الليل كان ليل كاحل، والمطر رجع يمطّر تاني بغزارة. طارق وصل للمكان، فيلا قديمة وضلمة ومحاطة بشجر كثيف. نزل من العربية بهدوء، وسحب أداته من جنبه.. ملامحه الرياضية وجسمه القوي كانوا بيتحركوا في الضلمة زي الفهد.
لمح اتنين حراس واقفين على الباب بيتكلموا، طارق قرب من وراهم وبحركة سريعة ومحترفة ضرب الأول بظهر أداته على دماغه وقعه فاقد الوعي، والتاني لسه هيلف ويصرخ، طارق كتم بقه وضربه في بطنه وقعه جنبه.
دخل طارق جوة الفيلا، المكان كان هادي زيادة عن اللزوم، وده خلاه يشك.
وفجأة.. الأنوار كلها اتفتحت مرة واحدة، وظهر من ورا العواميد حوالي خمس رجالة مسلحين وموجهين أدواتهم عليه!
ومن وسطهم.. خرجت ست في أواخر الثلاثينات، لابسة فستان أسود أنيق، ملامحها حادة وفي عيونها نظرة شماتة وشر رهيب.. “فريدة الألفي”.
فريدة ضحكت بغل وهي بتصقف بإيدها: “نورت فيلتي يا طارق بيه.. كنت عارفة إنك هتيجي برجليك، الحب بيموت برضه وبيخلي الواحد غبي.. بعتلك السلسلة عشان أشوف هتعمل إيه، وفعلاً جيت لوحدك!”
طارق رفع أداته بثبات ومتهزش، وعيونه بتطق شرار: “فريدة.. لعبك معايا زمان أنا فوتّه بمزاجي، وسجنت أخوكي عشان كان حرامي.. بس تقربي من مراتي وابني، يبقا أنتي اللي استعجلتي على عمرك”.
فريدة ملامحها اتقلبت لغل أعمى وصوتها بقى حاد: “أبوك وأنت دمرتم عيلتي! خسرتوني كل حاجة وسجنتوا أخويا الوحيد.. وأنا راجعة عشان أحرق قلبك على أكتر حاجة غالية عندك.. تفتكر الحراسة اللي عندك في الفيلا هتحمي نرمين؟”
في اللحظة دي، طارق حَس بخبطة قوية على دماغه من ورا من حارس كان مستخبي.. الدنيا لفت بيه وأداته وقعت من إيده، ووقع على ركبه وهو بيقاوم عشان ميفقدش الوعي.
فريدة قربت منه وبصتله من فوق لِتحت بشر: “اربطوه.. وكلموا الرجالة اللي قدام فيلته، ينفذوا الخطة ويهاتولي المحروسة مراته هنا.. عايزاه يشوفها وهي بتتعب قدام عينيه عشان يدوق طعم الحرق”.
لكن فجأة.. وقبل ما أي حد من رجالتها يتحرك، صوت ضرب أصوات كثيف جداً هز الفيلا، والشبابيك الإزاز كلها اتكسرت!
دخلت قوات العمليات الخاصة بقيادة “عمر” اللي كان داخل وأداته شغالة حصد في رجالة فريدة. عمر صرخ: “أثبت مكانك منك ليه! المكان كله محاصر!”
بدأت معركة أكشن ومطاردة ضرب أصوات تحبس الأنفاس جوة الصالة الواسعة.
طارق، رغم الدوخة والأثر اللي بدأ ينزل من دماغه، استجمع كل قوته وقام لَف للحارس اللي ضربه، وأداه بوكس قوي في وشه وقعه على الأرض، وأخد أداته تاني.
فريدة شافت خطتها بتبوظ والبوليس مالي المكان، جريت تحاول تهرب من الباب الخلفي، بس طارق كان أسرع منها.. جيري وراها وزنقها عند المخرج، ورفع أداته في وشها ونفسه عالي وعروق رقبته بارزة: “انتهت اللعبة يا فريدة.. مفيش هروب المرة دي”.
فريدة بصتله برعب حقيقي لأول مرة وهي شايفة نظرة الحسم في عيونه. عمر جري على طارق ومسك إيده بالراحة: “نزّل أداتك يا طارق.. الست دي خلاص انتهت وهتتأبد، متضيعش نفسك عشانها.. نرمين مستنياك في البيت”.
كلمة “نرمين” نزلت على طارق زي المايه الباردة اللي طفت النار اللي جواه.. طارق نزل الأداة، وعمر كلبش فريدة وأخدها والشرطة سحبتها وهي بتصرخ بغل.
عمر بص لطارق وطبطب على كتفه: “ألف سلامة عليك يا صاحبي.. أنا بعت قوة تانية أمنت الفيلا عندك تماماً، نرمين في أمان”.
طارق مسح الأثر من على جبهته ومفكرش في أي حاجة غير إنه يرجع لحضنها.. ركب عربيته وساق بأقصى سرعة، ومحسش بالوقت غير وهو بيفتح باب الجناح بتاعه.
نرمين كانت قاعدة على السرير صاحية وبتعيط وقلقانة، أول ما شافت الباب بيفتح وطارق داخل وهدومه متبهدلة وفي أثر على وشه، صرخت وجريت عليه ونزلت تحت رجليه وهي بتعيط بانهيار وأخدت وشه بين إيديها: “طارق! إيه الأثر ده؟ أنت كويس؟ عملوا فيك إيه يا حبيبي؟”
طارق نزل لمستواها على الأرض، وأخدها في حضنه بكل قوته، دفن وشه في شعرها وهو بيعيط من كتر اللهفة والخوف اللي عاشه عليها: “أنا كويس يا عمري.. خلاص، كبوس وانتهى ومحدش هيقدر يقرب مننا تاني.. فريدة اتقبض عليها وكل حاجة خلصت”.
نرمين رفعت وشها وبصت في عيونه العسلي، وبدأت تمسح الأثر من على جبهته بطرف كمها وهي بتبوس مكان الجرح بنعومة وحنان يخطف العقل: “أنا كنت حاسة إنك في خطر.. قلبي كان هيقف من غيرك يا طارق.. متسبنيش تاني وتروح في حتة لوحدك، أنا وابنك ملناش غيرك”.
طارق شالها بين إيديه بالراحة خالص، وقام بيها وحطها على السرير وقعد جنبها، وأخد إيدها حطها على قلبه اللي كان بيدق عشانها وبس، وقال بنبرة مليانة حب ورومانسية تدوّب الصخر: “أنا عمري ما هبعد عنك تاني.. أنتي النفس اللي بطلعه وبدخله يا نرمين.. أنتي الست اللي حاربت الدنيا عشانها، ومن النهاردة مفيش غير الحب والأمان وبس.. وبكرة ابننا ييجى وينور دنيتنا”.
نرمين ابتسمت بوسط دموعها وحضنته جامد، وطارق ضمها ليه وهو بيحس بأمان حقيقي لأول مرة في حياته وسط ريحة المطر برة ودفء حضنها جوة. انجى الخطيب …………
مرت الشهرين اللي فاضلين من الحمل وكأنهم سنتين على طارق، اللي بقا مبيفارقش نرمين لحظة واحدة. الفيلا اتحولت لـ حِصن أمان، وطارق لغى كل سفرياته وشغله وبقى يدير كل حاجة من اللاب توب وهو قاعد جنبها، يغزلها بكلمة، ويصلح لها مخدة، ويقعد بالساعات يتأمل ملامحها اللي زادت حلاوة ونور مع الحمل.
وفي ليلة هادية من ليالي الصيف..
الدنيا كانت فجر، والهدوء مغطي المكان. طارق كان نايم وأخد نرمين في حضنه كالعادة، فجأة نرمين حست بوجع شديد ومفاجئ في بطنها كأنه سكاكين بتقطع فيها. صرخت صرخة مكتومة وهي بتشد في قميص طارق: “طـ… طارق!”
