ختي هربت قبل ما تتجوز ظابط بحري. وعشر سنين ورا بعض، رجعت عشان تاخد مني جوزي والابن اللي ربيته بيدي.
أختي سابت خطيبها وهي حامل واختفت قبل الفرح بيومين.
وعشان نلم الدور ونهرب من الڤضيحة، أهلي أجبروني أخد مكانها.
وطول العشر سنين اللي فاتوا، كنت الست والزوجة المثالية للظابط البحري ده، وربيت الولد اللي أختي سابته وراها.
لحد ما في يوم عيد ميلاد ابني، رجعت بكل بساطة وهي بتبتسم وقالتلي
خلاص يا هبة، تقدري تمشي دلوقتي. أنا جيت عشان أسترد جوزي وابني.
أختي، سمية، كانت قاعدة على الكنبة في بيت أهلي، ولابسة بالطو براند وشنطة شكلها كده تمنها يغطي قبضتي كذا شهر.
زهقت من العيشة بره قالتها وهي بتظبط ظوافرها وتقول في الآخر، مافيش أحسن ولا أريح من قعدة البيت.
وبعدين بصتلي وقالت
على فكرة، فين سليم؟ قلتله إن مامته الحقيقية رجعت ولا لأ؟
أهلي وشهم جاب ألوان من الخضة.
أنا مسكت فنجان الشاي بين إيديا جامد
سليم خرج مع باباه يلفوا في الميناء ويشوفوا إحدى السفن الحړبية. مش هيراجعوا غير بالليل.
سمية كشرت وقالت
مش أنا قلتلك إني راجعة؟ هو إنتِ كمان ما قلتش لوائل؟
وائل كان جوزي.
ظابط بحري شجاع ومكرم، والراجل اللي
كان المفروض سمية تتجوزه من عشر سنين.
والليلة اللي اختفت فيها، أهلي دخلوا عليا أوضتي وبإيدهم فستان فرح.
كنت لسه مخلصة الجامعة دوبني.
أختك مينفعش تتجوز دلوقتي قالتها أمي، وما قدامناش غيرك، إنتِ اللي هتلبسيه وتتوزي مكانه.
محدش سألني إذا كنت بحب وائل ولا لأ.
ومحدش اهتمام يعرف لو كان عندي خطط تانية لحياتي.
كل اللي كان فارق معاهم ما يكسروش كلام عائلة محترمة وما يعملوش ڤضيحة تضر بسمعتهم.
وافقت على الجوازة دي وأنا متأكدة إن حياتي خلصت قبل ما تبدأ أساساً.
طلع ظني غلط.
وائل طلع راجل هادي، مسؤول، وحنين بطريقة ما توقعتهاش خالص.
وبعد جوازنا بشهور، سمية ولدت بره مصر. وسابت البيبى عند أهلي واختفت تاني.
ولما سليم دخل بيتنا، مكنش كمل تلات شهور.
أنا اللي سهرت الليالي الطويلة، أنا اللي حضنته وقت السخونية والتعب، وأنا اللي سمعت أول كلمة نطقها
ماما.
وعلى مدار عشر سنين، عملنا عائلة وعشنا سوا.
ودلوقتي جاية سمية بكل برود تطالب بيها كأنها شنطة نسيتها وراكية!
مالك ساكتة كده ليه؟ قالتها وهي عصبية.
شربت بق شاي بهدوء
علشان مش فاهمة إنتِ مستنية مني إيه بالظبط.
سمية قامت مرة واحدة من مكانها
ما تعيشيش دور الطيبة
والبرائة! وائل كان خطيبي أنا! وإنتِ كل الحكاية إنك خدتي مكاني وأنا مسافرة!
بصتلها وعيني في عينها
وائل جوزي على سنة الله ورسوله. بينا بيت وعائلة.
ده جوز اختك!
لأ، ده جوزي أنا.
ضحكت سمية باستهزاء
للدرجادي مفكرة إنك هتفضلي محتفظة بيه؟ لولايا، مكنش زمانك ډخلتي البيت ده من أساسه.
أمي حاولت تتدخل وتهدي الجو
يا سمية يا حبيبتي، الأمور اتغيرت
مفيش حاجة اتغيرت! صړخت أختي أنا الست اللي وائل كان بيحبها، وأنا أم سليم الحقيقية!
وبعدين قربت مني ومسكت إيديا كأنها بتمثل الحنية
اسمعيني يا هبة. إنتِ مش مجبورة تحسي بذنب. كتر خيرك إنك ربيتي وخدتي بالك منهم السنين دي كلها. دلوقتي تقدري تشوفي حياتك وتدوري على سعادتك.
سحبت إيدي ببطء منها
أنا حياتي معايا ومبسوطة بيها والحمد لله.
ابتسامتها طارت من وشها
يبقَى تستعدي بقى عشان تتعلمي إزاي تخسريها.
مردتش عليها.
لمېت شنطتي وطلعت من البيت.
وبالليل، لما رجعت شقتنا في مسكن الضباط، لقيت وائل في وشي مستنيني.
كان لسه بالبدلة العسكرية. قرب مني، خد الشنطة من إيدي وباسني بحنية من جبيني
وحشتيني أوي قالها بصوت هادي، كل حاجة كانت تمام وأنتِ بره؟
كنت عايزة أحكيله على اللي
حصل.
بس الكلام وقف في زوري واتحشر.
لسنين طويلة كنت عايشة بړعب
