جز على سنانه بعصبية.
أنا فاهم مشروع ضفاف النيل كويس جدًا. أربع أبراج سكنية، ومنطقة تجارية، ومركز خدمات، واستثمار مبدئي بمئتين مليون.
دي المعلومات المكتوبة في العرض التسويقي.
وإيه تاني المفروض أكون عارفه؟
إننا بقالنا تمنتاشر شهر شغالين مع ملك الشريف عشان نعيد بناء المشروع ده من أوله لآخره، وإن مقترح التمويل بتاعنا متوقف على ضمانات هي بنفسها اللي تفاوضت عليها.
زياد بص لطارق، والمحامي نزل عينه في الأرض.
رشاد كمل
أبوك الله يرحمه كان عارف إن ملك هي جهة الاتصال الأساسية بتاعتنا. بل بالعكس، هو اللي أصر إن كل القرارات الفنية والمالية المهمة تعدي من تحت إيدها.
ملك كانت السكرتيرة بتاعتي.
بالنسبة لك إنت… يمكن.
الكلمات دي خلت زياد يتجمد مكانه.
رشاد أضاف إنه هيعلق الاجتماع المقرر النهارده لغاية ما توصله إجابة رسمية، وبعدها قفل الخط.
زياد رمى التليفون على الترابيزة بعصبية.
يا طارق، أنا عايز أفهم إيه اللي بيحصل بالضبط!
المحامي أخد نفس طويل
أبوك أسس قسم ضفاف النيل من ست سنين، وملك دخلت الشركة بعدها بشوية، لما كانت الأرض لسه متقسمة بين تلاتة وعشرين مالك، ومحدش قدر يتفق معاهم.
أنا عارف الكلام ده.
اللي متعرفوش إنها هي اللي حلت مشكلة الملكية، وفاوضت السكان على التعويضات، وأقنعت نورثبريدج أصلًا تدرس تمويل المشروع.
زياد خبط الترابيزة بإيده
ما ده شغلها اللي كنا بندفع لها مرتبه!
طارق متهزش
كنا بندفع لها مرتب سكرتيرة تنفيذية، لكن أبوك عيّنها كمان الممثل المؤسس للمشروع، باتفاق بيديها استقلالية فنية، وحق التواصل المباشر مع لجنة الاستثمار، وصلاحيات إشراف محددة.
وليه محدش قال لي الكلام ده قبل كده؟!
علشان إنت عمرك ما سألت مين اللي كان بيعمل الشغل أصلًا.
زياد بص له پغضب، لكن طارق مكنش خلص كلامه.
وفيه حاجة تانية. من تلات شهور، ملك قدمت تقرير عن تجاوزات ومخالفات في تراخيص البناء.
مخالفات إيه؟
احتمال تلاعب في نتائج دراسات التربة. ولو ده اتأكد، يبقى البناء كله مخالف لشروط الأمان المعتمدة.
وش زياد اصفر.
ومين استلم التقرير ده؟
طارق فتح ملف تاني.
مكتبك.
وفي الركن اليمين فوق، كانت فيه ملاحظة مكتوبة بخط الإيد
تتراجع بعدين.. بلاش نعطل الشغل.
وتحتها إمضاء زياد.
افتكر الملف بصعوبة. ملك كانت جابته له في ليلة وهما بيتعشوا، وقالت له إن فيه موضوع ضروري لازم يناقشوه.
لكنه كان مشغول
بمسجات الشغل، ولما فضلت تلح عليه، فقد أعصابه
يا ملك، بطلي تعملي من الحبة قبة! ما عندنا أقسام متخصصة لكل هبل.
افتكر وشها وقتها. موقفتش تتخانق، قفلت الملف بهدوء وقامت من على السفرة.
ودلوقتي، وهو باصص للتقرير، استوعب إنه يمكن في الليلة دي بالذات بدأ يخسر حاجة أهم بكتير من مجرد قعدة عشاء.
حياة جديدة من غير انتظار
في الوقت اللي زياد كان بيكتشف فيه الكوارث اللي طنشها سنين، كنت قاعدة قدام شباك شقتي الجديدة بشرب قهوتي.
الشقة مكنتش كبيرة؛ أوضتين، وفرش بسيط، وبلكونة صغيرة بتطل على جنينة.
بس كانت بتاعتي… لوحدي، على الأقل خلال ال شهر الجايين.
محدش هيسألني اتأخرت ليه، ولا هيسيب العشاء يبرد وهو مشغول بمكالمات الشغل، ولا هيحسسني بالذنب لمجرد إني محتاجة شوية اهتمام.
تليفوني كان بيهتز على الترابيزة.
زياد.
تاني.
سبته يرن لغاية ما سكت، وبعدها وصلت رسالة
يا ملك، لازم نقعد نتكلم.. الموضوع ضروري.
قريتها وقفلت الشاشة.
على مدار ست سنين، كل ما زياد يقول إن فيه حاجة ضرورية، كنت بسيب اللي في إيدي وأجري أحلها.
عشاء عائلي، زيارة دكتور، عيد جوازنا، وحتى عزاء جدتي الله يرحمها.
افتكرت اليوم ده بكل تفاصيله.
جدتي كانت أكتر حد بيحبني في الدنيا بعد أمي وأبويا. ولما توفت، طلبت من زياد ييجي معايا العزاء، ووعدني إنه هيكون موجود.
لكن الصبح جاله تليفون بخصوص عقد شغل.
اسبقيني إنتِ، وأنا هاجي أول ما أخلص.
مظهرش خالص.
وبالليل، لما رجعت البيت، لقيته بيحتفل بإنهاء الصفقة مع أصحابه.
شافني داخلة بلبس الحداد الأسود، وسألني
ملك، أكلتي حاجة؟
دي كانت الكلمة الوحيدة اللي قالها.
هزيت رأسي بآه، رغم إني مكنتش أكلت لقمة واحدة.
مكنش عندي طاقة أشرح له حاجة.
الليلة دي نمت على الكنبة، والصبح لقيت وردة حمرا على الترابيزة ومعاها ورقة
معلش.. كان أسبوع زفت.
فضلت فترة طويلة فاكرة إن الحب معناه إني أستحمل غيابه وسكوته، وأتقبل إن فيه دايمًا حاجة أهم مني في حياته.
لغاية ما صحيت في يوم وفهمت إن مفيش حد أصلًا كان بيحاول يفهمني أنا.
التليفون رجع يهتز.
المرة دي كان طارق.
رديت بهدوء
صباح الخير يا طارق.
ملك، أنا آسف لو بضايقك. عارف إن إمبارح كان يوم صعب.
عايز إيه يا طارق؟
لقينا عقد ضفاف النيل.
بصيت للسحاب من ورا الشباك.
كنت متأكدة إنكم هتلاقوه عاجلًا أو آجلًا.
زياد متوتر وخارج عن شعوره.
وده مش مفاجأة.
طارق
سكت شوية، وبعدين قال
نورثبريدج عايزين يكلموكِ.
يقدروا يكلموني مباشرة. عنواني المهني مكتوب في العقد.
عنوان مهني؟!
أيوه يا طارق، فتحت مكتب استشارات.
من إمتى؟
من شهرين. مسجل ومرخص، ومفيش أي تضارب مصالح مع شغلي القديم. كل حاجة مترتبة قانونيًا.
سمعته بيتنهد بصوت عالي.
يعني كنتِ مخططة تمشي من زمان؟
من زمان أوي.
وزياد كان عارف؟
غمضت عيني.
يا طارق، جوزي مكنش يعرف إني بدأت آخد برشام عشان أنام السنة اللي فاتت أصلًا. هتقول لي كان واخد باله إني بأسس لاستقلالي؟!
مردش.
وفي الآخر طلبت منه إن أي كلام بخصوص المشروع ييجي بشكل رسمي ومكتوب، وقفلت المكالمة.
ولأول مرة من سنين، خلصت فنجان قهوتي وهو لسه سخن.
المنصب اللي مخدتوش هدية
عرفت زياد وأنا عندي تلاتة وعشرين سنة.
كنت لسه متخرجة من تجارة وبشتغل في مكتب استشارات مالية صغير.
هو كان ابن وسيم مهران، مؤسس مجموعة النخبة العقارية.
اتقابلنا في مؤتمر، وكان زياد جذاب جدًا لما يحب. عنده ابتسامة واثقة، وطريقة في الاستماع تخلي أي حد يحس إنه مميز، وطموح كان بيبهرني وقتها.
وقعنا في حب بعض بسرعة، وبعد سنة اتجوزنا.
وقبل الفرح بشوية، وسيم عرض عليّ شغل في الشركة.
أنا محتاج حد بيفهم في الأرقام، وفي نفس الوقت بيعرف يسمع الناس كويس. وإنتِ عندك الاتنين.
وافقت.
في البداية اشتغلت في تحليل الاستثمارات، وهناك اكتشفت مشروع ضفاف النيل.
المشروع كان متعطل، والشركة اشترت جزء من الأرض، لكن فيه عائلات رافضة تبيع بيوتها، ودراسات البيئة ناقصة، ومفيش بنك راضي يمول المشروع بالشكل ده.
وسيم كان خلاص قرر يلغيه.
طلبت منه تلات شهور.
تلات شهور إيه؟ سأل باستغراب.
عشان أسمع أصحاب الأرض. لحد دلوقتي إنتوا بعتوا لهم محامين بس.
وافق يديني الفرصة.
لأسابيع، لفيت شارع شارع، ودخلت دكاكين صغيرة، وقعدت مع ناس عايشين في بيوتهم من خمسين سنة.
اكتشفت إن العائلات دي مش رافضة التطوير، لكنها خاېفة تتطرد من بيوتها من غير ضمانات.
اقترحت نموذج مختلف نخصص جزء من الوحدات الجديدة للي حابب يرجع، ونعمل صندوق تعويضات، ونحافظ على المحلات التراثية.
الموضوع مكنش سهل. نقاشات وتأخير وليالي طويلة بنراجع فيها الميزانيات.
لكن في النهاية، حصلنا على موافقة مكتوبة ومرضية لكل الأطراف.
وسيم حضڼي يوم ما مضينا آخر عقد.
إنتِ أنقذتي ضفاف النيل يا ملك.
ابتسمت بحياء
أنقذناه كلنا.
هز راسه رافضًا
بلاش
تواضع، عشان التواضع بيخلي شغلك يختفي ومحدش يشوفه.
النصيحة دي اتحفرت في دماغي.
لكن لما زياد بدأ يعلى ويفرض سيطرته
