لجزء الاول
جوزي اتجوز عليّا في السر، وعيلته كلها كانت عارفة
إنتي بتعملي إيه هنا يا نادية؟! مش قولنا لك النهارده ما تجيش؟! دي عزومة عائلية، وإحنا مستنيين مرات ابننا الجديدة!
كانت دي أول جملة سمعتها من حماتي، أمينة، أول ما فتحت باب شقتها يوم الجمعة، وأنا شايلة صينية اللحمة بالبطاطس اللي فضلت واقفة في المطبخ ساعات عشان أجهزها مخصوص للعزومة.
وقفت مكاني وبصيت لها بعدم استيعاب.
مرات ابنك الجديدة؟! هو حضرتك بتقولي إيه يا ماما؟!
حماتي اتلخبطت للحظة، لكنها سرعان ما رجعت لنبرة صوتها المتعالية وقالت
ادخلي بس، وبلاش تعملي دوشة من أول ما توصلي.
دخلت وأنا مستغربة تصرفاتها، لكن أول ما وصلت للصالون، حسيت إن رجلي مش شايلاني.
كريم… جوزي اللي متجوزاه من خمستاشر سنة، كان قاعد على الكنبة، وحاضن واحدة شابة لابسة فستان أنيق، وبطنها باينة بوضوح إنها حامل في شهورها الأخيرة.
إيده كانت على بطنها، وبيبصلها بحنان عمري ما تخيلت إنه ممكن يكون بيخفيه عني.
أما هي، فكانت قاعدة وسط عيلته بكل ثقة، كأنها صاحبة البيت!.. وقعت عيني على كريم، اللي أول ما شافني قام
من مكانه بسرعة. حصري على صفحة روايات و اقتباسات.
نادية! إنتِ جيتي إمتى؟!
بصيت له وأنا مش قادرة أصدق اللي شايفاه.
أنا اللي المفروض أسألك… مين دي يا كريم؟!
الست ابتسمت، وبصتلي من فوق لتحت، وبعدها قالت بسخرية يعني إنتِ نادية؟! مرات كريم الأولى؟
الكلمة نزلت عليّا زي الصاعقة.
مراته الأولى؟! إنتِ تقصدي إيه؟!
حطت إيدها على بطنها وقالت بكل برود
أنا ياسمين، مرات كريم التانية، وحامل في ابنه. أنا في الشهر السابع، وعلى فكرة إحنا متجوزين بقالنا أكتر من سنة.
حسيت إن الدنيا بتلف بيا. بصيت لكريم، مستنية ينكر، يقول إنها كدابة، أو حتى يحاول يبرر اللي بيحصل.
لكنه وقف ساكت، وعينه في الأرض.
إنت اتجوزت عليّا؟! من ورايا يا كريم؟! وإنت مخبي عني سنة كاملة؟!
رد بصوت متوتر
نادية، اهدي، الموضوع مش مستاهل كل الانفعال ده.
ضحكت من الصدمة.
مش مستاهل؟! إنت شايف إن جوازك عليّا في السر مش مستاهل؟! طب كنت ناوي تقولي إمتى؟ بعد ما تخلف؟ ولا بعد ما تسجل ابنه في بطاقتك؟!
ياسمين اتدخلت وهي بتعدل فستانها
بصراحة يا نادية، أنا كنت فاكرة إنك عارفة. كريم قالي إن علاقتكم منتهية
من زمان، وإنكم عايشين مع بعض عشان الظروف بس.
حكايات مني السيد
لفيت لها ببطء.
علاقتنا منتهية؟! ده أنا كنت لسه من يومين بجهز له هدومه للشغل، وبحضر له أكله، وبصرف على البيت!
حماتي أمينة اتدخلت بعصبية
خلاص بقى يا نادية! إنتِ هتفضلي تعملي فيها ضحېة لحد إمتى؟! كريم راجل ومن حقه يتجوز ويخلف، وإنتِ بقالك خمستاشر سنة ما جبتيلوش عيل!
بصيت لها وأنا مش مصدقة قسۏة كلامها.
يعني إنتِ كمان كنتِ عارفة؟!
ردت بكل بساطة
أيوه، إحنا كلنا عارفين من زمان، ومحدش فينا كان عايز يجرحك.
بصيت حواليا… حمايا، عماد، كان قاعد ساكت، وأخت كريم، داليا، كانت بتبص في موبايلها، وكأن الموضوع عادي جدًا.
كلهم كانوا عارفين! كلهم كانوا بيضحكوا في وشي، وبيستقبلوني في بيوتهم، وياخدوا مني فلوس وهدايا ومساعدات، وفي نفس الوقت مخبيين عني إن جوزي متجوز واحدة تانية!
١٥ سنة كنت فاكرة نفسي فرد من العيلة دي، لكن اكتشفت إني كنت مجرد واحدة بيستفيدوا منها.
كريم قرب مني وقال
نادية، خلينا نتكلم بعد الغدا، ومش عايز مشاكل قدام أهلي.
بصيت له وقلت بۏجع
بعد الغدا؟! إنت عايزني أقعد آكل مع مراتك
التانية على نفس السفرة؟!
ياسمين ابتسمت وقالت
