حماتي قالتلي إيه المنظر ده؟! إنتِ سايبة شقتك بالشكل ده ورايحة عند أمك؟ ده أنا دخلت كل أوضة وشفت بعيني الإهمال اللي إنتِ عايشة فيه، حتى أوضة نومك مش مترتبة.. اتجمدت مكاني من الصدمة، مش مصدقة إنها بتكلمني كده في بيتي، والأغرب إنها كانت شايفة إن من حقها تدخل وتفتش في كل حاجة من غير ما تستأذن!
بداية الحكاية
أنا متجوزة بقالي أربع سنين، وكنت دايمًا بحاول أرضي جوزي وأحافظ على بيتي، وأعدّي أي موقف يضايقني عشان المركب تمشي. وخصوصًا مع حماتي، اللي من أول يوم جواز وهي بتحب تعرف كل تفصيلة في حياتنا، من الأكل اللي بطبخه لحد الفلوس اللي بنصرفها.
كنت بقول لنفسي معلش، دي أمه، وأنا لازم أستحمل شوية عشان خاطر جوزي… بس اللي حصل المرة دي كان أكبر من قدرتي على الاستحمال.
في اليوم ده، أمي كانت تعبانة جدًا،
فاستأذنت جوزي إني أروح أقعد معاها كام ساعة وأطمن عليها.
قال لي وهو ماسك موبايله روحي يا حبيبتي، وطمنيني عليها…
فرحت إنه وافق، ولبست بسرعة، واتأكدت إني قفلت الشقة ورايا، ونزلت وأنا قلبي مشغول على أمي.
قعدت عندها شوية، ولما اطمنت إن حالتها اتحسنت، قررت أرجع بيتي قبل المغرب. طلعت السلم، وفتحت باب الشقة، وأول ما دخلت حسيت إن في حاجة غريبة.
الصالون مش مترتب زي ما سيبته، وفي حاجات متحركة من مكانها، وباب أوضة النوم كان مفتوح، مع إني كنت متأكدة إني قفلته قبل ما أمشي! حكايات_مني_السيد
وقفت مكاني وأنا ببص حواليّا، وبعدين دخلت أوضة النوم، لقيت الدولاب مفتوح، والهدوم متحركة، وحتى الكومودينو اللي جنب سريري كان عليه حاجات مش فاكرة إني سيبتها بالشكل ده. حصري على صفحة روايات و اقتباسات..
قلبي بدأ يدق بسرعة، وفضلت ألف في الشقة لحد ما سمعت
صوت حماتي من ورايا بتقول بكل برود
إيه يا بنتي؟ مالك بتبصي كده ليه؟ هو أنا عملت حاجة غريبة؟
لفيت ناحيتها پصدمة وقلت إنتِ يا ماما هنا من إمتى؟ وإزاي ډخلتي الشقة وأنا مش موجودة؟
ردت بمنتهى الهدوء هو أنا غريبة يا حبيبتي؟ دي شقة ابني، وأنا معايا مفتاحها!
حاولت أتمالك أعصابي وقلت أنا مش بقول إنك غريبة، بس دي شقتي، وكان المفروض أعرف إن حضرتك جاية، خصوصًا إني مش موجودة.
بصتلي من فوق لتحت، وقالت بنبرة مليانة استهزاء شقتك إيه بس؟! ده أنا دخلت لقيت الدنيا مش محتاجة غير إن الدود يمشي فيها! إنتِ بدل ما إنتِ رايحة جاية على بيت أبوكي، أهدى كده ونضفي شقتك!
اتسمرت مكاني… مش عشان إھانتها وبس، لكن عشان اكتشفت إنها مش دخلت الصالون وخلاص، دي كانت عارفة تفاصيل كل أوضة، وكل ركن، وحتى الحاجات اللي جوه أوضة نومي!
فضلت تحكيلي
عن التراب
اللي لقيته، والهدوم اللي مش مترتبة، والمطبخ اللي محتاج تنظيف، وكأنها كانت بتعمل جرد لشقتي! استنيت لحد ما مشيت، وأول ما الباب اتقفل، مسكت موبايلي واتصلت بجوزي.
حكيتله كل اللي حصل، وكنت مستنية منه كلمة واحدة تطمني بيها، أو حتى يقول لأمه إن اللي عملته غلط.
لكنه رد بكل بساطة معلش يا حبيبتي، دي أمي، وأنا معرفش أقول لها حاجة تزعلها.
ساعتها حسيت إن في حاجة جوايا اتكسرت.
قلتله وأنا بحاول أمنع دموعي طب وأنا؟ أنا مش مراتك؟ مش من حقي أحس إن ليا خصوصية؟ يعني أروح أطمن على أمي أرجع ألاقي حد دخل شقتي وفتشها من غير إذني؟ أمال أنا أأمّن نفسي فين؟
رد بعصبية إنتِ مكبرة الموضوع ليه؟ ما هي أمي، يعني مش حد غريب!
قلتله بحزم تمام، أنا مش همنعها تيجي تزورنا، لكن مش من حقها تدخل وأنا مش موجودة. أنا عايزة أغيّر الكالون، ومش عايزة حد يدخل بيتي من غير
إذني..
سكت ثواني، وبعدين قال بلهجة ټهديد خلت جسمي كله يتنفض اسمعي يا ستي، لو الكالون اتغيّر، إنتِ كمان هتتغيّري!
قفلت المكالمة وأنا مش مصدقة إن الراجل اللي كنت فاكرة إنه ضهري، بيهددني عشان طلبت حقي في الخصوصية.
لكن اللي جوزي ماكانش يعرفه، إني بعد المكالمة دي قررت أعمل حاجة عمري ما فكرت فيها قبل كده.
تاني يوم الصبح، نزلت وغيّرت الكالون فعلًا، واحتفظت بالمفتاح الجديد معايا. كنت فاكرة إن أكبر مشكلة هتحصل هي خناقة بيني وبينه، لكن الساعة تسعة بالليل، سمعت خبط عڼيف على الباب.
بصيت من العين السحرية، ولقيت حماتي واقفة، وجنبها جوزي، ووشها أحمر من الڠضب.
فتحت الباب، فمدت إيدها قدامي وهي بتصرخ
هاتي المفتاح الجديد حالًا، وإلا أقسم بالله لأخليكي ټندمي على اليوم اللي ډخلتي فيه البيت ده!
حسيت إن رجلي مش شيلاني، وإن ٤ سنين اللي عشتهم معاه اتهانوا
في لحظة واحدة.
بصيت لحماتي وقلت اتفضلي يا ماما، إنتِ وجوزي اتفضلوا بره شقتي دلوقتي، ولما يبقى عندكم استعداد تحترموني، نبقى نتكلم.
حماتي فتحت عينيها على آخرها، وبعدين بصت لابنها وقالت سمعت مراتك بتقول إيه؟! دي بتطردني من بيت ابني يا محمود!
محمود قرب مني وقال بصوت واطي، لكنه كان مليان ټهديد إنتِ اللي جبتي ده لنفسك، ومش هتباتي الليلة دي هنا!
ضحكت بمرارة وقلتله أنا اللي مش هبات في بيتي؟! طب وريني هتعمل إيه!
ساعتها حماتي مسكت دراعه وقالتله
خلاص يا ابني، سيبها دلوقتي، أنا هتصرف معاها بطريقتي.
وبالفعل، خرجوا وسابوني واقفة لوحدي، وأنا بحاول أستوعب الإهانة اللي اتعرضتلها… لكن بعد أقل من نص ساعة، جرس الباب رن تاني… افتكرت إنهم رجعوا يكملوا الخناقة، فبصيت من العين السحرية، واټصدمت لما لقيت حمايا واقف قدام الباب، ومعاه اتنين من قرايب
جوزي.
فتحت الباب
أنا مستغربة، فسألته
خير يا عمي؟ في إيه؟
بصلي بجدية وقال
إنتِ لازم تيجي معانا دلوقتي، فيه موضوع لازم يتحسم قبل ما الليلة تخلص.
وقبل ما أسأله عن الموضوع، سمعت صوت حماتي من وراه بتقول بكل ثقة
يلا يا بنتي، خلينا نخلص من الحكاية دي، عشان ابني مش هيفضل عايش بالشكل ده أكتر من كده!
وقتها عرفت إن الخناقة دي ما كانتش مجرد خلاف على مفتاح شقة، وإنهم كلهم متفقين على حاجة أنا آخر واحدة تعرفها… بس السؤال اللي فضل يطاردني وأنا ببص في وشوشهم هما كانوا ناويين يعملوا فيا إيه من الأساس؟
رجلي اتسمرت في الأرض وأنا ببص لحمايا وللاتنين اللي معاه، ولحماتي اللي كانت واقفة وراهم بنظرة كلها انتصار وشماتة، وكأنها خلاص مسكت عليا ذلة هتكسر بيها رقبتي. الهوا حواليا فجأة بقى تقيل، وضربات قلبي كانت مسموعة لدرجة حسيت إنهم سامعينها.
بلعت ريقي بصعوبة، وحطيت
إيدي على حافة الباب وسندت عليها عشان ما أقعش، ورديت بصوت حاولت أخليه ثابت على قد ما أقدر موضوع إيه يا عمي اللي يتحسم دلوقتي؟ والساعة داخلة على عشرة بالليل! وبعدين محمود فين؟ مش ده جوزي وبيتي، ولا خلاص كل حاجة بقت من ورا ضهري؟!
حمايا راجل دايمًا هادي ومابيتدخلش في المشاكل، لكن وشه المرة دي كان صارم جدًا، نظراته مفيهاش ذرة تعاطف، وقال بنبرة مفيهاش أي مجال للنقاش محمود تحت مستنينا في شقتنا، ومش هينفع الكلام هنا على عتبة الباب والناس رايحة جاية في العمارة. البسي طرحتك وانزلي بالذوق، إحنا مش جايين نعمل فضايح، بس في أصول لازم تمشي عليها، واللي حصل النهاردة كسر كل الأصول دي.
حماتي طلعت خطوة لقدام، وابتسمت نص ابتسامة سمجة وقالت البسي يا حبيبتي، البسي وانزلي بكرامتك، بدل ما نخلي العمارة كلها تتفرج عليكي وتعرف حقيقتك.. ده إحنا صابرين عليكي
أربع سنين وساكتين وبنقول بكرة تتعدل، لكن تمدي إيدك وتغيري الكالون وتطرديني أنا وابني؟! لا، دي وسعت منك أوي!
كنت شايفة الاتنين قرايبهم، ولاد عم محمود، واقفين باصين في الأرض، بس وجودهم في حد ذاته كان رسالة ضغط، رسالة ترهيب واضحة وصريحة إن الموضوع مش مجرد عتاب عائلي، ده مجلس تأديبي معمول مخصوص عشان يكسروا مناخيري فيه.
في ثانية واحدة، فكرت أقفل الباب في وشهم وأتصل بأهلي وأقولهم الحقوني، بس افتكرت أمي وتعبها اللي لسه سيباها عليه الضهر.. لو سمعت كلمة زي دي أو عرفت بالمصېبة دي هيجرالها حاجة، وأبويا راجل كبير مابيستحملش خناقات ولا مشاكل. حسيت إني وحيدة تمامًا في اللحظة دي، ومافيش قدامي غير إني أواجههم بنفسي وبقوتي.
بصيت لحمايا في عينه مباشرة وقلتله تمام يا عمي، أنا نازلة وراكم، بس مش عشان خاېفة من حد، أنا نازلة عشان أعرف أنتم مجمعين
الناس دي كلها
خلت الشقة، وقفلت الباب ورايا بالمفتاح الجديد اللي كان لسه بارد في إيدي، وسندت ضهري على الباب وغمضت عيني وخدت نفس طويل جدًا. مسكت موبايلي، وإيدي كانت بتترعش، وبصيت لرقم محمود.. كنت عايزة أعاتبه، أسأله هو إزاي رضي بكده؟ إزاي يهون عليه يوقف أهله كلهم قدام مراته بالشكل ده؟ بس مسحت دموعي بسرعة وقولت لنفسي لا يا ستي، البكا دلوقتي ضعف، والضعف هيدوسوا عليه برجليهم.
لبست إسدالي وخرجت، ونزلت السلم خطوة خطوة، وكل خطوة كانت بتخليني أحس إن البيت ده مابقاش بيتي، وإن الأربع سنين اللي فاتوا اتبخروا في الهوا. وصلت قدام باب شقة حماتي، كان مفتوح نص فتحة، وزعيق واطي وصوت همهمة طالع من جوه.
أول ما خطيت عتبة الباب، لقيت الكل قاعد في الصالون.. حمايا، وقرايبهم، وحماتي اللي قعدت وحطت رجل على رجل كأنها قاضي مستني ينطق بالحكم، ومحمود جوزي.. كان قاعد في ركن، باصص للموبايل كالعادة، وشه متهرب من عيني، وما رفعش راسه حتى يبصلي لما دخلت.
وقفت في نص الصالون وما قعدتش، وسألت وأنا باصة لمحمود تحديدًا خير يا جماعة؟ جمعتوني هنا ليه؟ وإيه الموضوع الكبير اللي ما يستناش لبكرة؟
حمايا شاور بإيده على الكنبة وقال اقعدي يا بنتي الأول، الكلام يتاخد ويدي بالهداوة.
قلتله وأنا واقفة زي الجبل لأ يا عمي، أنا مرتاحة كده.. اتفضل قول اللي عندك عشان عايزة أطلع أرتاح.
حماتي ضحكت بصوت عالي مستفز وقالت ترتاحي؟! والله ليكي عين تتكلمي عن الراحة! قولي لها يا حاج، قولي لها على اللي لقيناه في شقتها ومستخبي في دولابها!
الكلمة نزلت عليا زي الصاعقة.. لقيتوا إيه؟! ودولاب إيه؟! حماتي لما دخلت الشقة ما كانتش بس بتتفرج على النظافة ولا بتشوف الأوض زي ما قالتلي الصبح، دي كانت بتدور على حاجة معينة، حاجة هي عارفاها ومخططة لها من بدري!
بصيت لمحمود وزعقت في إيه يا محمود؟! ماتنطق! أهلك بيتهموني بإيه بالظبط وإنت قاعد ساكت كده زي خيال المآتة؟!
محمود رفع عينه أخيرًا، بس كانت نظرة جبانة ومترددة، وقال بصوت مخڼوق وطي صوتك يا نور! إنتِ في بيت أبويا وأمي، احترمي اللي قاعدين! وبعدين إنتِ اللي حطيتي نفسك في الموقف ده لما عملتي راسك براس أمي وغيرتي الكالون كأننا حرامية عندك!
حمايا مد إيده على الترابيزة اللي في النص، وسحب ظرف أبيض كان محطوط، وفتحه قدام الكل. قلبي وقع في رجلي.. الظرف ده أنا عارفاه كويس، ده الظرف اللي كنت حاطاه تحت الهدوم الشتوي في أخر رف في الدولاب، ظرف مقفول بلزق ومحدش كان يعرف مكانه نهائي إلا أنا!
حمايا بصلي بنظرة كلها شك وعتاب، وطلع من الظرف أوراق وفلوس، وقال بصوت خشن هز الصالون كله إحنا بقى يا ست هانم، عايزينك تفهمينا إيه ده؟ وإزاي الحاجات
دي تكون موجودة في بيت ابني من غير ما يعرف؟ ومين الراجل اللي
باعثلك الورق ده باسمه، وبأي حق تكتبي بيع وشړا من ورانا؟!
الدنيا اسودت في عيني ولساني اټشل لثواني.. ورق إيه؟ وراجل مين؟! حماتي قامت وقفت وقربت مني وهي بتشاور بإصبعها في وشي وبتقول بغل ها؟ قطة أكلت لسانك؟! فاكرة نفسك شاطرة ومخبية بلاويكي جوه الهدوم؟! لولا إني دخلت وفتشت بمفتاحي مكنش حد هيعرف المصېبة اللي إنتِ مبيتاها لابني! ده إنتِ طلعتي شيطانة وإحنا مش دريانين!
كنت ببص للورق اللي في إيد حمايا والذهول مسيطر عليا تمامًا.. الأوراق دي مش بتاعتي، والخط اللي مكتوب بيه مش خطي، والاسم اللي اتقال أنا عمري ما سمعت عنه في حياتي!
بصيت لمحمود اللي كان قاعد يفرك في إيديه ومړعوپ يبص في عيني، وفجأة فهمت.. فهمت إن في لعبة كبيرة جدًا بتتلعب عليا، وإن الموضوع مش تفتيش حماتي الفضولية ولا خناقة مفتاح، دي مصيدة معمولالي بالمسطرة والقلم عشان أخرج من البيت ده بڤضيحة ومن غير ما أطالب بحبة رمل واحدة من حقوقي!
قربت من الترابيزة، وسحبت الورق من قدام حمايا پعنف، وبصيت فيه.. وأول ما قريت التاريخ اللي مكتوب فوق والاسم اللي ممضي تحت، دمي نشف في عروقي، وعرفت إن السر اللي اكتشفوه مش هيخرب بيتي أنا لوحدي.. ده هيقلب عيلة محمود دي كلها فوقاني تحتاني، بس السؤال اللي شل تفكيري في اللحظة دي مين فيهم اللي رتب المصېبة دي، ومحمود نفسه.. ضحېة زيي، ولا هو اللي دابحني
بإيده؟!
يتبع
