
اتنهد وقال ناصر بيه حول لحضرتك حصة شخصية باسمك قيمتها تقارب ال 10 مليار. إيدي اتجمدت على الموبايل حصة في إيه؟ في مجموعة الزهيري القابضة.
كنت هوقع الموبايل من إيدي. أنا عارفة الاسم ده كويس، مش لأن ناصر بيحكيلي عن الشغل عمره ما عملها بس حتى أنا كنت عارفة إن المجموعة دي هي اللي شايلة كل أصول العيلة.
نسبة قد إيه؟ 8 6. وليه يعمل حاجة زي دي؟ السؤال ده تسأليه لناصر بيه. أنا بأسألك أنت! الراجل تردد التعليمات اللي جت لنا إن التحويل ده نهائي ولا يمكن الرجوع فيه. حتى لو مشيت؟ بالذات لو مشيتِ.
الكلمة دي لخبطتني أكتر وأكتر أنا مش فاهمة حاجة. ناصر بيه عدل الهيكل المالي بعد ولادة البنت. أمتى؟ قبل الولادة. قبلها بقد إيه؟ بخمس أسابيع.
دماغي بدأت ترتب التواريخ… من خمس أسابيع كنت لسة عايشة في الفيلا، لسة
بعمل الفطار، لسة بتظاهر إني مش ملاحظة إنه بيرجع متأخر أكتر وأكتر.
هو كان عارف إني عايزه أمشي؟ ما أقدرش أجاوبك. كان فيه أي شرط يخصني؟ أيوة… إن الحصة دي تفضل باسمك بغض النظر عن استمرار الجواز من عدمه.
ضغطت على الموبايل والعيال؟ اتعمل لهم صناديق أصول منفصلة. حمزة من يوم ولادته، وبنتي مريم الصغيرة اتعمل لها قبل ما تتولد ب 48 ساعة.
غمضت عيني. ناصر كان مجهز كل حاجة؛ الفلوس، الأسهم، الأصول، الأمان المالي… كل حاجة ما عدا إنه يكون موجود بنفسه. السخرية كانت ۏجعاك أوي.
يعني هو فاكر إن ده معناه إنه بيخلي باله مننا؟ المحامي ما ردش… وما كانش محتاج يرد. أيوة، بالنسبة لراجل زي ناصر، هو ده الحب؛ يحول أسهم، يعمل صناديق استثمار، يؤمن أرقام. الحساسية والحنية وإنه يقعد جنب سرير ويمسك إيد… دي حاجات عمره ما اتعلمها.
قفلت مع المحامي، وبعد ساعة جالي رسالة منه أنا جاي شرم. رديت على طول لأ. أنا في المطار خلاص. ما تجيش. محتاجين نتكلم. أحنا بقالنا تلات سنين محتاجين نتكلم. سكت شوية وبعدين كتب يبقى أحنا متأخرين تلات سنين.
ما عرفتش أرد بأيه.
وصل ناصر على العصر. من غير مساعدين، من غير حراسة، ومن غير البدلة الرسمية. كان لابيس قميص أبيض مكسر ووشه باين عليه التعب ومن غير نوم.
ابني شافه قبلي بابا! حمزة جرى عليه، ناصر وطي لغايت عنده وحضنه بطفاسة. ولأول مرة ألاحظ حاجة كانت يمكن موجودة طول عمرها بس أنا ما شوفتهاش بوضوح قبل كده… ناصر غمض عينه وهو حاضنه، ما كانش سلام روتيني، كان فعلاً وحشه.
حمزة كان بيتكلم من غير ما يتنفس أحنا روخنا البسين وماما جابتلي آيس كريم، ومريم اختي بتنام كتير أوي، والبارحة عيطت وأنا ما عيطتش عشان أنا كبير… ناصر كان بيسمع بجد، وبعدين بصلي وقال ممكن أشوف مريم؟ جوه.
دخل بالراحة، البنت كانت نايمة في سريرها. ناصر وقف وما لمسهاش، كان بس بيبص عليها اتغيرت. عندها تمان أيام. عارف. ما كانش باين عليك إنك عارف لما اتولدت.
جز على أسنانه وقال ما جيتش لأني افتكرت إن وجودي هيبقى أوحش. الكلمة لجلجتني أوحش من إني أكون لوحدي؟ جدتي كانت هناك. خمس دقايق ومشيت! ما كنتش اعرف. أكيد ما كنتش تعرف.
لفلي وقال مريم… الصبحية
دي أحنا اتخانقنا. كنت فاكرة اليوم ده؛ قبل الولادة بيومين سألته بوضوح أنا إيه بالنسبة لك؟ رد وقال مراتي. قلت له ده حالة اجتماعية في البطاقة. قال مش فاهم أنتِ عايزة إجابة إيه. قلت له عايزة اعرف لو أنا مش موجودة بكرة، هتحس بفرق؟ فسكت… فقلت له تمام، أنا فهمت. وما اتكلمناش بعدها.
كمل ناصر وقال افتكرت إنك مش عايزة تشوفيني. فقررت ما تسألش حتى؟ أيوة. عبقري! ما قلتش إن قرار صح.
لأول مرة ناصر كان باين عليه إنه مش مرتاح، مش ڠضبان ولا بيمارس سلطته، كان بجد متلخبط. لما المستشفى كلمتني، كنت خلاص هأدخل. تدخل فين؟ المستشفى… كنت وصلتها وركنت عربيتي تحت.
بصيت له بذهول وليه ما طلعتش؟ ناصر نزل عينه في الأرض جدتي كلمتني… قالتلي إنك سألتي على الخروج وإنك مش عايزة تشوفيني. أنا عمر ما قلت كده! عارف دلوقتي. قشعريرة مشيت في جسمي وقالت لك إيه تاني؟ قالت لي إنك طلبتِ ننهي الاتفاق بعد الولادة. ولا ده حصل!
ناصر قبض على إيده بغل قالت لي لو طلعت لها هتصغر نفسك وهتهينك.
فجأة حاجات كتير بدأت تترسخ في دماغي بشكل جديد. ده مش بيبغض ناصر من الغلط لأن السؤال البديهي يفضل موجود وليه صدقتها؟ بصلي وقال عشان كان أسهل من إني أطلع وأسألك بنفسي.
الإجابة دي كانت صريحة أوي… صريحة بۏجع. بالظبط… ده اللي بتعمله بقالك تلات سنين. إيه؟ بتصدق الرواية اللي مش بتكلفك مجهود. جدتك تقولك مريم مبسوطة بالفلوس فتصدق، تقولك مش عايزة عزومات فما تسألش، تقولك مريم مفضلة العيال يتربوا مع الدادات فتوافق… ولما تقولك مش عايزة تشوفك بعد الولادة… حتى ما بتهونش عليك تطلع الدور التاني تسأل!
قعدت على الكرسي وأنا باخد نفسي بالعافية والنتيجة إيه؟ قعد قصادي وقال ليه ما قلتليش الكلام ده زمان؟ ضحكت بمرارة حاولت كتير… أنا مش فاكر… هي دي المشكلة! أنت مش فاكر محادثات كانت مصيرية بالنسبة لي، لأنها بالنسبة لك كانت كلام فارغ.
غمض عينه وقال فهمت. لأ… أنت يلا بدأت تفهم.
حمزة جه بيلعب بلعبة دينصور بابا، العب معايا. ناصر بصلي، قلت له روح العب معاه. وقام لعب معاه… أربعين دقيقة كاملة من غير ما يبص في الموبايل بصة واحدة. تفصيلة صغيرة بس بالنسبة لحمزة كانت حدث
جلل.
بالليل، بعد ما العيال



