عدين صوتها اتقطع من العياط:”في حاجة تخص ابننا.. عمري ما حكيتها لأي مخلوق”.قلبي وقف.”ولو في يوم عرفتها.. هتعرف ليه مستحيل أرجع البيت ده تاني طول عمري”.التسجيل خلص. حكايات شروق خالدالفصل الرابع: البداية الجديدةعدت السنين، والدرسفضل محفور جوه روحي كأنه جرح ما بيتعالجش.
مستمتعتش بمليار واحد من الفلوس اللي سبتها لمريم؛ لأني فهمت متأخر أوي إن الفلوس من غير ناس تكمل معاهم.. مجرد ورق بيزيد تزوير الحزن. اتبرعت بباقي ثروتي لمؤسسات خيرية باسم “مريم”، وقررت أعيش حياة بسيطة جداً، في شقة صغيرة تليق بالراجل اللي كنت عليه يوم ما قابلت مريم أول مرة، قبل ما الدماغ تتخرب بالفلوس.
كنت كل فترة أعدي من قدام المؤسسة اللي بتشتغل فيها، من غير ما أقرب أو أضايقها.. كنت بس بكتفي أشوفها من بعيد وهي بتضحكة صادقة مع الأطفال والستات اللي بتساعدهم، وشايف النور اللي رجع لعينها، النور اللي أنا طفيته بغبائي وطمعي.
وفي يوم شتوي هادي، وأنا قاعد في قهوة شعبية قديمة بشرب شاي مظبوط، لقيت طفل صغير بينادي عليّ ومد إيده بوردة جورية حمراء، وقال بصوت بريء:”الست اللي قاعدة هناك دي بتقولك.. الوردة دي تذكرة إن البدايات الجديدة ممكنة.. بس للرجالة اللي اتعلمت الدرس بجد.”قلبي دق بجنون.
. لفيت وشي بسرعة، لقيت مريم واقفة على بُعد خطوات، لابسة نفس الهدوء والوقار اللي عشقتها عشانه، وبتديني ابتسامة خفيفة مليانة تسامح وسلام داخلي. قمت وقفت.. رجليا كانت بتهتز، وقربت منها بخطوات بطيئة، وقلت بصوت متهدج:”مريم.. إنتِ.. سامحتيني بجد؟
“بصتلي بعيون كلها دفء وقالت:”سامحتك يا طارق.. عشان الشيل كان تقيل أوي، وعشان الإنسان مبيقدرش يعيش طول عمره ساجن روحه في الماضي. بس رجوعنا لبعض.. مش هيكون زي زمان. لو تحب.. تبدأ من جديد، كطارق القديم اللي حبني وأنا حافية.. أهلاً بيك.
“ابتسمت، ودموع الفرح نزلت غصب عني لأول مرة من سنين طويلة.. حسيت إن روحي ردت فيا، وإن ربنا بيعوض صبري وندمي بفرصة تانية ماكنتش أحلم بيها. مسكت الوردة وجاوبتها بصوت طالع من قلبي:”مستعد أبدأ من تحت الصفر.. المهم أكون معاكي.
“ومن اليوم ده، عرفت إن الندم الحقيقي بيخلق بني آدم جديد، وإن أغلى ما في الكون مش القصور والمليارات.. دي كلمة “حبيبي” لما تطلع من قلب إنسان بيحبك لشخصك.. مش لفلوسك.#حكايات_شروق_خالد
حكايات شروق خالدالفصل الثاني: الوجه الآخر للثروةالقصر اللي كان المفروض يكون دافئ، بقى أشبه بالمقبرة.
الكرسي اللي كانت مريم بتقعد عليه وهي مستنياني بالليل، بقى شاهد على غبائي. بصيت للرسالة الليلة دي ألف مرة، والحروف كانت بتتحول لسكاكين بتطعمني في صمت.”لو في يوم عرفتها.. هتعرف ليه مستحيل أرجع البيت ده تاني طول عمري.”يعني إيه؟
إيه اللي ممكن يكون أفظع من إننا خسّرنا ابننا وأنا قاعد مع واحدة تانية في الجونة؟مسكت تليفوني وبدأت أدور في سجلات المستشفيات، وكلمت مدير أعمالي، ودفعت أضعاف المبالغ عشان أوصل لأي خيط. بعد يومين من الهلوسة والعصبية، وصلني ملف الطبيب المعالج لمريم في مستشفى خاص بالدقي.
سُقت عربيتي بجنون لحد هناك، ودخلت مكتب الدكاترة كأني مجنون. الدكتور فتح الملف وبصلي بنظرة كلها قهر واحتقار وقال بصوت واطي:”أنت مستوعب المدام مرت بإيه يا طارق بيه؟””قولي.. حصل إيه يومها؟”بلع ريقه وكمل: “المدام جاتنا ونزيف حاد مالي هدومها، وكان لازم تدخل عمليات فوراً عشان ننقذ حياتها.
