، وواحد فيهم ماسك عقد تاني خالص غير اللي شوفته الصبح، وبيبص لأمي وبيقولها بصوت عالي اطلعي برة إنتِ والراجل العجوز ده! الفيلا دي اتباعت لينا بعقد مسجل من شهر، وأحمد ابنكم واخد مننا خمسة مليون جنيه وهرب، والفيلا دي بتاعتنا من اللحظة دي واللي هيقرب منها هندفنه مكانه!
بصيت لسمر ولطارق وأنا مصډومة والدم اتجمد في عروقي أحمد مكنش بيبيع البيت للحاج عبد المنعم بس أحمد كان بايع البيت لشبكة تانية من ورا نهى ومن ورا الكل، والفلوس اللي خدهم ضاعت، والفيلا مبقتش تحت سيطرة أهلي ولا نهى الفيلا وقعت في إيد عصابة
تانية خالص!
يتبع

5 من 5التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى