فصل السادس والأخير الحقيقة اللي رجعت بعد عشرين سنة!
فضل أمين باصص لي، مستني مني إجابة.
سارة… إنتِ تعرفي مين والدك الحقيقي؟
ضحكت بتوتر وقلت
هو حضرتك بتسألني سؤال محتاج تفكير؟! أيوه طبعًا أعرفه! اسمه محمود المصري، وعايش في طنطا، وعنده محل أدوات كهربائية، وكل يوم الصبح بيصحى يزعق لأمي عشان الشاي بارد!
أمين ما ضحكش.
أنا مش بهزر يا سارة.
وأنا كمان مش بهزر! هو فيه إيه؟ إنتوا ناويين تطلعوا لي أخوات من تحت الأرض النهارده؟ كفاية عمو كريم اللي طلع عايش!
أمين وراني صورة قديمة ظهرت على شاشة تليفونه.
كانت صورة لرجل في الأربعينات، واقف جنب والده ووالد فؤاد، وقدامهم مبنى كبير.
أول ما بصيت للصورة، قلبي دق بسرعة.
الرجل اللي واقف في النص كان شبه أبويا بشكل مخيف.
نفس
العينين، نفس شكل الأنف، ونفس العلامة الصغيرة اللي فوق الحاجب اليمين.
أمين قال
الراجل ده اسمه محمود المصري. كان شريك والدي في تأسيس الشركة، وكان مسؤول عن الحسابات والاستثمارات.
اتنهدت.
آه، ده أبويا فعلًا. بس إيه علاقته باللي بيحصل؟
أمين سكت لحظة، وبعدها قال
أبوكي اختفى من الشركة من عشرين سنة، بعد ما اتهموه باختلاس مبلغ كبير، ووالدي اتوفى بعدها بفترة قصيرة. ومن يومها فؤاد سيطر على كل المستندات القديمة.
فضلت باصة للصورة.
مستحيل! أبويا عمره ما كان حرامي!
أمين رد بهدوء
أنا مصدقك. لكن فيه حاجة لازم تعرفيها. أبوكي كان عنده نسبة كبيرة من أسهم الشركة، ووالدي كتب له مستندات تثبت ملكيته ليها قبل ما يختفي.
حسيت إن رجلي مش شايلاني.
يعني إيه؟!
يعني ممكن تكوني الوريثة القانونية لجزء كبير من الشركة، وإن فؤاد كان بيحاول يخفي المستندات دي من سنين.
في اللحظة دي، تليفوني رن.
كان أبويا.
رديت بسرعة.
أيوه يا بابا!
سارة، إنتِ فين يا بنتي؟ أمك بتقول إنك مشيتي الصبح وما رجعتيش، وتليفونك كان مقفول!
يا بابا، أنا في مشكلة كبيرة، ومحتاجة أسألك عن موضوع قديم.
صوته اتغير.
موضوع إيه؟
تعرف راجل اسمه فؤاد الشاذلي؟
سكت.
سكون طويل جدًا.
وبعدين سمعت صوته وهو بيقول
إنتِ عرفتي اسمه منين؟
قلبي بدأ يدق أسرع.
يا بابا، هو كان شريكك في الشركة زمان؟
أبويا تنهد.
أيوه يا سارة.
وليه سبت الشغل وقتها؟
صوته بقى متعب.
عشان اكتشفت إن فيه ناس بتسرق أموال الشركة، ولما حاولت أبلغ، اتلفق لي اتهام بالاختلاس.
كنت وقتها عندي طفلة صغيرة، وأمك كانت حامل في طفل تاني، وخفت عليكم. فاضطريت أسيب كل حاجة وأبدأ من جديد.
طب ليه ما قلتليش؟
كنت عايزك تعيشي حياة طبيعية، بعيد عن المشاكل دي.
سكت لحظة، وبعدها سألته
سارة، إنتِ مع أمين الشاذلي؟
بصيت لأمين.
أيوه.
أبويا قال بسرعة
اسمعيني كويس. ما تروحيش أي مكان مع فؤاد. الراجل ده مش بس سرق الشركة، ده كمان كان السبب في اختفاء مستندات تثبت براءتي.
أمين قرب من التليفون.
أستاذ محمود، أنا أمين الشاذلي. محتاج أقابلك فورًا.
أبويا رد
أنا عارف إنك ابن شريف، وعارف إنك مالكش ذنب في اللي حصل. بس قبل أي حاجة، لازم تعرف إن فؤاد مش لوحده.
تقصد مين؟
أبويا سكت لحظة.
أمين، دور على كريم. هو الوحيد اللي يقدر يشهد على اللي حصل.
المكالمة انتهت.
أمين بص لي.
لازم نلاقي كريم قبل فؤاد.
بعد أقل من ساعة، كنا في طريقنا لمكان قديم خارج القاهرة.
كان فيه مصنع مهجور تابع للشركة من زمان، وأمين عرف من مدير الأمن إن العربية اللي خرجت من الفيلا اتجهت للمنطقة دي.
الشرطة كانت بتتابع تحركات فؤاد، لكن أمين رفض يدخل المكان من غير ما يتأكد إن كريم موجود.
أما أنا، فكنت قاعدة جنبه وبحاول أفهم إزاي يوم بدأ بسندوتش سجق ممكن ينتهي بمؤامرة عمرها عشرين سنة!
قلت له
على فكرة، أنا عايزة أسألك سؤال.
اتفضلي.
هو لو طلع إن أبويا ليه أسهم في الشركة، أنا هبقى مديرة؟
ابتسم.
مش بالضرورة.
طب هقبض أرباح؟
لو أثبتنا الملكية، طبعًا.
طب كده أنا مش محتاجة أحضر أول يوم شغل؟
ضحك.
لأ، هتحضري.
يا خسارة! كنت بدأت أحلم.
وصلنا المصنع.
كان المكان هادي بشكل غريب.
البوابة الحديد كانت مفتوحة، وفيه عربية واقفة جنب المخزن.
أمين نزل، وطلب مني أفضل مع ياسين في العربية.
لكن ياسين مسك إيدي.
طنط سارة، أنا عايز أشوف عمو كريم.
نزلت معاه.
دخلنا المبنى بحذر، وسمعنا صوت حد بيتكلم من آخر الممر.
إنتوا اتأخرتوا أوي.
ظهر رجل في أواخر الثلاثينات، لابس جاكيت رمادي، وشعره طويل شوية.
أمين وقف مكانه.
كريم؟
الرجل بص له.
وسكت.
وبعدين ابتسم ابتسامة حزينة.
كبرت يا أمين.
أمين قرب منه ببطء.
إنت عايش فعلًا؟
كريم هز راسه.
أيوه.
أمين حضنه بقوة، والاتنين فضلوا واقفين كده فترة طويلة.
ياسين جري ناحية عمه.
عمو كريم!
كريم شاله وحضنه.
وحشتني يا بطل.
أنا كنت واقفة بعيد، وبحاول ما أتدخلش
في لحظة عائلية مؤثرة.
لكن كريم فجأة بص لي.
إنتِ سارة؟
استغربت.
أيوه.
بنت محمود المصري؟
هزيت راسي.
ابتسم بحزن.
كنت مستني أشوفك من سنين.
قبل ما أسأله عن أي حاجة، ظهر فؤاد من باب جانبي.
كان معاه رجلين.
يا سلام! العيلة كلها اتجمعت أخيرًا!
أمين وقف قدام أخوه.
إنت عملت إيه في حياتنا يا فؤاد؟
فؤاد ضحك.
أنا؟ أنا اللي حافظت على الشركة من الاڼهيار! أبوك كان ضعيف، وأخوك كان مريض، وأنت كنت صغير! لولا أنا، مكنش فضل لكم حاجة!
كريم رد پغضب
إنت اللي حپستني في مركز علاجي سنين، وكنت بتزورني كل فترة عشان تتأكد إني مش هقدر أرجع!
فؤاد صړخ
كنت بحمي الشركة!
كريم طلع ملف من شنطته.
لأ. كنت بتحمي نفسك. دي كل التحويلات اللي خرجت من حسابات الشركة، ودي نسخ التوقيعات المزورة، ودي المستندات اللي بتثبت إنك كنت بتسحب الأرباح لحسابات شركات وهمية.
أمين فتح الملف.
كان فيه مستندات كثيرة، وتواريخ، وأرقام حسابات، وتوقيعات.
وفجأة قال كريم
والأهم من كل ده، فيه تسجيل صوتي لوالدنا قبل ۏفاته.
فؤاد اتوتر.
تسجيل إيه؟
كريم شغل التسجيل.
ظهر صوت رجل كبير في السن بيتكلم بصعوبة
أنا شريف الشاذلي، وبأكد إن محمود المصري شريك أصيل في تأسيس الشركة، وإن ليه نسبة ثابتة من الأسهم والأرباح. وأي اتهام اتوجه له بالاختلاس كان مبني على مستندات مزورة، وأنا بطلب من أولادي يرجعوا له حقه لو الحقيقة ظهرت بعد وفاتي.
أبويا كان بريء.
طول عشرين سنة، كان شايل عار چريمة ما عملهاش.
حسيت بدموعي بتنزل من غير ما أحس.
أمين بص لفؤاد.
خلصت يا عمي.
لكن فؤاد ضحك.
فاكر إنك كده كسبت؟ أنا عندي ناس في كل مكان، والملفات دي ممكن تختفي في ثانية!
في اللحظة دي، دخلت مجموعة من رجال الشرطة.
الظابط الكبير اللي قابلته أول مرة في المول تقدم ناحيته.
فؤاد الشاذلي، إنت مطلوب للتحقيق في وقائع تزوير واختلاس واحتجاز غير قانوني، بالإضافة إلى الاشتباه في تورطك في محاولة إيذاء مدام ليلى.
فؤاد حاول يرجع لورا، لكن الشرطة حاصرته.
وأحد الرجال اللي كانوا معاه اعترف إنه كان بيشتغل لصالحه، وإن نادية كانت بتنفذ تعليماته مقابل مبلغ شهري.
أما الست سميحة، فاعترفت بعد كده إنها كانت عارفة إن كريم عايش، وإنها خاڤت تعترف بالحقيقة بسبب تهديدات فؤاد وابتزازه ليها بمستندات قديمة.
لكن المفاجأة الأكبر ظهرت لما كريم سلم الشرطة
تسجيلات ورسائل تثبت إن نادية كانت بتضع مواد ملوثة في مشروبات ليلى بتعليمات من فؤاد، وإنها كانت بتحاول تخفي المستندات اللي تثبت تزوير الحسابات.
