
اخت جوزي رمت الفطير المشلتت اللي انا عملاه قدام ضيوف جوزي وقالتلي ده كله شعر يا مقرفه، الضيوف اتقرفو جدا وجوزي كان هيطلقني، بس بعدها بشهر جيه عريس لاخت جوزي واللي عملته يومها خلاها تندم ندم عمرها على عملتها السوده وتتمنى لو ماTت قبلها !!
أنا واحدة ست على قد حالي، جيت من الارياف على بيت عيلة في القاهرة. جوزي “حسام” هو اللي اصر يتجوزني، مع إن أهله مكنوش طايقين الهوا اللي بتنفسه.
حمايا الله يرحمه كان متوفي، وماقعدش في البيت غير أمه وأخته “سماح”. حماتي كانت في حالها، بس كان باين في عيونها إنها شايفة نفسها عليا عشان أنا بنت فلاحين. أما سماح بقى، فكانت قصة تانية.. كانت شيطان في هيئة بني آدم، مبتفوتش فرصة إلا وتعمل فيها مشكلة من مفيش، وكانت بتدور على أي خرم إبرة عشان تكرهني في البيت كله.
لحد ما جه اليوم اللي حسام دخل فيه البيت ووشه منور والفرحة مش سايعاه، وقالي إن مديره في الشغل رقاه، والمدير نفسه طلب منه “الحلاوة”، وقال إنه بيموت في الفطير المشلتت اللي كان حسام بيجيبه المكتب زمان لما كنت بديله منه.
حسام عزم المدير وكذا واحد من زمايله على العشاء، وقالهم هياكلوا أحسن فطير مشلتت من إيدي.
وصاني بجد وبقى يقولي اتوصي جامد، وقالي بالحرف الواحد: “اتوصي بالفطير ومتخليش حد يحط إيده معاكي عشان يتظبط”.. كلمة قالها بعفوية من غير مابيقصد أي حاجة، وكان كل قاصده إني عشان من الأرياف فبعرفه على أصوله. بس الكلمه دي نزلت على ودن سماح زي القنبلة! اتعفرتت واتجننت، وقالت بعد ما جوزي مشي: “هو جوزك يقصد إيه بمحدش يشتغل معاكي؟ هو احنا مبنعرفش نعمل ولا إيه؟ مبسوط قوي ان مراته فلاحه؟”.. رغم قلة ادبها بس قولت عديها وقولتلها….ده بس قصده إني أنا متعوده عليه.
قمت من الفجر يوم العزومة، وطلعت أحسن ما عندي. عجنت وفردت وسويت أحسن وأطري فطير ، بمنتهى النضافة والريحة كانت جايبة آخر الشارع. ووسط ما أنا بشتغل، دخلت عليا سماح، وقالت بكل برود: “اعملي حسابي في فطيرتين ليا أنا وماما، بعيد عن بتوع الضيوف عشان نتغدى بيهم”..
أنا استغربت، بس قلت لنفسي يمكن دي بشارة خير عشان أول مرة تطلب مني حاجة بنفسها. ابتسمت وقلت لها: “من عيوني يا سماح، الفطير كله ليكي أنتِ وماما”.. وطلعت فعلاً فطيرين زي اللوز وشيلتهم ليهم على جنب.
الليل جه، والضيوف وصلوا.. ولما جه وقت الأكل، رصيت الصواني والسفرة وكانت منور والريحة تجنن. الضيوف دخلوا وقالوا الله ينور وقاموا يغسلوا أيديهم في الحمام. وفي اللحظة دي، نزلت سماح جري من فوق، وراحت رمت الفطير على الترابيزة بكل غل وغضب، وصرخت بصوت عالي وقالت:
“الله يقرفك يا شيخه! انتي هتدي الفطير ده للناس؟ ده كله شعر! يا مقرفة، سديتي نفسي الله يقرفك!”
أنا اتسمرت مكاني وبصيت لها وأنا مش مصدقة اللي بتعمله ولا بتقوله! وفي نفس اللحظة دي، كان الضيوف طالعين من غسيل الأيدي ووراها على طول.. سماح أول ما شافتهم عملت نفسها متفاجئة وقالت بارتباك مصطنع “أنا.. أنا مكنتش أعرف إن ضيوفك جم يا أبيه! سوري حقكم عليا!”
حسام اتفاجئ واتكسر قدام زمايله وبقى في نص هدومه.. الضيوف بصوا للأكل بشمئزاز، وكان فعلاً باين على الفطير االي نزلته شعر أسود كتير . قالوا بكسوف: “معلش يا حسام نبقى نيجي مرة تاني، ملناش نفس خالص”.. ومشيوا من غير ما ياكلوا لقمة واحدة.
حسام من شدة الكسوف والغضب محاولش يوقفهم، وهز راسه وسكت لحد ما خرجوا. أول ما قفل الباب، بص للفطير اللي نزلته أخته لقى فعلاً الكارثة قدامه، فانفجر فيا زي العاصفة وصرخ في وشي: “انتي كسفتني كسفة عمري! بهدلتيني قدام زمايلي! إزاي تعملي كده؟!”..
فضلت أعيط وأحلف له وأقوله والله العظيم الفطير كان أبيض ونضيف وزي الفل، بس طبعاً من كتر الصدمة والكسفة مصدقنيش ولا سمعني.. العصبية كانت عاميه، وساب البيت وخرج بغضب، وسابني واقفة مكسورة. وسماح طلعت على أوضتها وهي ميتة على روحها من الضحك، وهي ماسكة في إيدها فطيرة نضيفة من بتاع الضيوف وطلعت بيها!
قضيت الليل كله قاعدة على الأرض بعيط وببص لتعبى ومجهودي، وبدأت أفتش الفطير اللي اترمى واحدة واحدة.. لقيت إن الفطيرتين بتوع سماح وحماتي بس هما اللي كان فيهم ، وباقي الفطير اللي نزل قدام الضيوف كان نضيف وزي الفل!
و فهمت كل لعبتها ، وعرفت انها طلبت الفطرتين عشان تعمل ببهم النمره الوسخه دي!
فات شهر كامل على الليلة دي، شهر أسود حسيت فيه إني غريبة في بيتي. حسام كان بيكلمني للضرورة وبس، ونظرات الكره والكسوف منه كانت دابحة قلبي، وحماتي ولا فتحت بوقها كأن بنتها ما عملتش جناية!..حتى جوزي معاتبش اخته كان فاكر انها فعلا متعرفش ان الناس جم.
لحد ما في يوم.. جه عريس لسماح!
كان قاعد هو وأمه في الصالون ومبسوطين، وبيتناقشوا في كل تفاصيل الجواز والشبكة. وسماح كانت طايرة من الفرحة، لابسة أحسن ما عندها وقاعده بغرور وفرحه هيه وامها .
وأنا واقفة في المطبخ ببرقبهم من بعيد.. بصيت عليهم، حسيت بنار في صدري، وجه في بالي فكرة ممكن تخليني اخسر حسام للأبد!
بس وقتها مكنش عندي أي مانع أخسر أي حاجة وأبيع الدنيا.. المهم آخد حقي، وأرد لها القلم قلمين، واللي عملته فيها خلاها تتمنى لو ماtت قبل ما تعمل عملتها الوقحه!!!!!
وقفت في المطبخ، وقلبي بينبض بعنف ونار الغل والظلم اللي عشته الشهر كله بتأكل في روحي. الكسرة اللي حسام سببهالي، ونظرات الشماتة في عين سماح وأمها، والتعب اللي ضاع في لحظة بسبب شيطنة بنت عمي.. كل ده كان شريط بيمر قدامي.
بصيت على الصينية اللي فيها أحلى صينية كيكة بالشوكولاتة والـ “مكسرات” الفاخرة اللي كنت مجهزاها عشان أقدمها للعريس وأهله، وابتسمت ابتسامة خبيثة.
قلت لنفسي: “إنتِ يا سماح زرعتي الشعر في فطيري عشان تكسفيني قدام ضيوف جوزي.. النهاردة أنا هخليكي تتمنني الموت من شدة الفضيحة قدام عريسك!”
بدأت أنفذ خطتي بهدوء تام. رحت على أوضتي، وطلعت خصلة طويلة من شعري الأسود.. وبسرعة جداً، قطعتها لحتت صغيرة، ورشيتها بحذر واحترافية جوه حتت الكيكة الفاخرة، بحيث إن أي حد يمسك قطعة ويدوقها، هيلاقي الشعر واضح وصريح جوه الأكل، مش على الوش وبس!
وقفت قدام المراية، وعدلت طرحتي، وخدت الصينية وفيها الشاي والكيكة، ودخلت بيها على الصالون بخطوات ثابتة وهادئة.
سماح كانت قاعدة بتضحك بصوت عالي، وبتقول لعريسك وأمه:
— وطبعاً الكيكة دي عمايل إيدي.. أنا بموت في المطبخ وخصوصاً المعجنات والحلويات، دي الكل بيشهد بنظافتي وشطارتي!
أول ما سمعت جملتها دي، بغرورها وكذبها ا حسيت إن الفرصة جت لحد عندي.
ابتسمت ببرود، وقربت من الترابيزة، وحطيت الصينية قدامهم، وقلت بصوت ناعم ومسموع:
— تسلم إيدك يا سُمُّوحَة سلفي الغالية.. بس بالهنا والشفا، دوقي كده من عمايل إيدي أنا كمان، وقولي للناس أكل الفلاحين بيتعمل إزاي!
عريس سماح (اسمه طارق، شاب شيك وابن ناس) ابتسم بلطف، وقال:
— تسلم إيدك يا مدام.. تعبتي نفسك.
وقطع حتة من الكيكة بشوكة، وحطها في بقه. في نفس اللحظة، سماح مسكت شوكة وبدأت تاكل هي كمان، وهي بتبص لي بنظرة تحدي وغرور كأنها بتقول: “مهما عملتي أنا العروسة المنتصرة وإنتِ المكسورة!”
معدش ثواني..
لقيت عريسها بيقف فجأة، ووشه اتغير تماماً للون الأصفر، وبص في الطبق اللي في إيده وطلع من بقه قطعة الكيكة بلا إرادة، وبص لسماح بصعقة وقال بصوت مرعب:
— إيه ده؟! إيه القرف ده؟!!
سماح استغربت، وقالت بضحكة بلهاء:
— في إيه يا طارق؟ كيكة بالشوكولاته!
قالت كده وخدت قطعت في بوقها.. لحظات، وعنيها جحظت لبرة، ولقيتها بتقمز بوقها وبصوت مسعور بتزعق وتصرخ:
— إيه ده؟! إيــــــــه ده؟! شـــــعــــر؟!!
جريت على الحوض وهي بتتقيأ، وأمها قامت مفزوعة بتصرخ وتضرب كف بكف:
— يا نهار أبيض! شعر في الكيكة؟! إزاي ده يحصل في بيت محترم؟!
أنا بصيت لهم بكل برود، وقعدت على الكرسي الهادئ، وقلت بصوت عالٍ لكل الموجودين، وبالأخص حسام اللي دخل الصالون على صوت الصراخ:
— غريبة أوي يا سماح! معقولة الكيكة النضيفة اللي إنتِ شاركاني في عمايلها طلع فيها شعر؟! غريبة.. أصل باين كده الشَّعَر بيحب الأكل اللي بتعمليه، ولا دي “لعبة” متعودة تعمليها عشان تكسفي الناس اللي في البيت؟!
عريس سماح وقف، وعروق رقبيته بارت، وبص لسماح بنظرة احتقار مقرفة، وقال بصوت رعد:
— تقصدي إ ايه بالكلام ده؟ يعني إيه لعبة؟!
أم سماح دخلت في النص وبقت تبرر وتهبد على صدرها:
— يا ابني دي سلفيتها الفلاحة بتغيظ بنتي عشان العريس جه! دي بتتبلى عليها!
هنا، حسام اللي كان واقف مذهول ومش فاهم حاجة، دخل الصالون وقال بعصبية:
— في إيه هنا؟! وايه قرف الشعر ده تاني؟!
بصيت لحسام بكل ثقة، وطلعت من جيبي “موبايل” كنت مسجلة عليه فيديو صغير من كام يوم، لما كنت بفتش في الزبالة ولقيت الفطيرتين بتوع سماح بس هما اللي فيهم الشعر، ده غير إن كاميرا المراقبة الصغيرة اللي كنت حطيتها في المطبخ خلسة بعد يوم الفطير (عشان كنت عارفة إنها هتعيدها) صورت سماح وهي بتحط الشعر في الكيكة من شوية
فتحت الفيديو قدام حسام والكل



