فيا بالشكل ده؟
وجاء يوم النتيجة.
كريم راح المعمل لوحده، وبعد شوية اتصل بيا وقال إن الدكتور عايز يقابله قبل ما يسلمه التقرير.
استغربت، لكن ماكنتش أعرف إن المقابلة دي هتغير كل حاجة.
دخل كريم مكتب الدكتور، ولقى التقرير قدامه، لكن الدكتور ما ادّهوش الورقة فوراً.
بصله بجدية وقال
قبل ما تشوف نتيجة التحليل، في معلومة مهمة لازم تعرفها لأن الموضوع مش مجرد تحليل نسب زي ما إنت فاكر.
كريم اتوتر وسأله
يعني إيه؟ في حاجة غلط؟
الدكتور سكت لحظة، وبعدين فتح ملف تاني كان موجود على مكتبه وقال
إحنا راجعنا بيانات العينة، وظهر قدامنا اختلاف في معلومة أساسية تخصك إنت شخصياً
كريم حس إن نفسه اتسحب، وسأله بصوت متقطع
تخصني أنا؟ إزاي؟
الدكتور قرب منه التقرير وقال
أنا محتاج أسألك سؤال الأول إنت متأكد إن والدتك قالت لك الحقيقة كاملة عن يوم ميلادك؟
في اللحظة دي، كريم افتكر مكالمة قديمة سمع فيها أمه بتتكلم مع خالته، وكانت بتقول جملة غريبة عمره ما فهم معناها
الموضوع ده لازم يفضل مدفون، محدش ينفع يعرف الحقيقة.
لكن قبل ما يستوعب، الدكتور حط قدامه ورقتين وقال
اقرأ دول كويس وبعدها هتفهم
ليه والدتك كانت مصممة على اتهام مراتك.
ولما كريم قرأ أول سطر، إيده بدأت ترتعش، وطلب من الدكتور يعيد الكلام تاني
لأن الحقيقة اللي اكتشفها كانت أكبر بكتير من مجرد نتيجة تحليل نسب!
حكايات بسمه
إيد كريم كانت بتترعش والورقتين بيتهزوا بين صوابعه زي ورقة شجر في مهب ريح خريف. عيونه كانت بتتحرك بسرعة فوق السطور، وكل كلمة بيقراها كانت بتنزل على دماغه زي المرزبة، تشل تفكيره وتخلخل الأرض من تحت رجليه.
الدكتور قعد ورا مكتبه، شبك إيديه الاتنين بهدوء وأسى، ونبرة صوته كانت محايدة ورسمية بس فيها ثقل رهيب
نتيجة ال DNA قطعية يا أستاذ كريم.. الطفل اللي اتولد من أسبوعين هو ابنك البيولوجي والشرعي بنسبة تطابق 99 9، مفيش فيها ذرة شك. مراتك إنسانة شريفة ومظلومة، وكرامتها اټجرحت في حاجة لو اتقاست بكنوز الأرض ما تتعوضش.
كريم رفع عينه للدكتور والدموع بتلمع في عينيه بنبضة ندم مفاجئة
ابني؟ ابني بجد يا دكتور؟! الحمد لله.. الحمد لله يا رب.. بس.. بس الورقة التانية دي إيه؟ وإيه علاقة أمي بكلام حضرتك عن يوم ميلادي؟!
الدكتور اتنهد تنهيدة طويلة وطلع ملف طبي قديم أوراقه كانت مصفرة ومطبوعة
من أرشيف المستشفى المركزي
لما سحبنا العينة منك ومن الرضيع لمطابقة البصمة الوراثية، لاحظ أخصائي التحاليل الوراثية طفرة جينية نادرة جداً موجودة في كروموسوماتك إنت وابنك. وبحكم إن المعمل بتاعنا هو المركز المرجعي المربوط بالسجل الجيني الموحد لأرشيف مستشفيات الولادة من تلاتين سنة، السجل أظهر تطابق تام مع عينة ډم لملف ولادة مسجل سنة 1995 في نفس المستشفى اللي حضرتك اتولدت فيها!
كريم بلع ريقه پعنف، وصوته طلع مخڼوق
سنة 95؟! دي سنتي أنا.. سنة ميلادي! يعني إيه يا دكتور؟ مش فاهم!
الدكتور زق الورقة التانية ناحيته أكتر وشاور بصباعه على سطر معين
والدتك، الست إنعام.. دخلت المستشفى دي في يناير 95، وكانت حالتها ولادة مبكرة لطفل مټوفي نزل مېت في شهره السابع.. وفي نفس الليلة، وفي نفس العنبر، كانت فيه سيدة تانية ريفية غلبانة ولدت طفل سليم وتوفت هي بعد الڼزيف، وأهلها ما كانوش لسه وصلوا من البلد.. الست إنعام، بمساعدة ممرضة كانت قريبتها في العنبر، بدلت السجلات، واستلمت الطفل السليم على إنه ابنها، وسجلت الچثة على إنها للست المټوفية!
كريم قام وقف فجأة، الكرسي اتقلب وراه على
الأرض برزع عالي
إنت بتقول
