
رثت خوف مكنش بتاعي أساساً.
لما حاتم طلب يتجوزني، طلبها في نفس المصطبة اللي اعترفت له فيها بكذبي. حط على الترابيزة مفتاح صغير.
ده مفتاح الأوضة اللي جنب المخزن.. أمي بتقول إنك ممكن تعمليها ورشة الخياطة بتاعتك لو حابة. ولو مش حابة، عادي، المفتاح يفضل معاكي برضه.
مسكت المفتاح بين صوابعي.
مكنش وعد بالفلوس أو الغنى.. كان حاجة أحسن بكتير كان مساحة خاصة بيا.
فين السؤال بقى؟ سألته.
ابتسم وقال
تحبي تبني حياة معايا من غير ما تتخلي عن بناء حياتك أنتي؟
قلت له موافقة.
اتاتجوزنا في صحن البيت عند الأرض، مع ترابيزات طويلة، وأكل بلدي، وفرقة مزمار بلدي جات لنا. أنا خيطت جزء من فستان فرحي وطاط منى كملت الكمام لما إيديا مبقتش قادرة.
صفاء حضرت وقعدت في أخر صف.
معيطتش وهي شايفاني ماشية مع حاتم.. وفي الآخر، قربت بس تظبط طرف الطرحة اللي كان شبك في الكرسي.
طالع عليكي حلو قالتها.
وهي دي كانت كل الكلمة.
وأنا كمان متمنيتش منها أكتَر.
مع الوقت عملت ورشتي في الأوضة دي. بدأت بتظليح المريول والفساتين، وبعدين شغلت معايا بنتين من البلد. حاتم عمره ما حط إيده على فلوسي ولا اتقال لي أشغل مين وماشغلش مين.. وأنا كمان مكنتش بتدخل في كل صغيرة وكبيرة في الأرض.
اتعلمنا نسند بعض من غير ما التحف بالحب يحول
حياتنا لسجن.
بعد ما اتجوزت، شفت بعيني اللي كنت بس بأسسمعه. الحاج رشاد كان بياكل على ترابيزة واحدة مع العمال لما اليوم بيطول؛ وطنط منى كانت بتشيل دوا لجارتها المړيضة وعمرها ما خلت حد يعرف مين اللي دفعه. مكنوش ملايكة ولا مدعين، كانوا بيتخانقوا وبيغلطوا وبيحاسبوا على القرش. بس القسۏة اللي صفاء كانت بتحكيلي عنها مكنتش موجودة خالص. الحقيقة دي كسرت باقي الخۏف اللي كبرت بيه.
عيلة الرشاد فضلت تساعد الناس. وأنا كنت بحرص إن المساعدة دي تفتح باب رزق أطقم دراسة، أدوات، أو شغل بفلوس. كنت عارفة كويس إحساس إن حد يقرر مصيرك عشان مصلحتك.
صفاء زارتنا بعد سنتين من الجواز. جت من غير معاد ونفس القعدة المتششنجة. كنت بَقص قماش.
شايفه إنك بقيتي واحدة من عيلة الرشاد خلاص قالت.
زمان، الكلمة دي كانت هتخليني أنكمش وأخاف.
في اليوم ده فضلت أقيس كم الفستان عادي.
وأنا برضه لسه فريدة.
بصت للرف.. كان فيه الوصل القديم بتاع دوا أبويا، متبرقع ومتعلق.
لسه شايلا البتاع ده؟
أيوه.
أنا لو منك كنت حرقته.
عشان كده أنا شلته.
سبت المقس وقلت لها
أنتي جبتيني هنا عشان أحس إني ولا حاجة.. والنتيجة طلعت العكس. مش عشان عيلة الرشاد أنقذوني، بس عشان هنا اتعلمت إن قبولي للمساعدة ميبخسش من كرامتي، وإن حبي لحد مش معناه
إني أديله الحق يقرر بدالي.
لأول مرة أشوف التعب على وشها مش الڠضب.
أنا كمان عملت اللي أقدر عليه همست.
عارفة.. بس إنك تعملي اللي تقدريه ده مبيخليش كل اللي عملتيه صح.
مفيش حضڼ حصل ولا صلح مالي الأجواء.
قبل ما تمشي، طلعت من شنطتها كُستبان معدن.. كان بتاع أبويا، من علبة الخياطة اللي كان بيستخدمها لما يرقع قمصانه.
ده كان بتاعه.. كان المفروض يكون معاكي من زمان.
حطته على الترابيزة.
وكانت دي طريقتها إنها ترجعلي حاجة حبستها عني وقت طويل.
بعد سنين، ولادي كانوا بيسألوني عن الكستبان ده. مكنتش بحكي لهم عن أشرار وملايكة، كنت بحكي لهم عن ناس عندهم كبرياء، مجروحين، كريمين، وبيغلطوا؛ عن ست خلطت بين الحماية والسيطرة؛ وعن عيلة حكمت عليها قبل ما أعرفها؛ وعن راجل حبني أكتر
لما بطلت أُمثّل.
الوصل فضل متعلق على حيطة الورشة، والكستبان فضل جنب المكنة.
وكل ما بنت كانت بتيجي تدور على شغل وعينها مکسورة في الأرض، كنت بفتكر البنت اللي كنتها وأنا داخلة الأرض دي ومصممة أطَفّش العريس.
فكنت أشد لها كرسي، وأعمل لها كوباية شاي، وأسألها الأول أنتي عايزة تعملي إيه بحياتك؟
عشان بعد السنين دي كلها، دي أكتر حاجة حمدت ربنا إن حد عملها معايا إنه ميعرفنيش نصيبي إيه، بس يسيبني أنا أختاره.
النهاية
خاص
لصفحة روايات وحكايات محمد نور و وردة احمد


