ومال عليها تاني يغرقها في حبه، وبدأت قصة حبهم الحقيقية اللي مكنش حد فيهم يتوقع إنها تبتدي بالشكل ده. انجى الخطيب ……….. نرمين استسلمت تماماً لحضنه وهي حاسة إنها طايرة في السما، وكأن كل الوجع والخوف اللي عاشتهم الأيام اللي فاتت اتبخروا في ثانية.
الوقت عدا وكأن الساعة وقفت بيهم، ومحسوش بالوقت غير والشمس بدأت تتنقل وتملى الأوضة بنور دافي.
طارق ساند ضهره على السرير ونرمين نايمة في حضنه، حاطة راسها على صدره وبتلعب بصباعها في زراير قميصه اللي كان لسه راميها جنبه.
طارق فضل يملس على شعرها الأسود الطويل وبيتنهد براحة مكنش يعرفها قبل كده.
نرمين رفعت راسها وبصتله بعيونها الواسعة وقالت بدلع: “طارق.. أنت بجد مش هتروح الشركة؟ يعني طارق الشاذلي اللي بيقدس الشغل هيغيب بسببي؟”
طارق ضحك بصوته كله، والضحكة دي طلعت من قلبه بجد، لدرجة إن نرمين اتفاجئت بشكل غمازاته اللي أول مرة تشوفهم. طارق قرص خدها بخفة وقالها: “طارق الشاذلي اكتشف إن في حاجات في الدنيا أهم بكتير من العقود والملايين.. بعدين أنا بقالي شهور عايش في حرب مع نفسي بسبك، كنت بشوفك في الرايحة والجاية وبموت عشان أكلمك، وجاي دلوقتي تقوليلي شركة؟”
نرمين ابتسمت بس ملامحها اتغيرت فجأة وافتكرت حاجة، وبصت في الأرض بنبرة فيها قلق: “طارق.. طب وباباك؟ والشرط اللي كان حاطه؟”
طارق رفع وشها بصباعه وبص في عيونها بكل ثقة: “بابا كان عايز حفيد يحمل اسم العيلة، وأنا مكنتش طايق فكرة الجواز أصلاً.. بس دلوقتي الوضع اتغير، أنا مش هجيب حفيد بس عشان الورث، أنا هجيب ابن من الست الوحيدة اللي خطفت قلبي وعلمتني يعني إيه حب.. بابا لما يعرف إننا بقينا مع بعض بجد هيطير من الفرحة، ده هو اللي كان بيتحجج بالورث عشان يشوفني مستقر وفي بيتي ست بجد.”
نرمين دمعت من كتر الفرحة وحضنته تاني ودفنت وشها في رقبتته: “أنا بحبك أوي يا طارق.. ربنا عالم أنا شوفت إيه في حياتي، بس وجودك جنبي عوضني عن كل حاجة وحشة.”
طارق ضمها ليه أكتر وباس راسها بقوة وقال بصوت دافي مليان حنان: “وأنا هعيش عمري كله عشان أعوضك يا قلب طارق.. يلا بقى قومي البسي عشان هنزل أعملك أحلى فطار بأيدي، والنهاردة اليوم ده بتاعي وبتاعك وبس، ومفيش قوة في الدنيا هتبعدني عنك تاني.” انجى الخطيب ……………
عدا أسبوعين، ونرمين وطارق عايشين في تبات ونبات، حبهم بيكبر كل ثانية، وطارق اتغير 180 درجة، مابقاش يشوف قدامه غيرها.
لحد ما في يوم، طارق جاله تليفون قلب كيانه، وشه اتقلب ١٠٠ لون وقام وقف فجأة وهو بيبص لنرمين بقلق وخوف حاول يداريه.
على الناحية التانية من الخط، كان صوت جهوري وبارد، صوت “سليم الهواري”.. أكبر منافس لطارق في السوق، والراجل اللي طارق كسب عليه في مناقصة الميناء الجديدة وخسره ملايين. سليم ضحك بغل وقال: “مبروك يا طارق بيه.. سمعت إنك اتجوزت ووقعت في الحب كمان؟ تؤ تؤ، مش شبهك يا شاذلي.. بس الحلوة اللي معاك دي حكايتها هتبقى صعبة أوي لو الورق اللي معاك في الخزنة ما وصليش قبل بكرة بالليل.”
طارق عروق إيده برزت وصوته بقى زي زئير الأسد: “وديني وما أعبد يا سليم، لو لمس حاجة منها لأكون حافق قبرك بأيدي.. نرمين خط أحمر!”
سليم قفل السكة وهو بيضحك ضحكة شريرة. طارق لف لنرمين اللي كانت واقفة وميتة من الرعب، جسمها كله بيتفض. طارق جري عليها، خد وشها بين إيديه وباس جبينها بسرعة ونفسه عالي: “نرمين.. اسمعيني كويس، مفيش وقت. لازم تمشي من هنا حالاً. ماجد برة مستنيكي بعربية مأمنة، هتروحي على شقة سرية بتاعتي في المقطم، محدش يعرفها غيري. متخافيش يا عمري.. روحي وأنا بضهرك.”
نرمين عيطت ومسكت في قميصه جامد: “مش هسيبك يا طارق! طارق أنت مخبي إيه؟ أنا خايفة عليك مش على نفسي.. متسبنيش!”
طارق دير وشه وباس شفايفها بوسة سريعة مليانة لهفة وخوف، وهمس قدام شفايفها: “روحي عشان خاطري.. طارق ميبقاش طارق لو حد لمس حتة من قلبه.. وأنتِ قلبي.”
فعلاً، نرمين نزلت مع ماجد وهي بتعيط، والعربية طلعت بيهم على طريق المقطم.
