رجعت البيت قبل المغرب.. أول حاجة عملتها إني طلعت مفتاح الشقة من شنطتي ووقفت قدام الباب شوية.. نفس المكان، نفس الباب، نفس الكالون.
دخلت.. كل حاجة كانت تقريبًا زي ما هي. لما غاب، ما قدرتش أغير حاجة، كنت حاسة إني لو غيرت مكان الكنبة أو رميت حاجة من هدومه كأن ببتعد عنه. حتى كوبايته المفضلة كانت في المطبخ.
فتحت دولاب هدومه.. هدومه كانت موجودة: جاكيت، قمصان، بنطلونات.. حاجات كنت متأكدة إني سلمتها لأخوه زمان.
وقفت مكاني وإيدي بدأت ترتعش.. مسكت قميص أزرق، كان عليه أثر خفيف من عطره. قربته من وشي ودموعي نزلت غصب عني، مش عشان وحشني بس، لكن عشان فهمت فجأة إن كل الذكريات دي وراها قصة تانية.
سمعت صوت مفتاح في الباب.. اتجمدت.. لفيت.. الباب اتفتح وكريم دخل.
وقفنا نبص لبعض، ولا واحد فينا اتكلم، لحد ما هو كسر الصمت:
أنا عارف إنك عندك ألف سؤال.
عندي أكتر.
قفل الباب وراه:
اقعدي.
مش هقعد.. اتكلم.
اتنهد وقعد على الكرسي، وأنا فضلت واقفة:
أنا ما كنتش بعيد بمزادي.
أمال إيه؟
حصلت ظروف خارجة عن إرادتي، واضطريت أختفي عشان أحمي نفسي وأحميكم.
تحمي مين؟
قبل ما يرد، موبايلي رن.. رقم مجهول.. بصيت لكريم ورديت.
صوت راجل كبير قال:
إنتي معاه؟
أيوه.
يبقى لازم تعرفي الحقيقة كاملة.
بصيت لكريم، والصوت كمل:
كريم ما اختفاش بمزاجه.
كريم قام فجأة:
اقفلي!
الصوت ضحك:
قولها مين اللي ساعدك.
كريم شد الموبايل من إيدي:
إنت عايز إيه؟
جاء الرد:
الملفات.
وبعدين الخط اتقفل.
بصيت لكريم:
ملفات إيه؟
ما ردش.
إنت لسه مخبي حاجة.
فضل ساكت.. قربت منه:
وإنت عارف الراجل ده.
أيوه.
مين؟
رفع عينه لي:
أبو سارة.
اتجمدت:
أبو سارة؟!
أيوه.. الراجل اللي توفى النهارده هو اللي ساعدني أختفي وأحمي نفسي طول السنة.
طيب ليه كنت واقف جنب بنته وبتقول إنه خطيبها؟
هنا وشه اتغير:
دي النقطة اللي لازم تعرفيها.
تاني يوم الصبح، صحيت على رسالة من سارة: “ممكن أشوفك ضروري؟”
قابلتها في كافيه هادي.. أول ما قعدت قدامي، كانت عينيها متعبة وقالت:
أنا محتاجة أعتذرلك.
على إيه؟
على كريم.
سكتت.. أنا عارفة إنه جوزك.
قلبي وقف:
إيه؟
بصتلي في عيني:
أنا عارفة من أول ما شفتك في العزا.. أبويا حكالي.
وأنتي عرفتي إمتى؟
من شهرين.
والخطوبة؟
دموعها نزلت:
كدبة عشان نحميه.
وبعدين حطت قدامي ظرف بني:
بابا كان سايبلك ده قبل ما يرحل، علشان تعرفي الحقيقة اللي كان خايف تضيع.
الجزء الثالث: الحقيقة المدفونة
رجعت البيت وأنا ماسكة الظرف كأني ماسكة سر كبير.. قعدت على السفرة وطلعت الصور واحدة واحدة.
الصورة الأولى كانت لكريم وهو داخل مبنى قديم.. التانية كانت له مع راجل ما أعرفوش.. التالتة قدام مستشفى.
أما الصورة الرابعة.. فكانت الصدمة: كريم واقف جنب عربية، وبجانبه رجل أعرفه كويس.. حسام، أخو كريم!
أقرب شخص له، الراجل اللي بعد غيابه كان أول واحد حضني وقال لي “إحنا أهلك”، واللي كان كل أسبوع يسألني لو محتاجة حاجة، واللي حضر معايا كل الإجراءات زمان.
قلبي اتقبض.. مسكت الصورة وتحتها ورقة مكتوب بخط أبو سارة: “الشخص اللي بدأ كل شيء هو حسام”.
رجعت أسند ظهري للكرسي وما قدرتش أتنفس.. اتصلت بكريم، رد بعد أول رنة:
أيوه.
أخوك.. كان عارف إنك عايش؟
صمت..
كريم، رد عليا.
أيوه.
قفلتي عيني:
من إمتى؟
من أول يوم غياب.
وكان بيساعدك؟
في الأول.. وبعدين حاول يبعدني تمامًا.
ليه؟
لأن الملفات اللي معايا كانت بتثبت إنه متورط في تلاعب كبير بالشركة.
بصيت للصورة وفهمت.. حسام كان عارف كل حاجة، وعارف إن كريم اكتشف التلاعب، لكن كريم نجى واضطر يختفي، وساعتها ظهر أبو سارة وساعده يحمي نفسه.
لكن السؤال الأهم: ليه سارة وافقت تظهر كخطيبته؟
لما سألت كريم، قال:
أبوها كان عايز يحمينا كلنا من نفس الأشخاص اللي بيحاولوا يغطوا على أخطائهم.
وأنا فين من كل ده؟
كنت بحميكي من أي خطر ممكن يوصلك.
ضحكت بمرارة:
بتحميني؟! إنت عارف أنا عشت إزاي السنة دي؟
صوته كان مكسور:
عارف.. بس لو كانوا عرفوا إنك على دراية بكل حاجة، كانوا استغلوكي عشان يوصلوا لي.
سكتنا شوية.. وبعدين قال:
لكنان أنا غلطت لما سيبتك لوحدك وخليتك تعتقدي إني مش راجع.
وأنا كمان لازم أقولك.. أنا ما كنتش هتجوز، دي كانت طريقة عشان أغيظك بس.
ضحك وقال:
نجحتي.. بس لازم تمشي من هنا دلوقتي، حسام عارف إني رجعت.
في نفس اللحظة، سمعت صوت خبط على الباب.. كريم قال:
ما تفتحيش.
الخبط اتكرر وبعدين صوت رجولي:
داليا، افتحي.. أنا عارف إني جوه.
كان حسام!
كريم قال:
اقفلي الباب.
عملت كده.. حسام خبط تاني، وبعدين سمعت صوت تكسير وفوضى في الخارج، وصوت كريم بيرتفع:
ابعد عنها!
خرجت بسرعة وشفت صراع خفيف بينه وبين حسام، وأول ما حسام شافني رفع عينه وقال:
إنتي السبب.. لو كنتي بعدتي، ما كانش حصل كل ده.
كريم قام وقال:
ما تسمعش كلامه.
حسام طلع فلاشة من جيبه وقال:
الحقيقة كلها هنا.. جوزك ما كانش مجرد موظف بسيط.
وقبل ما نكمل كلامنا، سمعنا صفارات شرطة من الشارع.. حسام ارتبك ورمى الفلاشة في سلة صغيرة، لكن كريم سبق و حاول ينقذها.
في اللحظات دي، دخلت الشرطة وكللت المكان، وتم القبض على حسام بعد اعترافه بكل شيء وتورطه في محاولة إخفاء الحقيقة.
الجزء الرابع: بداية جديدة
روحت أنا وكريم عند سارة في نفس الليلة.. كانت قاعدة في مكتب أبوها وحطت ظرف أبيض على المكتب:
بابا قال إن الظرف ده لو وصل لكريم، يبقى الحقيقة كلها ظهرت.
كريم فتحه.. كان جواه خطاب بيوضح كل تفاصيل التلاعب، وأسماء الأشخاص المتورطين بأسندات رسمية، وورقة بتثبت براءة والد داليا تمامًا من أي تهمة، وأن حسام والمدير هما المسؤولان عن كل شيء.
بعد أسبوعين، القضية انتهت تمامًا.. الشرطة قبضت على مدير الشركة، وحسام اعترف بكل التفاصيل، ورجع كريم البيت بشكل رسمي.
وقف عند الباب وقال:
ينفع أدخل؟
بصيت له وقلت:
ده بيتك.
دخل وبص حواليه.. كل حاجة كانت زي ما هي، حتى كوبايته المفضلة.
إنتي لسه محتفظة بكل حاجتي؟
أيوه، لأنك رجعت في النهاية.
بعد تلات شهور، كريم جه البيت ومعاه باقة ورد.. وقف قدامي ونزل على ركبة واحدة، وطلع علبة صغيرة فيها خاتم جديد وقال:
نتجوز من جديد؟
ضحكت:
إحنا متجوزين.
عارف.. بس الجوازة الأولى بدأت بحب، وعاوز الجوازة التانية تبدأ بالحقيقة من غير أسرار.. توافقي؟
بصيت له وقلت:
هجواوب بشرط.. لو حصل أي ظرف في المستقبل، تشاركني فيه وما تبعدش تاني.
ضحك وقال:
وعد.
وفي يوم الفرح التاني، ما كانش فيه غموض ولا أسرار، كان فيه قاعة مليانة نور وأمل.. ولما المأذون سأله: “تقبل الزواج منها؟” بص لي وقال:
أقبل، والمرة دي مش هسيبك أبدًا.
ضحكت وقلت:
والمرة دي أنا متأكدة إننا هنواجه أي حاجة سوا، لأن الحب الحقيقي مبني على الصراحة والثقة الكاملة.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
