ضحك كام شخص من الموجودين ضحكة متوترة. لكن محدش وقف معايا. حسام بدأ يض. رب. أنا حاولت أتماسك. واحد…اتنين…تلاتة…وبعدها بطلت أعد. كنت سامعة صوت الموبايلات وهي بتصور. سامعة أمه وهي بتقول:”خليها تتعلم الأدب.”وسامعة نهى وهي بتضحك. لكن وسط كل ده، محدش خد باله من حاجة مهمة جدًا.
السوار الذكي اللي في إيدي كان لسه شغال. وكان بيسجل كل حاجة. الصوت. الفيديو. الوقت. وحتى كلام حسام وأمه ونهى. لكن الأهم من كده… إن حسام نفسه كان ناسي أنا مين قبل ما أبقى مراته. أنا مش من عيلة عادية. اسمي قبل الجواز كان “داليا السيوفي”.
وأنا أصغر أخت لخمس رجالة كانوا معروفين في القاهرة إن محدش يقدر يقرب منهم. إخواتي الخمسة كانوا: يحيى، ورائد، وشادي، وفارس، ونادر. زمان كانوا داخلين في شغل كتير خطير، لكن أبويا قبل ما يمو. ت أجبرهم يبعدوا عن أي حاجة مخالفة للقانون.
الأكثر قراءة الان
اتجوزت ضرير حكايات زهرة الربيع
منذ 5 أيام
الشبح حكايات انجى الخطيب
منذ 4 أيام
امي حلقت شعر مراتي حكايات انجى الخطيب
منذ 4 أيام
وبالفعل، خلال السنين اللي فاتت، حوّلوا كل نفوذهم وخبرتهم لشركات قانونية كبيرة في الأمن والحراسة، والنقل واللوجستيات، والمقاولات، وأمن المعلومات، والمحاسبة والتحقيقات المالية. كان عندهم فلوس. وعندهم محامين. وعندهم علاقات قوية. لكن أهم حاجة…كانوا بيحبوا أختهم الصغيرة بشكل حسام عمره ما فهمه.
لما خلص حسام الض. ربة الأخيرة، كنت شبه منهارة. فكّوا إيديا، ووقعت على الأرض. قربت نهى مني وهي بتبصلي بانتصار. ونزلت لمستوايا وقالت:”المرة الجاية افتكري مقامك.”رفعت عيني وبصيت لها. وبالرغم من الألم… ابتسمت. ابتسامتي خلتها تتراجع خطوة. لأنها لأول مرة شافت حاجة ماكانتتش متوقعة. أنا ماكنتش خايفة.
كنت مستنية. بعد ساعتين، كنت محبوسة في أوضة الضيوف. حسام كان فاكر إنه كده كسرني. لكن هو ماكانش يعرف إن فيه تليفون طوارئ قديم كان موجود في درج الأوضة من أيام أبويا، وأنا كنت محتفظة بيه من غير ما أقوله. مسكته بإيدي المرتعشة. واتصلت بأكبر إخواتي.
رد من أول رنة.”داليا؟”سكت ثواني، وبعدين صوتي خرج مكسور لأول مرة:”يحيى… أنا محتاجاكم كلكم.”الصمت اللي حصل على الناحية التانية كان مرعب. وبعدين صوت يحيى اتغير تمامًا.”قوليلي حصل إيه؟”بصيت للعلامات اللي على إيديا، ودموعي نزلت من غير ما أحس.
وقلت:”هما فاكرين إني مليش ضهر.”يحيى سكت لحظة. وبعدين قال بهدوء مخيف:”خليهم يفضلوا فاكرين كده لحد الصبح.”قلت:”يحيى… أنا عايزاكم كلكم.”رد:”هتلاقي الخمسة عندك قبل الشمس ما تطلع.”وبعدها قفل. وأنا حطيت التليفون جنبي، ومسحت دموعي. لأول مرة من سنين…حسام هو اللي كان لازم يخاف.
لأنه ماكانش عارف إن اللي عمله في الليلة دي…كان أول غلطة في أكبر قرار هياخده في حياته. والصبح…كان لسه ماطلعش، لكن أول عربية من عربيات إخواتي كانت وقفت قدام فيلا المنشاوي.#انجي_الخطيب أول عربية وقفت قدام بوابة الفيلا ماكانتش عربية عادية.
كانت عربية سوداء فخمة، نزل منها يحيى وهو لابس بدلة غامقة، ووشه هادي بشكل يخوف أكتر من أي عصبية. وراها عربية تانية نزل منها رائد، وبعده شادي وفارس ونادر. الخمسة دخلوا من بوابة الفيلا من غير ما يستأذنوا، لكن أول ما رجال الأمن حاولوا يوقفوهم، يحيى رفع إيده وقال بهدوء:”إبعد
