
ناموا، قعدنا في البلكونة. ال 10 مليار… مش عشان ترجعي. عارفة. ولا عشان أشتريكي. دي لسة بحددها مع نفسي. ابتسم نص ابتسامة حقك. أومال بتوع إيه؟
بص للبحر وقال بعد ما حمزة اتولد، جدي سألني لو حصلك حاجة، مريم هتعمل إيه؟ قلت له هيكون معاها فلوس. سألني كام؟ ما عرفتش أرد… وقتها اكتشفت إن كل حاجة باسمي؛ البيوت، الأسهم، الحسابات… حتى مصروفك الشخصي كان واقف على تحويل مني كل شهر. وما حبتش الوضع ده.
وبعد سنتين افتكرت تتغير؟ أيوة. سريع أوي أنت! تقبل مني التريقة وقال لما عرفنا إنها بنت، جدتي بدأت تتكلم عن العيل التالت. حسيت بغيظ قالتلي أنا كمان. عارف… سمعتها مرة. اتساءلت بذهول وعملت إيه؟ قلت لها لأ. عمرك ما قلتلي إنك وقفتها! ما افتكرتش إنها تفصيلة مهمة إنك تعرفيها.
ضحكت بصوت عالي من شړ البلية. ناصر حط إيده على وشه وقال عارف شكل الكلام يطلع إزاي دلوقتي… بس أنا فهمت وقتها إنك لو قررتِ تمشي في يوم، مش هيكون معاكي حاجة بجد ملكك. فلوسك كانت مجرد المصروف اللي بتحكم فيه، وما حبتش إحساسي بكسرتك ده.
فحولت الأسهم من غير ما تقولي؟ كنت هقولك بعد الولادة. أنت كنت فاكر إن الحركة دي هتخليني أقعد؟ وشه اتغير وقال بصوت واطي لأ… بس كنت أتمنى. أخيراً… كلمة بني آدمين حقيقيين!
بس الاتفاق مكتوب فيه إن الفلوس دي بتاعتي حتى لو اتطلقنا! عشان لو كانت متوقفة على قعادك معايا، ما كانتش هتكون ملكك بجد.
السكتة كلتني لثواني طب أنت عايز إيه دلوقتي يا ناصر؟ بص لأوضة العيال وقال عايز يكون عندك سبب يحسسك إنك مش ضيفة في بيتي.
بلعت ريقي بصعوبة ناصر… أنت هكصتها أوي. عارف. عشان بدل ما تقولي البيت ده بيتك، بعتلي أوراق ب 10 مليار! ما كنتش بعرف أقول الكلام التاني.
ده كان جوهر جوازنا… مش شړ، ولا حتى عدم اهتمام مطلق، بس عجز رهيب في ترجمة النوايا لمشاعر. بس كونه عنده مبرر مش معناه إني لازم أرجع.
أنا هفضل منفصلة. اتسمر مكانه حتى بعد كل ده؟ بالذات بعد كل ده… عشان لأول مرة محتاجين نعرف أنت عايز مرتك بجد، ولا مجرد خاېف تخسر حاجة كنت ضامن وجودها.
الكلمة وجعته أنا عايز عيلتي. يبقى ابدأ كون جزء منها من غير ما نكون تحت سقف واحد. ممكن أجي أشوفهم؟ أيوة. كل يوم؟ لأ. أربع أيام؟ يومين. تلاتة. بصيت له أنت ببتفاوض على العيال كأنها صفقة استحواذ؟ ابتسم وقال ده الحساب الوحيد اللي بشاطر فيه. ما قدرتش أمنع نفسي من الابتسامة تلاتة.
خلال الشهور اللي بعدها، ناصر كان ملتزم. في الأول كان الموضوع مضحك بجد؛ يجي الساعة ستة بالظبط، جايب بامبرز مقاس غلط، مش عارف أني هدوم بتلبس أمتى… مرة كان بيديل البزازة لمريم وهي سخنة ڼار، حمزة زعق فيه بابا! قيسها على إيدك الأول! ونفذ كلام عيل عنده تلات سنين من غير ما يجادل.
واحدة واحدة بدأ يتعلم؛ حفظ المواعيد، الأغاني، الأدوية، أنهي حدوتة بتنيم حمزة، وإزاي يشيل مريم لما يجيلها مغص.
في نفس
الوقت، علاقته بجدته زاهية اڼفجرت. ناصر فتح التحقيق في اللي حصل يوم الولادة واكتشف إن المحادثة اللي ادعت إنها دارت بيني وبينها ما حصلتش اصلاً، واكتشف بلاوي تانية؛ كانت بتفلتر كل الرسائل اللي بيننا طول السنين اللي فاتت… طلبي إني أروح معاه مناسبات، إني أغير مواعيد، حتى رغبتي إني أرجع أدرس… كانت دايماً ترد عن لسانه ناصر شايف إن ده مش وقته.
لما حكالي، ما حسيتش بانتصار، حسيت بتعب أنت سبت نفسك تدار وتتوجه يا ناصر. أيوة. وأنا اللي دفعت التمن. أيوة… بس أنا مش بلومها هي بس. استغربت ليه؟ عشان هي كانت بتفلتر الرسائل، بس ما كانتش تقدر تمنعني إني أعدي الممر وأسألك بنفسك أنتِ عاملة إيه.
الإجابة دي كانت أول إشارة حقيقية إنه بجد بيتغير.
ناصر ساب فيلا العيلة، وده عمل ضجة كبيرة. جدته لامتني وأنا ما رديتش. حاولت تستخدم العيال عشان تضغط عليه يرجع، بس ناصر حط خط أحمر وقال لها ما تتكلميش عن ولادي كأنهم ورثة قبل ما يكونوا أطفال. دي كانت أول مرة حد في العيلة ينطق الجملة دي في وشها.
اشتريت بيت صغير قريب من البحر، مش بفلوس ال 10 مليار، بفلوسي وأرباحي الخاصة. لما ناصر عرف سألني ليه؟ قلت له عشان كنت عايزة اشتري حاجة أحس إنها ملكي بجد. ما الأسهم ملكك. عارفة… بس مش كل حاجة بتقاس بقيمتها المادية. بصلي وقال أنا بتعلم ده دلوقتي.
ال 10 مليار فضلت زي ما هي في البنك، ما رجعتهاش لأن عدم قبولها كان هيبقى مجرد كبرياء زائف. ناصر حولهم بغير شروط، وبقوا ملكي، مش كتمن لمشيت، بس كاعتراف بحقي.
بعد سنة، مريم كملت سنة. عملنا حفلة صغيرة، ناصر جه بدري، ساعد في الترتيب، ونفخ البالونات غشيم جداً وحمزة اتريق عليه. بعد الحفلة، لقاني بلم الكوبايات فقال لي مريم… معايا حاجة علشأنك. جسمي اتشد لو دي أوراق مالية تانية أنا ماشية! طلّع علبة صغيرة وقال ده مش خاتم… دي مفتاح. مفتاح إيه؟ بيت… مش ليكي، ليا أنا. اشتريت بيت على بعد تمان دقايق من هنا عشان أكون قريب من العيال.
بصيت للمفتاح… ما كانش فيه ورد ولا وعود كبيرة ولا مليارات، مجرد بيت على بعد تمان دقايق. بس التصرف ده أثر فيا أوي.
مرت الشهور، ونظم ناصر علاقة سوية مع عياله؛ بياخدهم للدكتور، بيلبسهم، بيحضر اجتماعات المدرسة، وأهم حاجة… لما بيوعدهم بحاجة بيعملها. في ليلة حمزة سخن، كلمت ناصر من غير ما أفكر، جه بعد 18 دقيقة وفضل سهران للصبح. الساعة خمسة لقيتها نايم على الأرض جنب سرير حمزة. المنظر ده لمس قلبي… ده اللي كنت عايزاه طول عمري؛ وجود حقيقي، مش ملايين ولا عربيات بسواقين. حد ينيم على الأرض الساعة خمسة الصبح عشان ابنه تعبان.
بعد سنتين من مشيتي، زاهية هانم تعبت وطلبت تشوفني. زرتها في المستشفى وكانت باينة صغرت أوي عن زمان. قالت لي بضعف أنتِ كسبتي يا مريم. قلت لها أنا عمري ما دخلت سباق. أنتِ أخدتي ناصر مني. أنا ما أخدتش حد من حد. بصلتي بغيظ وقالت أنتِ
غيرتيه… زمان كان بيسمع كلامي. قلت لها ودي كانت المشكلة… زمان كنت بأخلط بين إن حد محتاجني وبين إنه بيحبني.
قبل ما أمشي قالت لي أنتِ كنتِ زوجة صالحة. وده كان أقصى اعتذار ممكن أسمعه منها.
خارج الغرفة، كان ناصر مستنيني أخبار الجلسة إيه؟ عدت على خير. مشينا شوية وقال لي هي سألتك هترجعيلي؟ أيوة. وما سألتنيش رديتِ إيه؟ عشان لو عايزة تقوليلي هتقولي من نفسك.
بصيت له… زمان كان هيضغط ويتحكم، دلوقتي بقى بيصبر. قلت له قلت لها مش عارفة. ابتسم وقال دي إجابة أحسن من إجابة إمبارح.
ما رجعناش لبعض على طول. بدأنا بعزومات عشاء، بعدين خروجات مع العيال، وبعدين خروجة من غيرهم. أول تاريخ حقيقي بيننا كان
بعد خمس سنين من جوازنا الأولاني! جه بدري وجاب ورد وقال لي المساعد قال لي ده الطبيعي في المواعيد دي. ضحكت أنت بتسأل المساعد إزاي تعمل دايت؟ط قال أنا ما بعرفش أعمل الحاجات دي.
حكيت له عن حلمي القديم إني أفتح محل ورد وتنظيم حفلات، وقلت له إني فتحته فعلاً من تلات شهور من غير ما أقوله عشان ما يجينيش ب 10 مليار يموله. ضحك وقال صح عندك حق. والمحل نجح وجاب أرباحه بنفسه.
بعد تلات سنين من يوم شرم الشيخ… ناصر وأنا اتجوزنا تاني. ما كانش فيه فيلا، ولا 500 معزوم، ولا جدة بتتحكم. حمزة هو اللي شايل الدبل، ومريم بترمي الورد. قبل ما نمضي ناصر وطي عليا وقال أنتِ متأكدة؟ دي كانت أول مرة حد يسألني السؤال ده بجد. قلت له أيوة… ولو في يوم أردت تمشي؟ ابتسم وقال بس المرة دي هأسألك ليه قبل ما أحولك 10 مليار تانيين!
ضحكت من قلبي. وافتكرت التحويل الأولاني… زمان كنت فاكراه ثمن خروجي من حياته، بس اكتشفت إنه كان الطريقة الغشيمة الوحيدة لراجل مش بيعرف يعبر عن مشاعره عشان يقولي عايز أضمن لك حاجة ما حدش يقدر ياخدها منك، حتى لو قررتِ تسيبيني.
الفلوس ما كانتش سبب رجوعي ولا كانت سبب قعادي، اللي غير قصتنا هو إنه وقف يسأل نفسه يديني كام عشان أطمن، وبدأ يسألني أنا محتاجة إيه. ساعات كانت الإجابة مساحة، وساعات إني ألاقيه في الميعاد، وساعات مجرد إنه يقعد جنبي.
النهارده، لما حد بيسألني عملتِ إيه بال 10 مليار؟ برُد أقول ولا حاجة… الفلوس لسة زي ما هي. بس ما بقيتش أشوفها كرمز لنهاية جوازنا الأول، بقيتا أشوفها رمز لكل حاجة كانت غلط فينا؛ ناصر افتكر إن الفلوس تبدل الكلام، وأنا افتكرت إن السكوت معناه بيع. والسكوت عمره ما كان محايد، دايماً فيه حد بيملى الفراغ ده… إما كبرياء، إما زن، أو استنتاج غلط.
الفلوس كانت تقدر تشتري فيلا، وأوضة مستشفى فاخرة، ودادة، وعربية… بس الليلة دي لما ولدت بنتي، كنت هبدل كل ده بحاجة واحدة بس إن ناصر يفتح باب الأوضة، يقعد جنبي، ويقولي أنا هنا.
أخد سنين عشان يتعلمها… بس في الآخر، اتعلمها. والمرة دي لما دخل حياتي، ما كانش شايل عقود في إيده، كان شايل وجوده هو بس.
النهاية
خاص لصفحة
روايات وحكايات محمد نور و وردة احمد
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”



