عيادة خاصة بقلم الكاتبة نرمين عادل همام
المطر كان نازل كأنه سيول على أسطح البيوت في الحارة، وصوت الرعد كان بيرج الشبابيك الخشب المخلعة، بس أنا ما كانش فارق معايا البرد ولا صوت الرعد، كان كل اللي شاغلني ونار قايدة في بطني هو طلق الولادة اللي قطّع مصاريني. كنت في آخر ساعات في الشهر التاسع، بطني قدامي زي الجبل، ونفسي طالع بالعافية، بس كل ما أحس بوجعة، أقول لنفسي “تهون يا وردة.. كلها كم ساعة وتشيلي ضناكي على إيديكي”.
شعبان جوزي كان سايق التوك توك بتاعه بأقصى سرعة في الشوارع المغرقة، بس عينيه ما كانتش عليّ، كان كل شوية يبص في المراية ورجليه بترتعش على البدال. ووراه على الكنبة، كانت قاعدة أمه، الحاجة “أم صابر”، لافة شالها الأسود حولين وشها ومطبقة بوزها، ماسكة سبحتها العاج وبتردد أدعية مش طالعة من قلبها.
بدل ما نطلع على المستشفى الميري اللي جنب الحارة، لقيتها بتصرخ في شعبان: — امشي يا خايب من طريق المستوصف الخاص اللي في آخر العزبة.. الدكتور هناك معرفة وهيسترنا ويخلصنا بدل البهدلة دي.
صرخت وأنا ماسكة في كرسي التوك توك من كتر الوجع: — ميري إيه وخاص إيه يا حاجة! أنا بنزف والعيادة الخاصة دي مقطوعة في آخر الدنيا.. وسمعتها مش ولابد المستشفى العام أقرب! ردت عليّ بنبرة ناشفة زي الزلط، وعينيها بتاكلني: — اكتمي يا وردة وما تسمعيناش صوتك! إحنا أدرى بالمصلحة، ولا فاكرة نفسك أول وحدة تولد في الدنيا؟ ما تدوشناش بنواحك!
لما وصلنا المستوصف، المكان كان شبه مهجور، ريحة المطهرات طالعة منه تزكم النفوس، ولا فيه صريخ أطفال ولا حركة. دكتور العيادة كشف عليّ ببرود، وفي اللحظة اللي كنت فيها بموت من ألم
، شفت الحاجة أم صابر بتتسحب لورا الستارة، وطلعت من جيب جلابيتها الكبيرة رزمة فلوس ملفوفة في أستك، حطتها في إيد الدكتور وهي بتهامسه بصوت واطي بس سمعت حشرجته:
— الفلوس اهي كاش وزيادة يا دكتور.. أهم حاجة الإقرار يتوقع والمستندات تطلع باسمي أنا، مش عايزة اسمها يتقال في المولود ده خالص.
عيني زغللت، وبصيت لشعبان اللي كان واقف جنب الباب بيفرك في إيديه كأنه حرامي اتكشف، قلت له بصوت مبحوح ومخنوق:
— شعبان.. أمك بتدي الدكتور الفلوس دي ليه دلوقتي؟ وهو إحنا لسه عملنا حاجة؟! شعبان اتلخبط ووشه جاب ألوان، بس أمه نطت في الكلام قبل ما ينطق:
دي حلاوة الدكتور يا عيني عشان يديكي البنج العالي وما تحسيش بحاجة.. ولا عايزانا نسيب الراجل بلاش؟
دخلوني أوضة العمليات، والبنج الابتدى يسري في جسمي زي التلج المسموم. كنت حاسة بجسمي بيموت ويتقل، بس عقلي كان لسه صاحي لثواني معدودة. سمعت شعبان بيقرب من راسي ويهمس للدكتور وهو مرعوب:
— يا دكتور.. هي كدة مش هتحس بحاجة خالص؟ يعني لما نبصمها على أوراق التنازل مش هتفوق؟
رد الدكتور بنبرة خبيثة وهو بيجهز المشرط:
— متقلقش يا شعبان.. الجرعة مظبوطة بالملي، هتبصم وتوقع وهي بين السما والأرض، ومحدش هيقدر يثبت إنها ما كانتش بكامل وعيها، والواد هيتسجل بالاسم ال عيزينه !
حاولت أصرخ.. حاولت أطوح إيدي وأضرب الدكتور، بس لساني اتعقد، وعيني اتفتحت على آخرها وهي شايفاك يا شعبان بتسسلمني للذئاب، وبعدها كل حاجة اسودت وغبت عن الدنيا.
بعد كذا ساعة، فقت على نار شاعلة في بطني، كأن حد جاب سيخ محمي ومشاه على جرح القيصرية. عينيا كانت بتدور في الأوضة المظلمة.. مفيش حد! لا ابن في حضني، ولا صوت عياط، ولا شعبان، ولا أمه.
قعدت أتنفّس بالعافية وأنا بصرخ بصوت مبحوح وطالع من قعر زوري:
— شعبان! يا شعبان! فين ابني؟ يا دكتورة يا اللي هنااا! ابني فين؟!
الباب اتفتح بلهفة، ودخلت “صباح”، الممرضة بنت الحارة اللي عارفة أهلي. وشها كان أصفر زي الليمونة وعينيها مليانة دموع ورعب، قربت مني ووطت على ودني وهي بتمسك إيدي المرتعشة:
— يا وردة.. اسكيتي يا ختي وجمعي طولك! صرخت فيها وأنا بشد جلابيتي:
— ابني فين يا صباح؟! نطقيني قبل ما اطق وأموت! صباح بصت حواليها للخارج ووطت صوتها على الآخر:
— حماتك وجوزك خدوا العيل وخلعوا بيه من نص ساعة! قالوا للنبطشية إنك متنازلة عنه برغبتك وإن العيل رايح حضانة خاصة.. بس أنا شفت البلاوي يا وردة!
— بلاوي إيه؟ انطقي!
— شفتهم ماسكين صباعك وأنتِ غايبة عن الوعي ومغيبة تماماً تحت البنج، وبصموكي على ورق رسمي وتنازل عن الواد للحاجة أم صابر! والتقرير بتاع الدكتور مكتوب فيه إنك غير قادرة نفسياً وعقلياً على تربيته!
الدم في عروقي تحول لشرار. الوجع والجرح والنار اللي في بطني اتنسوا في ثانية، وحلت مكانهم روح ثانية خالص.. روح ست مجنونة بتدافع عن ضناها. قمت من على السرير والجرح بيشد وينزف، مسكت في الحيطة وأنا بأسناني وبإيد واحدة بسبك هدومي، وكنت ناوية أخرج للشارع أملأ الدنيا صريخ وأجيب الحارة كلها عليهم.
دخلت الحاجة أم صابر، لافة العيل في شال ورافعاه على دراعها كأنها كسبت الحرب، ووراها شعبان بيتسحب زي الكلاب الجربانة. بصت لي بابتسامة صفرا مليانة قسوة وشماتة وقالت:
— إيه يا روح أمك؟ فقتي من التمثيل بدري ليه؟ مبروك عليا، ومبروك عليكِ ورقة طلاقك اللي هتوصلك على بيت أبويكِ بكرة! الواد ده هيتربى في عز أم صابر، وأنتِ مالكيش مطرح وسطنا خلاص!
كنت لسه هجم عليها وأكل وشها بأسسناني، بس الباب اترزع مرة ثانية ورزعة هزت الأوضة.
دخل المعلم “رجب” كبير المنطقة، ومعاه رئيس مباحث القسم واثنين أمناء شرطة بالكلابشات!
أم صابر اتلخبطت ورجعت لورا وهي بتصرخ:
— إيه ده؟ أنتم مين ودخلتم هنا إزاي؟! الظابط قرب ببرود ورفع إيده:
— محدش يتحرك! الحاجة أم صابر وشعبان عبد المطلب.. مطلوب القبض عليكم بتهمة التزوير في محررات رسمية والتلبس بشروع في اختطاف طفل حديث الولادة!
شعبان وشه بياض زي الميتين، وأمه صرخت:
— كدب! ده حفيييييدي! المعلم رجب اتكلم بصوت جهوري هز الجدران:
— كدب إيه يا أم صابر؟ صباح الممرضة اتصلت بيا وبلغت القسم، والكاميرات اللي حاططها صاحب المستوصف بره وجوه سجلت كل حاجة.. سجلت وأنتوا بتبصموها وهي بين حانا ومانا فاقدة الوعي!
الظابط شاور للأمناء، وفي ثانية كانت الكلابشات بتدعك في إيدين شعبان وأمه وهي بتصرخ وتلعلع في المستشفى كالمجنونة، والدكتور بيتسحب ومسكوهم كلهم من قفاهم.
تقدمت بخطوات ثقيلة، والجرح بياكل في جسمي، بس إيدي كانت قوية زي الحديد. سحبت ابني من بين إيدين أم صابر المرتعشة، وحطيت وشه على صدري.. تنفست ريحته، ودموعي نزلت على وشه الفينو الصغير.
بصيت لشعبان وهو متكلبش ومكسور بيبص لي وبيتترجاني بعينيه، قلت له بنبرة صوت أبرد من التلج وأقوى من الموت:
— ابن الحرامية مش هيتربى مع حرامية يا شعبان.. انتوا واطيين وانا اتخدعت في ابنك شيفاني اقل منكم يا عيلة واطيه ومن النهاردة أنت وأمك ميتين بالنسبة لي، وابني ده.. أنا اللي هكون أبوه وأمه وسنده في الدنيا!
خرجت من باب المستوصف وأنا ضامة العيل لصدري، كان قلبي بيدق زي الطبول، والجرح القيصري بيشد مع كل خطوة كأن في سكاكين بتقطع في جلدي، بس النار اللي كانت حادية في قلبي كانت أكبر من أي وجع في الدنيا. المحامي الأستاذ فريد والمعلم رجب كانوا عايزين يودوني المستشفى العام أرتاح، بس أنا ركبت التوك توك ورجعت على بيتي في الحارة.. بيتي اللي دُفعت فيه دم قلبي ورزقي عشان أجهزه مع شعبان.
أول ما حطيت رجلي في الشقة، لقتني بقفل ترباس الباب بالحديد، وغيرت الكالون في نفس الليلة بيدي قبل ما أنام. شعبان حاول يكلمني على التليفون عشرات المرات، جرس المحمول كان بيرن في الصالة زي النواح، بس أنا ما فكرتش لحظة أرد. كل ما ألمح اسمه على الشاشة، أحس بغثيان وكسرة نفس.. مش عشان حبه، ده الحب مات واتدفن تحت سرير المستوصف، بس عشان خيبة الأمل في راجل كنت فاكراه ضهري وسندي، طلع أول واحد يبيعني ويقبض التمن عشان يرضي أمه!
مرت أسابيع وأنا محبوسة مع ضنايا في الشقة، برضعه وأداوي جرحي بالصبر. لحد ما في يوم، جالي المحضر بإنذار رسمي على يد إحساس؛ ورقة رسمية من محامي شعبان بيطلب فيها “تمكين من رؤية العيل” وبيهدد إنه يرفع قضية ضمي وحضانة لو منعته!
قريت الورقة وأنا بقيد النور في الصالة، وضحكت ضحكة ممرورة سمعتها الشارع كله. حضانة؟! بعد ما كنتوا هتبصموني وأنا تحت البنج زي الميتين؟!
المحامي فريد لما زارني وقرأ الإنذار، هز رأسه وبص لي بثبات وقال:
— سيبيه يلعب في الميه العكرة يا وردة.. المحضر اللي اتعمل في القسم وتفريغ الكاميرات وشهادة صباح الممرضة، كفيل يلبسهم قضية تزوير وتدليس توديهم في ستين داهية، ومش هيشوفوا ضوافر العيل ده!
بس الحاجة أم صابر ما كانتش ست تسلم بسهولة ولا تقبل الكسرة قدام أهل الحارة.
في ليلة كحلاء، والعيل نايم جنب مني في السرير الخشب القديم، سمعت رزعة جامدة على باب الشقة! خبط متواصل بعنف كأن حد بيخبط بمرزبة عايز يهد الحيطة!
قمت بالعافية وأنا ماسكة بطني بإيد، وسندت على الحيطان لحد ما وصلت للعين السحرية.. لقيت الحاجة أم صابر واقفة في الوش وعيونها قايدة شرار، وجنبها اثنين من إخوات شعبان، معلمين الجزارة، شايلين الشوم ومربوطين على وسطهم!
فتحت الباب على الشنكل وبصيت لها بحدية: — خير يا حاجة أم صابر؟ جاية على ملا وشك في أنصا
وقبل ما يمد حد فيهم إيده على الباب، صوت سرينة عربية المباحث ضربت في الحارة! النور الأزرق والأحمر كان بيلعلع على شبابيك البيت. اتلفتوا كلهم مرعوبين، ولقينا الظابط رئيس المباحث طالع على السلم بخطوات ثقيلة ومعه قوة من الأمناء. اتاري المحامي فريد كان عامل حساب غدرهم ومبلغ الدورية!
الظابط وقف على البسطة، وبص لأم صابر وإخوات شعبان بنظرة صارمة وقاتلة:
— يا حاجّة أم صابر.. كلمة واحدة زيادة أو محاولة اقتحام، وهتاخدي ليلتك أنتِ والرجالة دول في التخشيبة بتهمة التهجم والشروع في الخطف! القانون بيمشي على الكبير قبل الصغير، ارجعي مكان ما جيتي وشوفي المحكمة هتقول إيه!
المشهد كله اتقلب في ثانية.. أم صابر اللي كانت داخلة تتنطط كأنها ملكة الحارة، لقت نفسها مكسورة قدام الظابط والناس اللي اتجمعت على السلم، ولفت وهي بتبص لي بنظرة غل وكراهية تسُم البلد.
وبدأت الملحمة الحقيقية تحت قبة المحكمة..
جلسات ملولة، محامين، تقارير طبية، ومواجهات. صباح الممرضة وقفت قدام المنصة وأدت الشهادة بكل شجاعة، والكاميرات اتفرغت وحرزت، والدكتور الخاين انحصر في الزاوية لحد ما اعترف إن الحاجة أم صابر دفعت له 50 ألف جنيه كاش عشان يمرر ورقة التنازل وهي متبصمة تحت المخدر.
في يوم الحكم النهائي، القاعة كانت زحمة ومخنوعة بالناس. كنت قاعدة على الدكة الخشب ماسكة العيل في حضني وإيدي بترتعش، وعلى بعد خطوات كان شعبان واقف، شكله مهدود ووشه بياض كأنه كبر عشر سنين في شهرين، وجنبه أمه قاعدة تتفزز ومُصرة إنها صح.
دخل القاضي وضرب بالمطرقة على الطاولة.. القاعة كلها هديت كأنها جبانة.
القاضي قرأ الحيثيات بصلابة، وبعدين نطق بالجملة اللي رجت كياني: “حكمت المحكمة ببطلان كافة المستندات والإقرارات الموقعة من المدعية وردة وهي تحت تأثير المخدر الطبي، وإثبات الحضانة المطلقة والأبدية للأم، مع إحالة المدعى عليهم (شعبان عبد المطلب وأمه سعاد والطبيب المعالج) إلى النيابة العامة للتحقيق في جناية التزوير في أوراق رسمية واستغلال العجز الطبي!”
في اللحظة دي.. حسيت كأن جبل كان كابس على صدري وانفجر! الدموع نزلت من عيني سخنة ودافية، بس ما كانتش دموع ضعف، دي كانت دموع النصرة. بصيت لضنايا وهو نايم في لفافته ومترستق، وهمست في ودنه: — خلاص يا قلب أمك.. الكابوس خلص ومحدش هيقدر يبعدك
ص الليالي ليه؟!
صرخت بصوت جلجل في الممر وهز درابزين السلم:
— فكي الشنكل يا وردة وهاتي الواد! الواد ده ابننا ، ومش هنسيبه لحرمة صايعة زيك تتربيه في الشوارع! رديت عليها بثبات وقوة طالعة من قعر رحمي:
— الواد ده ابني أنا.. رضعه من دمي ووجعي، ومحدش في الدنيا كلها يقدر ياخد شعرة منه طالما أنا فيا نفس!
وشها اتغير واتقلب لمرض، وصرخت في إخوات شعبان: — اكسروا الباب! المحكمة لسه ما قالتش كلمتها، والواد
شعبان حاول يقرب مني وأنا طالعة من باب القاعة، كان شكله مكسور ومذلول، وقال بصوت مبحوح: — وردة.. اسمعيني يا وردة، أنا أذنبت في حقك، ألمي وضغط أمي هما اللي عصموا عيني وخلوني أعمل كدة!
وقفت، وبصيت له من فوق لتحت بنظرة أبرد من التلج وأعمق من الموت، وقلت له: — الضغط يا شعبان بيبيّن الراجل الأصيل من الناقص.. وأنت طلعت ناقص. الراجل اللي يبيع مراته وضناه عشان أرضي أمه، ما يلزموش يكون أب ولا يكون راجل من الأساس.
لفت ضهري ومشيت وما بصيتش ورايا ثاني.
مرت الشهور.. والحياة بدأت تهدى وتبتسم لي من جديد. نقلت من الحارة لبيئة جديدة، فتحت فيها مشروعي الصغير وشقتي الهادية اللي مليانة أمان ورائحة غسيل العيل. جرح القيصرية التأم وخف، والجرح اللي في قلبي علمني إزاي أكون جبل وما أنكسرش لأي حد.
وفي ليلة هادية، كنت قاعدة على الكنبة بتفرج على ابني وهو بيضحك في نومه، افتكرت اللحظة اللي فقت فيها في المستوصف وكنت فاكرة إن الدنيا انتهت وإنهم سرقوا حياتي..كل ما افتكر الممرضة ال بلغت ادعيلها من كل قلبي
ابتسمت ابتسامة رضى وقوة، وقلت في سري: الضربة اللي ما بتق/تلكش بتبنيك.. وهما كانوا فاكرين إنهم بيكسروني، بس ما عرفوش إنهم صحوا فيّا الست الجدعة اللي بمليون راجل!
طبعا الكلام دا في فترة عدت من زمن لان اي مولود بيبقى فيه قيود من العيادة او المستشفي وبيتعرف مين الام وصعب تلاقي حالات تسجيل الطفل لغير امه الا في حالات نادرة
تمت
